佛誕日 不如講吓佛陀

悉達多終於放棄咗苦行。佢去到對岸嘅樹林修行，接受善生供養，又持缽入村乞食。就喺度，佢每日都修習行禪同坐禪，夜晚就喺尼連禪河沖涼。



善生恭敬咁話：「尊者，我屋企就喺附近，如果你okay嘅話，我可以每日都嚟供養你，咁你就可以專注修行喇。」

悉達多諗咗陣：「善生，我好高興接受你供養，但有陣我都會入村乞食，認識吓村入面嘅人。呢片樹林清新涼快，我以後會喺呢棵畢缽羅樹 (Pipal Tree)下修行。聽日你帶食物來嘅時候，可以喺度揾到我。」



五位同修，見悉達多接受供養，又同善生有講有笑，就話：「悉達多，你放逸鬆懈，半途而廢，已經唔係信得過嘅同修，我哋都係走啦！」



悉達多知道同修去意已決，自己無法挽留，只好專注自己修行。

每次寫作，就忍唔住求證，每次求證，就會發現更多經偈，然後就會不停睇，睇睇吓又會好掙扎，唔知用邊個版本為準

加油 啱啱live左

借神之名行騙，以前叫呢啲做神棍，都係雞棚之都嘅特色

呢日中午，悉達多喺樹下靜坐完，起身行禪嗰陣，見到個十幾歲嘅牧童，身後有隻水牛。悉達多對佢微笑，男孩自卑咁垂低頭。從對方嘅衣着舉止，悉達多知道佢係一位「賤民」。

根據種姓制度，「婆羅門Brahmin」係地位最高嘅祭師，其次嘅「剎帝利Kshatriyas」係戰士同權貴，「吠舎Vaishyas」係一般商人、農夫、工匠，而最低級嘅「首陀羅Sudras」係苦力。但呢個男孩，出生係首陀羅之下嘅賤民，負責施肥、掘路、餵豬、看水牛，如果佢碰觸到階級高嘅人，會被視為污染，甚至被打鑊甘。

但悉達多完全唔介意，上前輕拍牧童膊頭：「朋友，你叫咩名呀？係咪住附近？」

牧童：「我叫縛悉底 (Svasti)，住喺對岸嘅優樓頻螺村出面。」牧童靦腆咁回應，心中有啲受龐若驚。

兩人一見如故，而縛悉底更送上河邊收割嘅姑尸草(Kuśa)，成為悉達多嘅坐墊。

根據《中部26》《中阿含204》，摩揭陀國 優樓頻螺 Uruvelā (今稱Bodhgaya)嘅斯那村Senānigama，喺尼連禪河Neranjara (今稱Falgu)邊，悉達多形容呢度：至可愛樂，山林欝茂，清流盈岸，而且鄰近村莊可以托缽，非常適合修行。



接着落嚟嘅日子，悉達多繼續攝護五根，知量飲食，喺行住坐臥、眠覺語默之間，保持明覺正知，面對苦樂諸受，心平等而住，唔起貪愛、瞋厭。SA622

菩薩日以繼夜喺畢缽羅樹下坐禪，精勤咁繫念呼吸，覺察息長、息短，留意到遍身變得輕鬆，思緒唔再打擾佢，內心喜樂、安定。SA803

*SA = Samyukta Agama 雜阿含經

菩薩繼續修習出入息念，心中嘅貪欲，就好似魔王嘅三位美女，隨着看破而消散。




瞋恨，就好似魔軍射出嘅毒箭，隨着慈悲，化為一朵朵鮮花飄落。

悉達多用手輕觸大地，心中嘅掉舉、昏沈、疑惑，慢慢迎刃而解。

lm

出入息念同四念住，係互通嘅修習。四念住，指繫念並觀察四種所緣：身體、感受、內心、諸法。SA610

悉達多觀察葉片，睇到塊葉之所以顯現，係因為泥土、雨水、陽光、空氣，種種因緣聚合而成，當條件改變，塊葉亦隨之消散，當中並無獨立實體。

呢個就係萬物相互依存嘅「緣起法則 paṭiccasamuppāda」：此有故彼有，此無故彼無。SA296

如果順着緣起，參透憂悲惱苦嘅因由，係咪可以化解諸苦，體悟清涼寂靜嘅現法般涅槃呢？

邊度黎？

巴米揚 Bamiyan, Afaghanistan
塔利班視為偶像崇拜，喺2001年炸毀

不知不覺咁睇曬，多謝樓主分享，等我bookmark 咗你先

呢晚，悉達多發咗幾個夢。第一個夢，佢瞓喺度，頭靠住喜瑪拉雅山，左手掂到東岸，右手掂到西岸，雙腳就觸及南岸。



第二夢入面，一朵大如車轆嘅蓮花，由佢肚臍長出，高聳入雲。



第三個夢，無數色彩繽紛嘅雀鳥，由四面八方飛來。

呢啲夢境，似乎預視着，無上正等覺，即將來臨⋯⋯

呢日，善生拎咗碗蜜糖乳粥，縛悉底就帶咗束牧草做坐墊。

黃昏時份，悉達多喺尼連禪河邊行禪、沐浴，再返到畢缽羅樹，望着新鋪嘅姑尸草微笑，盤腿端坐。



遠處河水細流，微風輕吹沿岸嘅小草。菩薩再次將專注力放喺呼吸上面，身心喜悦、輕安、妙樂、純一，寂然中諦觀：

眼知色彩，耳知聲音，鼻知氣味，舌知味道，身知觸感，意知諸法。我哋嘅感知，從來離唔開呢六處 (saḷāyatana)。

六根 (眼耳鼻舌身意)、六境 (色聲香味觸法)，生六識 (眼識… 意識)。根、境、識相觸(contact)，引發各種受(feelings)、想(perception)、思(volition)。SA273

