佛誕日 不如講吓佛陀

左抄右抄唔緊要 全部都係由經典節錄出黎 會更加吸引人追落去 又唔影響真實性 有時我自己都好迷惘 驚遇到偽經假和尚 唔知師兄有無打坐禪修經驗分享 最近學習緊

我仲執緊篇文未出到 除咗經文，仲抄古今嘅佛傳，有啲細節冇記載，就用自己經驗老作，例如阿羅邏老師教禪坐

個人經驗：
坐禪頭15分鐘，有好多念頭，慢慢沈澱，就開始觀察到，身體識得自己一呼一吸，而唔係屬於我。

感受、思想、回憶、焦慮、悔疚、渴望，浮現又消失。但內心唔似平時咁，受佢哋影響 — 有啲似喺海洋公園，隔住塊玻璃睇魚，mindfulness就係呢塊玻璃 半個鐘、一個鐘，好快就過。

Spoiler :

岩岩開始 不停有念頭出 愈在意發覺忘記左觀呼吸 依家知道起念個陣 就比自己知有起念 但唔在意佢 但唔知係唔係坐姿問題 有時候會有種離心力出黎 向前或者向後 有諗過係唔係新著左 但個心係清醒緊 所以我都唔識點講
依家每日都30分鐘 好準時 開眼個下就係30分鐘

仲未有 ‘我佛你’

宜家嘅悉達多，已經熟悉唔少瑜伽禪法，例如觀想地、水、火、風、空、識，甚至無所有。[1]



但到底點樣先能夠根除苦本呢？佢打聽到一位高僧，叫鬱陀羅羅摩子 (Udraka Rāmaputra)，門下有幾百位弟子，住處離王舍城唔遠，於是又向南出發，拜訪呢位大師。[2]



鬱陀羅大師已經七十幾歲，深受大家尊敬，佢對悉達多悉心指導，見呢位年輕徒弟根底深厚，喜出望外。



鬱陀羅話：「悉達多，你已經證得無所有處，脫離對世間事物嘅執取，剩低如如不動嘅『神我』獨立自存。若然連『想』(認知) 都放下，就能夠進一步體悟非想非非想 (nevasaññānāsaññā)。」[3][4]

一段日子過去，終於，悉達多體會到極之深入嘅安寧，清淨而微妙，證得禪定最高境界！

佢心諗，呢個境界雖然好正，但當出定之後，仲係有執取煩惱，諸漏未盡，苦本未除。[5][6]



菩薩證悟，大師真的很興奮。佢捉着菩薩隻手：「悉達多，你係我教過最犀利嘅學生，咁短時間就證悟最高level。老師年時而高，不如你留喺度，做眾人嘅導師啦。」



菩薩向老師提出自己嘅困惑，可惜，鬱陀羅都解答唔到佢。悉達多只好向老師道謝離開。



呢段日子，悉達多仲識咗個叫憍陳如嘅年輕沙門，佢非常仰慕悉達多，不時會向佢學習，大家特別friend。憍陳如目送好友離開，覺得好遺憾。

雖然悉達多從兩位最出名嘅大師學有所成，但憂悲苦惱仍未消除，佢只好繼續孤身上路⋯⋯


[1] 界分別經 - MN 140 / MA 162
四禪、界分別、四等至，係唔同修習嚟。八定嘅講法，容易令人混淆。
「髮、毛、爪、齒、麤細膚、皮、肉、骨、筋、腎、心、肝、肺、脾、大腸、胃、糞，如斯之比，此身中餘在內，內所攝堅，堅性住內，於生所受，是謂比丘內地界也...... 腦膜、眼淚、汗、涕、唾、膿、血、肪、髓、涎、淡、小便，如斯之比，此身中餘在內，內所攝水，水性潤內，於生所受，是謂比丘內水界也...... 熱身、暖身、煩悶身、溫莊身，謂消飲食，如斯之比，此身中餘在內，內所攝火，火性熱內，於生所受，是謂比丘內火界也...... 上風、下風、脇風、掣縮風、蹴風、非道風、節節風、息出風、息入風，如斯之比，此身中餘在內，內所攝風，風性動內，於生所受，是謂比丘內風界也...... 眼空、耳空、鼻空、口空、咽喉動搖，謂食噉含消，安徐咽住，若下過出，如斯之比，此身中餘在內，內所攝空，在空不為肉、皮、骨、筋所覆，是謂比丘內空界也...... 於此五界知其如真，知如真已，心不染彼而解脫者，唯有餘識，此何等識？樂識、苦識、喜識、憂識、捨識......」

[2] 聖尋經 - MN 26 / MA 204
記載佛陀覺悟嘅心路歷程

[3] 淨不動道 - MN 106 / MA 75
“Sensual pleasures… perceptions of the imperturbable, and perceptions of the dimension of nothingness; all are perceptions. Where they cease without anything left over, that is peaceful, that is sublime, namely the dimension of neither perception nor non-perception.”

