佛誕日 不如講吓佛陀

多謝絲 好enjoy喺度同大家一齊學野

悉達多和悅自在，抬頭仰望，睇見晨星喺天邊閃閃生輝，渙然一新。

佢回顧六年嚟嘅尋覓，經歷過失望艱苦，諗起父母、姨母、耶輸陀羅、羅睺羅、闡陀、老師、同修、朋友，又諗起迦毗羅衛，仲有活喺貧困痛苦嘅人，心中悲憫油然而生。

菩薩冇忘記初衷：「係時候分享滅苦之道，等大家都親嚐呢份解脫！」

河提嘅鮮花盛開，水面同葉片映照柔和嘅晨光。當心無罣礙，遠離顛倒夢想，生命嘅奧秘亦顯露無遺。

縛悉底從遠處見到悉達多，上前合掌問訊：「尊者，你今日容光渙發喎，唔通係有啲咩突破？」



悉達多詳和回答：「無錯，終於親嚐等覺、涅槃嘅滋味。」

「咁你咪就係佛陀？」縛悉底驚歎。

悉達多微笑：「多謝你咁稱呼，貧僧已經完成喺度嘅任務，過幾日就會繼續上路，希望離開之前，見吓大家。」

*佛陀本人同佢啲弟子一樣，都係剷光頭嘅 (MN26, MN100)，髮髻造型係受希臘文化影響，由後世描繪出嚟

呢出野叫咩名？netflix有冇

劉名學嘢

套印劇叫《佛陀 Buddha：王中之王Rajaon Ka Raja》

2006年，製作人Bhupendra Kumar Modi，睇咗越南僧人一行禪師嘅佛傳《故道白雲 Old Path White Cloud》之後，覺得好正，想將佢拍成電視劇，於是徵求禪師同意。

當時一行禪師拒絕收取版權費，提出只需要將部分收入(1%) 捐畀印度嘅貧困兒童，同埋開拍前，演員需要先接受三個月嘅禪修訓練。B K Modi大為感動，將收入嘅另外1%，捐埋畀越南同其他國家嘅細路。


https://www.tuvienquangduc.com.au/TruyenNgan/197duongxuamaytrang-phim.html

https://phatgiao.org.vn/co-duyen-de-bo-phim-cuoc-doi-duc-phat-thich-ca-ra-doi-d33421.html

懷疑由於合約問題，套劇已經喺Netflix下架，但YouTube仲有得睇 (第27集先至出家)

普通話版
https://youtu.be/upvKbKsGW_A?si=HArmfgnt0vRM15i3

Original
https://youtu.be/BcflK6MTFiw?si=FbczG9owxr6lNWzz

Lm

縛悉底、善生、難陀芭娜、媲摩，仲有幾位村童，帶咗啲食物，嚟到畢缽羅樹下，圍着悉達多坐。

佛陀念誦：「受用飲食，唔係為享樂陶醉，唔為增肥變靚，只為支持同滋養身體，保持健康，成就梵行。如是觀想，讓我解除飢渴，又唔過量飲食，可以繼續無過失咁安住。」SN35.120

