佛誕日 不如講吓佛陀

記得母后同繼母係兩姊妹

多謝支持

是

之後每朝，佛陀都留喺鹿野苑。

當佢悉心指導兩位同修，另外三位就入村化緣；當佢指導三位同修，另外兩個就出去乞食，返來將食物分成六份。



佛陀由最基本教起：「眼知色，耳知聲，鼻知香，舌知味，身知觸。如果唔好好攝護五根，就會被貪愛繫著，好似野鹿被困喺獵人嘅陷阱。

正念，幫助我哋守護根門，覺察所觸、所受，唔畀愛欲染著，正如野鹿唔畀獵人嘅羅網纏繫。」MA 204



如是，大家一齊修習正念呼吸、正念步行、正念端坐、正念飲食。

一段日子過去，大家都掌握咗四念住、出入息念呢啲禪法，體會到輕安、喜悅、妙樂、寂止、捨離，解開種種心結。

講佛陀故事，一定支持🤯❤️可惜我p牌仔，推唔到文又點唔到讚。請你繼續更新🪷🪷

無意中發現開始追post～多謝樓主帶大家認識佛佗相信你都俾咗好多精力去考證同寫作
我見你話過掙扎喺唔同經文之間， 可唔可以分享吓選擇嘅過程係點？唔同經文之間嘅關係係點？互為補充？有互相矛盾嘅位？

多謝丹斤絲 幫你宣傳吓

[奇幻/時空/神怪/佛教/戰爭］
《太鬼小魚傳》(又名: 太鬼時輪)
https://lih.kg/3780459

多謝絲打支持

你問嘅問題好深… 我嘅掙扎，主要係圍繞着：佛陀究竟覺悟咗啲咩？邊啲修習係佛陀試過唔work嘅？邊啲修習令佢覺悟？邊啲修習係後人增添擴充嘅？

要搞清楚呢啲，隨咗親身禪修，亦不免踏入學術領域，透過唔同文獻研究，掌握聖典發展嘅脈絡，揾出比較古樸嘅部分，嚟還原悉達多覺悟嘅歷程。



暫時我比較buy嘅係，由日本學者發起，印順導師繼承，同埋Prof Choong Mun-keat嘅睇法。

佢哋認為，「九分教」嘅最早部分 — 契經，係指《雜阿含》同埋《相應部》嘅蘊、處、緣、道，呢啲chapters。

雖然入面嘅經文重複，看似雜亂無章，但其實正正係佛法嘅精髓所在！呢個亦係我大量引用SA/SN嘅原因。華人心繫大乘，鍾意洋帆出海，可以！但忘卻契經呢個純淨嘅清泉，甚至貶斥阿含聖教為小乘，我就覺得好可惜

另外，正如師姐所講，經文有陣矛盾，有陣互補，好難一概而論。舉個例，馬鳴嘅《佛所行贊》，記載佛陀由佢老師身上學到四禪、四無色定。相反，《中部85經》記載悉達多先學到無色定，再修苦行，之後先憶述兒時嘅初禪經歷。再睇吓《中阿含204》同《中部26》，兩位老師教悉達多嘅係無色定，而四禪係出現喺後來對五比丘嘅開示。

馬鳴嘅《Buddhacarita》係公元後嘅作品，反映後人將四禪同四無色定，開始混為一談做八定。中部嘅經文，非常重視四禪。但當我哋睇「契經」，就會更清楚，四禪係點樣由更早期嘅framework發展出嚟。

至於背後原因、取捨過程，我估可以去港大MBS (Master of Buddhist Studies)，出返篇碩士論文嚟交代了

五戒十善八正道
謝巴打分享
重溫下幾有趣

幫推

佛陀見大家進展良好，於是分享更深入嘅教導：

「色身、認識、感受、思想、心行，五蘊都係無常嘅，佢哋會苦，但五蘊唔屬於我，亦唔係我本身。如是覺察，心無所取，就能夠證悟無上解脫。」

SA 34, SN 22.59 無我相經



憑着精進努力，憍陳如、婆敷、拔提、摩訶那摩、阿說示，終於分別證悟等覺，感受到前所未有嘅清涼、寂靜、安穩、自在，成為功德圓滿嘅聖者 — 阿羅漢 (arahant)。

佛陀高興咁講：「願我哋呢個僧團，繼續和睦共處，修持滅苦之法，讓慈悲同智慧，遍地開花🌼。」

多謝巴打詳盡嘅回覆！我了解甚少，對巴打提及嘅阿含經、相應部、中部都淨係聽過🙈只係比較有興趣了解你求證同寫作嘅過程同心得。願你不懈嘅努力同求真嘅心，令你繼續喺浩瀚星河中探尋，而不致迷失