[4] Sutta Nipata 4.11 (佛說義足10經)：「從何得捨好色？.….. 不想想不色想，非無想不行想。Without normal perception or distorted perception, not lacking perception, nor perceiving what has disappeared. 」

[5] 中部102《五三經》
https://suttacentral.net/mn102/en/sujato?lang=en&layout=sidebyside&reference=none&notes=asterisk&highlight=true&script=latin
經文認為，外道禪定未能完全脫離我見，故解脫非徹底究竟，並提出如實了知六入處之集滅味患離，經不執取而解脫。

[6] 別譯雜阿含151經, 雜阿含926經, AN 11.9
經文認為正確嘅修習，應該：「觀彼大地悉皆虛偽，都不見有真實地想，水火風種，及四無色，此世、他世、日月星辰、識知見聞、推求覺觀、心意境界，及以於彼智不及處，亦復如是，皆悉虛偽，無有實法，但以假號，因緣和合，有種種名，觀斯空寂，不見有法，及以非法。」

呢種覺同非覺只間嘅經驗幾特別
傾前傾後可能真係坐姿有關
巴打好精進 期待更多分享 共勉之

每日唔打坐 硬係覺得好似缺失左D咩 好想可以體會到更深層次

https://www.buddhanet.net/images/mapxxx.jpg

悉達多向西前行，經過稻田、沼澤，渡過尼連禪河(Nerañjarā)，來到距離優樓頻螺 (Uruvelā)半日路程嘅彈多落迦山 (Dantaloka)，攀上險峻嘅峭壁，喺其中一個洞穴入面坐禪。



佢回顧過去嘅修習，曾經認為苦行者自虐身體，徒勞無功，但呢刻又諗：「正如濕柴生唔到火，身體被欲望控制，亦無法修成正果。不如透過苦行，擺脫欲望，達至解脫。」

於是，悉達多開始一段極端的苦行時期。有時當佢禪坐，會咬緊牙關，舌頭緊貼上顎，令自己完全唔郁。有時佢會練習止息禪，從而收攝身心。

中部85經
https://suttacentral.net/mn85/en/sujato

一段日子過去，憍陳如、婆敷、拔提、阿說示、摩訶那摩，五位同修終於揾到悉達多。

大家各自揾咗個洞窟居住，每日輪流入村乞食，將帶返來嘅食物分成六份，每次只係啱啱夠食，漸漸變得消瘦。

過咗一排，大家離開山洞，到優樓頻螺村落附近，繼續苦修。悉達多嘅苦行更加極端，佢唔再梳洗，偶然只係食幾粒豆，身體瘦到皮包骨咁。

終於有一日，悉達多發覺苦行無益。佢諗起細個嗰陣，喺蒲桃樹下乘涼靜坐，感到安靜清明，又記起闡陀離開之後，自己喺森林靜坐，仲有跟阿羅邏仙人學禪，都滋潤身心，令佢非常集中專注：「如果我唔逃避受同想，可唔可令禪悅成為覺悟嘅助緣呢？」

今世佛之前啲佛去咗邊

世尊啊，你無能以法來傳達告訴他們，你在開悟的那一刻發生在你身上的事！

智慧是不可言傳的，智者試著傳達的智慧聽起來總像傻話。

《相應部 SN 44.10》
Vacchagotta問佛：「自我會常存？抑或斷滅？」

佛陀三緘其口，Vacchagotta無忍走人。

阿難不解，佛告阿難：「前者即係落入常見，後者即係話先前有我，如今斷滅，豈非增加癡惑？」


《經集 Snp 5.7》
Upasiva問佛：「命終嗰陣，牟尼不復存在，抑或恆久健在？」

佛答：「正如被風吹熄嘅火焰，無法定義思量，對一切事物取離，種種言說亦盡。」


《相應部 SN 22.47》
「五蘊」唔係我，唔屬於我，唔喺我之內，唔喺我之外。(非我，非我所，不相在)


《相應部 Samyutta Nikaya 21.2》
阿難：「因為舍利弗尊者嘅我見斷除，任何事物變異，都唔再引起佢憂悲苦惱。」


個人詮釋：
五蘊只係conditioned phenomena (無常有為行)
當中唔存在恆久不變嘅「我」
當「我見」消除 生滅來去就唔再帶來憂悲苦惱
愚癡不再煩惱熄滅 就係覺悟就係涅槃
透過戒定慧 就可以接觸到三世諸佛

支持

最近開始信佛 入嚟學下野

得道之後叫曬的親戚朋友出家
最尾搞到個國家都冇埋
真係阿彌陀佛

支持，好好睇，多謝樓主用心

佛陀打唔打飛機
佛陀同AI 邊個叻D

隨喜讚嘆

繼續推

Lm

當時悉達多嘅僧袍已經破爛不堪，於是就去咗墳場，喺一具屍體身上拎咗塊布，再去河邊洗乾淨，順便沖番個靚涼。沐浴喺河水嘅佢，渙然一新。


當佢爬上岸嗰陣，突然體力不支，攤咗喺地，佢嘗試企返起身，行去優樓頻螺村，點知未夠一半路程，又暈倒地上，不省人事。



過咗一段時間，十三歲的善生(Sujātā)路過，準備帶食物拜祭山神，見悉達多暈咗，只剩低微弱嘅呼吸，就上前叫醒佢，俾咗啲米水佢飲。

悉達多開始有反應，佢慢慢飲晒成碗米水，恢復番體力。