佛誕日 不如講吓佛陀

Lm

「我哋真係為緊人民服務咩？」悉達多質疑。

淨飯王靜咗一陣，又對悉達多講：「老豆能力有限，等你成為釋迦族領袖，一定可以扭轉貪腐，開創盛世。」

悉達多深深吸咗一口氣：「老豆，我知你好想我從政呀。只不過，我唔認為咁樣可以解決到根本問題，或者改變到人心嘅腐敗、仇恨、嫉妒、貪婪。我唔想參與殺剹同剝削，我想成為一個修行者，尋求苦困嘅解脫之道，為眾生帶來真正安寧！」

淨飯王更加擔憂：「咁你都諗吓老婆同個仔吖。」

悉達多：「我實在冇辦法，睇住百姓活喺水深火熱之中，而坐視不理。我無意逃避責任，就係因為顧念你哋每一個，先至會請辭。」

淨飯王捉住個仔隻手：「仔呀，你係我一生投放嘅希望，我好需要你，請唔好丟低我。」

悉達多誠懇咁回答：「我唔會拋棄你，只係請求離開一段時間，當我揾到解除苦困嘅方法，就會返來。」

淨飯王知道，阿私陀 (Asita) 當年嘅預言會成真。佢神情痛苦，冇再講野，返咗寢宮。

好睇

問題：

信佛者不事生產，會唔會餓死的

出家人的確唔可以擁有田地，但佢好鼓勵在家眾，從事正當職業，將資源分畀有需要嘅人

喺度分享我好鍾意嘅一篇經文：

To have much learning,
to be skillful in handicraft,
well-trained in discipline,
and to be of good speech
— this is the greatest blessing.

To support mother and father,
to cherish wife and children,
and to be engaged in peaceful occupation
— this is the greatest blessing.

多聞工藝精，嚴持諸禁戒，
言談悅人心，是為最吉祥。
奉養父母親，愛護妻與子，
從業要無害，是為最吉祥。

《Snp 2.4 - Maṅgalasutta 吉祥經》

真

仲會唔會繼續寫落去

G持

多謝咁多位鼓勵，我會俾心機寫埋佢
不過為咗確保質素，都係會慢出

唔知係咪女人直覺嘅關係，呢晚，耶輸陀羅發咗個惡夢，見到悉達多離佢而去，於是嚇醒咗

佢睜開眼睛，睇到身邊嘅悉達多已經醒咗，於是就問：「老公，你係咪會離開我？」


悉達多知道老婆感應到自己心意，就攬住佢，坦白咁覆述老豆同自己嘅對話。

悉達多又話：「瞿夷，我對你嘅愛，永遠都唔會變。離開你，我一樣非常難受。但係就算我繼續留低，我哋一樣要面對老病死、愛別離，各種憂悲苦惱。」

耶輸陀羅眼水開始湧出嚟。

悉達多安慰耶輸陀羅：「瞿夷，他日我唔喺你身邊，我知道你一樣會照顧得羅睺羅好好。我應承你，當我揾到滅苦之道，就會返來揾你同呀仔。」


耶輸陀羅心底好理解同尊重丈夫嘅志向，但有邊個女人唔想自己嘅夫君相伴？佢只好一路喊，一路默默接受

留名

今晚，月色特別明亮，閃爍嘅繁星照耀住大地。悉達多換上低調嘅行裝，離遠望住熟睡嘅老婆同埋羅睺羅。

佢好想上前道別，但要講嘅野，都已經講晒。佢唔想打擾佢哋兩個，只想佢哋可以繼續舒舒服服咁瞓覺。

悉達多依依不捨咁，望多佢哋最後一眼，等自己會一直記得，佢深愛嘅人。最後，佢輕輕放低窗簾，轉身離開⋯⋯

芋頭巴你好

吊 live咗推呀！！！

悉達多靜靜穿過宮殿走廊，來到馬房，見到闡陀喺度等緊佢：「殿下，一切已經就緒，我可以護送你嗎？」


悉達多點一點頭，牽住佢嘅愛駒 — 犍陟 (Kanthaka)，去到大閘。兩人分別上馬，懷住沈重嘅心情，踏出宮殿。



夜幕低垂，迦毗羅衛城非常寧靜，悉達多望住呢個佢出世、長大、經歷各種悲喜嘅地方，又諗起老豆淨飯王、繼母瞿曇彌王后、耶輸陀羅、羅睺羅，不禁眼泛淚光。

「我一定會證道，再返嚟呢個地方！」悉達多拉動韁繩，犍陟就配合咁面向南方，奔馳而去⋯⋯

樓主寫得幾好，睇到有啲眼濕濕…支持你慢慢寫。Btw你啲圖點整出嚟

樓主有心，人肉係套劇度cap返d圖出黎再寫🙏

多謝你回覆🙏係咩劇？

多謝延壽巴！套戲叫《Buddha — Rajaon Ka Raja》 (佛陀：王中之王)，係一套由B.K. Modi製作嘅印度劇集，亦有人譯咗中文字幕

大家又知唔知，呢套戲嘅劇本，係參考邊度㗎呢？

留名

Stillwater係咪AppleTV講靜觀套動畫

好好睇