佛誕日 不如講吓佛陀

可唔可以講吓點解持咒要觀想?

高質post

更正：

悉達多嘅出生哋係藍毗尼 Lumbini，而唔係迦毗羅衛城(Kapilavastu)。

由於母親摩訶摩耶Mahamaya，係拘利國(Koliya)人，根據傳統，女人會返娘家生仔，而佢喺前往家鄉首都羅摩城(Ramagama)途中，就喺藍毗尼(Lumbini)生咗悉達多，相傳大約一個星期後逝世。

另外，呢幾日會繼續寫作，但未必咁快出到文了。

對呢方便認識唔多，歡迎討論下

但自從睇完女武神的釋迦的外表之後就一直係腦中覺得佢真人都係咁上下不過都有講過不能以三十二相觀如來

密教講身語意三毒轉三密，身手印，語持咒，意觀想，即係空海講既「三密加持速顯疾」，應該係加持作用

我淨係知阿彌陀佛聖號者六字大明咒
可以觀想西方淨土
但係如果文殊菩薩心咒或者其他咒
唔知應該點觀想
咁可以點算？

實際點觀想我都唔識答你唔到，實際操作應該問法師/上師

如果涉及密教既修法需要口傳或灌頂既話應該要拎左approval先，會比較如法

留名

架馬車係棍波定自動波？

想問吓有好多時候啲人唸咒都會用念珠
咁隻手揸住念珠
重點樣做手印?

雖然邊隻手揸念珠冇定，但一般係左手渣或載，因為左手表淨，右手表穢

手印應該要跟返修咩法而定，都係問法師上師穩陣，我冇資格答😂

我聽嗰個係右手先係乾淨

所以真係無一定答案，建議跟上師做法

認真一問，如果悉達多出生係賤民階級，個結果會點？
做得哲學/宗教既，有幾多個係真窮？
孔子？老子？莊子？孟子？耶穌？

其他唔識，但耶穌喺馬槽出世，都唔係咩有權有勢嘅人。當然耶穌喺基督教入邊係神🤔又咁講，人滿足咗基本需求之後，有精神同思想追求都reasonable

明王/怒佛，最強係咪不動明王?

偏重於口頭唸誦大多屬於顯教作法／雜密／陀羅尼密教，而強調要配合禪觀就已經進入密教次第／純密／怛特羅密教。

前類咒法嘅性質就好似轉換器／放大器，係利用聖者嘅祝福令行者本人嘅福德增長並快速兌現嘅工具。咒語生效嘅邏輯近似於早期佛教以來（實際上古印度早有實語仙人一說）嘅「真實語」傳統⸺具德者以言語為媒介喺自他身上引發奇蹟，兩者嘅差別大概只係前者如同其他大乘不共二乘嘅方便一樣加入咗取用他力嘅元素。

你或者都曾經喺南傳賢友口中聽聞過巴利三藏裡頭有「佛陀將咒術貶斥為畜生明」嘅記載，而以上解釋就係我哋站喺自宗立場相信大乘、密乘嘅咒法不同於為佛所斥嘅外道咒術而仍然如法嘅原因之一。

前類咒法嘅作用主要係以自身福德（我功德力）結合聖者祝福（如來加持力）從而獲得世間悉地為主，強調嘅更多係行者一直以來嘅布施習慣、日常持戒乃至禪定功夫，事關福德嘅積累喺佛教嚟講離唔開呢幾樣嘢。呢度往往唔會特別要求行者投入繁多複雜兼且另有旨趣嘅身結印同意觀想，尤其係觀自身為本尊之類嘅密傳禪觀。

至於後類咒法嘅性質就更加似除塵器，同樣係憑藉他力加持（如來加持力），但修法目的就深化為淨除語障、顯語功德（法界力）乃至徹底喚起行者本具嘅佛性。相比前類咒法基本上只要求行者抱有關於善惡因果嘅世間正見，正式嘅密教次第講求行者喺發心、見地上都必須要企及出世間嘅層次⸺菩提心堅實穩固兼且信解唯識、如來藏兩系大乘法教。

後類咒法嘅特色係行者持咒之餘仲要配合雙手結印、心中觀想，咒語嘅定位逐漸由主角變成輔助禪修嘅配角，例如以特定方式發聲／咒音本身就會驅使持誦者以有利靜心入定嘅方式運氣，甚至只係通過默念咒語攝心。

最後，之所以強調修密法者必須信解唯識、如來藏法義，係因為密教認為看似毫無意義甚至略嫌荒誕嘅手印、咒語同觀想更直接噉指向心深密處、呼應各人嘅覺醒本質，而呢個先係「顯」「密」分野嘅真正所在。當然，由心粗淺處著手、事事曉之以理嘅教法始終係更加適合大部分人嘅穩妥選擇，由顯入密、顯密雙修亦係無數密乘上師所肯定嘅正途。

依家睇返你嘅問題：

可唔可以講吓點解持咒要觀想?

「持咒」本身冇話要唔要觀想，只係兩種做法各有旨趣，如何選擇視乎個人需要。

我淨係知阿彌陀佛聖號者六字大明咒
可以觀想西方淨土
但係如果文殊菩薩心咒或者其他咒
唔知應該點觀想
咁可以點算？

得到金剛上師灌頂、口傳、開示一整套本尊法（後類咒法）嘅話自然唔會問呢個問題，只係得個咒喺手代表你修嘅大概係本來就冇喺觀想方面有特定要求嘅前類咒法，誦咒嘅時候隨自己心意觀想對應聖尊嘅形象、國土甚至只係光明遍滿皆無不可。

想問吓
如果好似我呢啲3,40歲人先至發心修行
其中一樣嘢最難嘅就係真係全心全意咁樣信佛
有冇啲乜嘢咒
諗咗可以更加容易與諸佛菩薩感應

印度佬用手敏屎

淨飯王點解叫淨飯王？

呢層答唔到你，但我會覺得噉樣諗係倒果為因。

慢慢嘗試將你學過嘅佛法放喺生活上實踐、體會同反思，機緣成熟嘅話或者會同諸佛菩薩有所交感，無需刻意為之。個人睇法係修行對大部分人嚟講就好似經營人際關係，想要令佢牢固持久就應該做到細水長流而唔係指望一蹴而就。

修行之初就執意追求感通滿天神佛、守護高靈云云嘅往往都係出事嘅一群，唔係變得瘋瘋癲癲就係自覺不可一世，到最後越走越遠。追求神通感應本質上係追求外在事物帶畀內心嘅刺激感、新鮮感，而佢哋的確好有可能喺短時間內驅使初心者「精進地」投入修行。不過，外界刺激引發嘅感受來去如風，佢哋為你帶來嘅動力亦然，無法沉澱出更深層次嘅動機而單靠「癮頭」維繫嘅修行注定唔會長久。

成左佛 唔係已經五蘊皆空 仲點搵佛?