悉達多教導正念進食：「食野嗰陣，我喺每一啖，都保持正念正知，調伏貪憂，大家都可以試吓。」

佛陀同村童止語進食，專注咀嚼得來不易嘅食物，內心安然自在。

食完之後，村童問咗好多關於修習、關於悉達多嘅問題，悉達多深入淺出咁為佢哋逐一解答，大家過咗一個難忘嘅晏晝。

話說我近日俾街頭騙子騙咗幾百蚊，
請問佛教其實係點睇呢類事？

係咪我可能上世有野欠咗佢，今世要還？
或者係佢今世都要還，只係時候未到？

請賜教

補充少少...
其實過程中，我有懷疑佢喺騙子，
但當時我又覺得佢情況有少少慘，所以借咗錢畀佢。

我反思緊我其實係咪應該幫佢？ 幫佢喺咪即喺我笨？

欣賞巴打嘅善心，幾百蚊雖然唔係多，但遇到呢啲情況，我一樣會覺得唔甘心。試過去一個落後地方旅行，都畀人毘過，當時有啲錯愕。

我會從「此是故彼是」去理解：

假如我喺某種環境長大，冇受過佛法薰陶，不分善惡苦樂，冇家人、師長、朋軰以身作則，咁喺我嘅認知入面，想揾錢就係要偷呃拐騙，令貪瞋癡不停延續。

被人呃嘅我，都未必可以置身事外。可能不知不覺間，我都有份促進貧富懸殊、階級剝削，創造咗呢啲騙子出嚟。

呢種因緣觀，幫我睇清冰山之下嘅底蘊，唔再以為彼此係獨立個體，化解心入面嘅鬱結怨恨。

多謝你的解答。

咁諗返其實我的確喺用份造成貧富懸殊嘅，所以某程度上都喺一種因果黎。

聽完你講，咁我都有啲釋懷，希望佢可以好好活著，早日走返正途啦。

佛陀繼續全心修習，正念攝護身心，用禪悅滋養智慧⋯⋯

幾日過去，晨霧之中，悉達多步行離開，村童依依不捨咁送別。



佛陀不徐不疾咁前行，沿路見到一位比丘，叫做優婆伽Upaka，得知鬱陀羅老師已經過身嘅消息。

佢又打聽到之前嘅五位同修，宜家住喺鹿野園 Mrigadava (今稱 Sarnath)，就決定出發去揾佢哋 MN26

更正

佛陀苦行嘅地方，叫Dangsiri，唔係Dantalola，即係今日嘅Dungeshwari。

https://indianvagabond.com/2020/03/16/dungeshwari-mahakala-cave-bodhgaya/

https://youtu.be/DvPshpC7djU?si=vei0BMWGf6wBQOls

佛陀沿着尼連禪河北行，幾日之後，到咗波吒釐村Patiliputta (今Patna)，再沿恆河西行，來到迦尸國 (Kasi) 嘅都城 — 波羅奈斯 (Varanasi)。

出生：Lumbini
成長：Kapilavattthu
Alara Kalama：(Vaishali) Vesali, Vajji
Uddaka Ramaputta：(Rajgir) Rajagaha, Magadha
苦行：(Dungeshwari) Dangsiri
證悟：(Bodhgaya) Uruvela
初轉法輪：(Sanarth) Mrigadava, Isipatana, Varanasi, Kasi



佛陀容光煥發，緩緩步入鹿野園，重遇五位同修。

佢哋只係冷淡咁講咗句：「悉達多，要坐就隨便啦。」MA204

佛陀平靜咁話：「一排冇見喇各位，我來係想同大家分享，喺Uruvela修習嘅成果。」



憍陳如質疑：「半途放棄，食米飲奶，又同村童結伴，可以有啲咩成果呢？」

佛陀不卑不坑：「憍陳如，作為修行人，我避免兩種極端，一係沉醉喺低俗嘅感官欲樂，二係虐待身體，徒添痛苦。

「離開呢兩邊，我沿中道而行，成就寂靜、智慧、等覺、解脫、涅槃。」

SN 56.11 轉法輪經



悉達多自信而謙厚嘅一番話語，令五位比丘心服口服。憍陳如話：「師兄所言甚是，我哋跟你學野！」



就咁樣，五位比丘放棄咗苦行，開始接受佛陀指導。

佛陀向五位同修解釋佢嘅方法：「沿着中道，我修習八支道 (aṭṭhaṅgika-magga)：正見、正思惟、正語、正業、正命、正精進、正念、正定。」



「擇法、審察，*諦知苦(煩惱)、集(根源)、滅(熄滅)、道(聖道)，係正見。

「離欲、無瞋、不害嘅思維，係正思惟。

「遠離殺生、偷盜、邪淫，係正業。

「遠離妄語 (講大話)、兩舌 (挑撥離間)、惡口 (鬧人嘅粗言穢語)、綺語 (講埋啲無謂野)，說話適時、柔和、建設性、善意，係正語。

「如法求衣服、飲食、臥具、湯藥，係正命。

「熱誠、勤競、常行不退，係正精進。

「憶念隨念，明記不忘，不妄不虛，係正念。

「不散亂、堅固、攝持、寂止、一心，係正定。

「若要成就梵行，八支聖道，缺一不可。」SA784-785

*苦、集、滅、道，又叫四諦，由於喺佛陀開悟過程已經解釋過，呢度省略。

享受住 有冇人一樣睇錯咗














享受性

推比更多人睇到

多謝歌巴

冇 邊度

悉達多慢慢長




呢度

okay 歡迎繼續睇

Thanks 幾好睇 將抽獎概念盡量濃縮 咁多經典相信都用左唔少時間