多謝巴打

多謝支持 大家中秋節快樂

唔知大家有冇試過喺瀑布潭游水，感受過嗰份清涼自在？

寫佛陀嘅故事，令我有幸可以接觸到，近乎原汁原味嘅教導，感覺就好似，沿着溪澗行到上游，親嘗最純淨甘甜嘅泉水。

見識清泉變成大海，亦令我明白，當掌握最核心嘅教導，融會貫通，就自然可以深化昇華，靈活變通，真正發揮大乘海納百川嘅精神

追緊巴打嘅post， 咁啱呢幾日去咗新加坡，又咁啱去咗牛車水嘅佛牙寺。而入面又咁啱展覽緊佛陀嘅故事，彷彿有一種緣份喺度。覺得緣份嘅帶領令我見到佛陀嘅舍利子同遺骨。
唔介意嘅話我都想借用巴打個post分享吓喺佛牙寺入面影嘅相。

多謝巴打嘅分享！睇嚟呢個寫作除咗我哋學到嘢，你都有好深嘅體會。鍾意你寫佛佗嘅故事之中，會融入唔同經文嘅教導。如果有時間，不妨再延申介紹吓原始純樸嘅契經，小乘同大乘，或者繼續分享吓體會。相信唔同程度嘅人都會有得着！我自己就好入門嘅，咁啱有呢個機緣去認識佛教

多謝巴打分享，間寺幾有特色

唔想騎劫巴打個post，有人想睇先至再放相

無問題喎 我想睇

咁就入去大門開始先

因為保安員俾影相，所以冇影到嗰像
大概係一條金龍形立像，咬住一把印度教色彩嘅寶劍。



寺高四層加天台，一二樓同屬一個大嘅空間內有巨型嘅菩薩(好似觀音)像，不過當其時做緊一個高僧嘅紀念儀式就冇開放俾人參觀。

天台花園密宗藏經轉輪。


4樓係供奉佛牙舍利嘅樓層，
同時亦都有一半空間係可以供善信喺度打座。
佛牙舍利收藏喺由420公斤黃金打造佛塔入面。
四個角落頭有四支金柱，頂上有四隻印度色彩嘅獅子，
據講係因為襯托返悉達多太子本身嘅出身同埋象徵着佢嘅佛法好似獅子咁莊嚴傳向四方。

因為又係唔俾影相，所以只能文字描述


3樓就係嗰個佛教展覽嘅主禮堂。
第一部份係講悉達多太子去到成佛然後灰渡嘅過程。

我懷疑佢個展覽有增進同修補，
有啲位似乎搬動過，所以佢嘅介紹木牌數目唔齊



3. 看相 - 預言




6. 岀遊厭欲

有心，希望佛陀嘅教導裨益到大家！

呼吸之間，發覺呼吸唔係屬於我，呢個身體識得自己呼吸，嗰種感覺好奇妙。隔住正念呢塊玻璃，觀察思緒來去，就好似喺海洋公園睇魚咁，清楚了解，而唔捲入其中

以前嘅我，一直以為五蘊嘅「識」(vijnana)，係形容認知嘅主體 — 知者、本心。然後覺得：我咪就係呢個識囉 — 點解佛陀話識係非我？

出呢個post嗰陣，開始留意到，契經嘅「識」，單純指「了別」、「認識」嘅呢個作用，或者功能。

眼知色，耳知聲，鼻知香，舌知味，身知觸，生起五種認識 (識)，引發各種感受 (受)、思想 (想)、心理活動 (行)，又帶來「意」呢種認識。

呢六種認識，就係我哋所感知到嘅一切，當中唔存在一個知者，亦無「我」本身。

印度人用六入處(眼耳鼻舌身意)同五蘊(色、識、受、想、行)，剖析身心運作，嚟到破除對自我嘅錯誤建構，係獨一無二嘅心理學說，亦係對人類精神文明嘅一大貢獻

後人將佛陀教導深化，開始探討「意識」嘅潛藏部分，提出末那識、藏識，衍生出「唯識學說」，可以媲美現今嘅西方心理學。

當然，玄奘法師西行印度之後，帶咗啲乜野返嚟，未必太多人了解。因為大家更關注嘅，可能係西遊記入面嘅孫悟空點樣打妖怪

感恩樓主一直分享 令到大家有機會接觸到佛陀故事同佛陀的教法
黎緊10月2號我都短期出家 希望會有所得著