玩黑悟空學到野

一次過追到 Live 左
深入淺出 睇故事認識佛陀
會繼續追

多謝支持

西遊記嘅佛理？

入夜嘅森林雖然恬靜，但仍然活躍，四周昆蟲繼續鳴叫，晚星喺天邊靜靜升起，照亮心田，驅走昏暗。

色身 (form)、認識 (consciousness)、感受 (feelings)、取想 (perception)、心行 (formation) — 種種身心現象，都只係無常生滅嘅互動過程，而唔係堅實不變嘅個體。

呢五蘊 (five aggregates) 互相合作，背後冇一個「擁有者」，當中亦唔存在獨立不變嘅「靈魂」或者「我」，唔能夠話五蘊喺我入面，或者喺我出面。SA57

悉達多發現，受到錯誤嘅見解蒙蔽，眾生喺無明 (ignorance)之中作繭自縛，對色、識、受、想、行，分別顧念、味著、渴愛 (craving)、執取 (grasping)，以為自我實質存有 (being)，見唔到災患、出離，導致喺生老病死之間，憂、悲、惱、苦。SA285 SN22.26 SN22.81

正定帶嚟如實知見，令菩薩徹悟諸行空寂、不可得。佢愛盡，離欲，捨棄優越感、平等感、自卑感，唔再喺前世、今世、後世、此處、彼處、中間，創造或者執取「我」。SA45 SN12.23

隨着我見消除，有、無、常存、斷滅，種種言說滅盡。悉達多唔再被見、聞、覺、識困擾，唔再為五蘊變異，或者生老病死，而憂悲苦惱。SA312 SA43 SA53 MA204

SN = Samyutta Nikaya (相應部)
SA = Samyukta Agama (雜阿含)
MA = Madhyama Āgama (中阿含)

SA 285: 我憶宿命未成正覺時，獨一靜處，專精禪思，生如是念：『世間難入，所謂若生、若老、若病、若死、若遷、若受生，然諸眾生，生、老、死上及所依不如實知…… 即正思惟，生如實無間等觀，所取法無常、生滅、離欲、滅盡、捨離，心不顧念，心不縛著，愛則滅，彼愛滅故取滅，取滅故有滅，有滅故生滅，生滅故老、病、死、憂、悲、惱、苦滅，如是純大苦聚滅。

SN 22.26: But when I did truly understand these five grasping aggregates’ gratification, drawback, and escape in this way for what they are, I announced my supreme perfect awakening in this world.

SN 22.81: When an unlearned ordinary person is struck by feelings born of contact with ignorance, craving arises. That conditioned phenomenon is born from that. So that conditioned phenomenon is impermanent, conditioned, and dependently originated. And that craving, that feeling, that contact, and that ignorance are also impermanent, conditioned, and dependently originated. That’s how you should know and see in order to end the defilements in the present life.

SA 45: 多聞聖弟子於此六觸入處，捨離無明而生明，不生有覺、無覺、有無覺、勝覺、等覺、卑覺、我知我見覺。如是知、如是見已，先所起無明觸滅，後明觸覺起。

SA 312: 見以見為量，聞以聞為量，覺以覺為量，識以識為量…… 若汝非於彼，彼亦復非此，亦非兩中間，是則為苦邊。

SA 43: 多聞聖弟子於色不見我、異我、相在，於色不見我、我所而取；不見我、我所而取色，彼色若變、若異，心不隨轉；心不隨轉故，不生取著攝受心住；不攝受住故，則不生恐怖、障礙、心亂，不取著故。

SA 53: 如實知已，於彼色不愛樂、不讚歎、不染著、不留住。不愛樂、不留住故，色愛則滅，愛滅則取滅，取滅則有滅，有滅則生滅，生滅則老、死、憂、悲、惱、苦滅。

MA 204: 我求無病無上安隱涅槃，便得無病無上安隱涅槃。求無老、無死、無愁憂慼、無穢污無上安隱涅槃，便得無老、無死、無愁憂慼、無穢污無上安隱涅槃。生知生見，定道品法，生已盡，梵行已立，所作已辦，不更受有，知如真。

多謝樓主分享

菩薩 (Bodhisatta) 不復見我，唯見正法，自知：「煩惱盡滅，修行圓滿，任務完成，捨下重擔，獲得親身利益，徹底結束咗存有嘅繫縛，樂住正智解脫。」

佢親證究竟涅槃 (parinibbāna)，成為一位值得受供者 (阿羅漢 arahant)、正等覺者 (sammā-sambuddha)。

SA 262, SN 47.4, SN 48.27

^諸漏已盡，所作已作，捨諸重擔，盡諸有結，正知善解脫。Khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto.

*斷諸有結，經常被誤解為由有變無(abhava)、不復存在，衍生出「羅漢厭世自了」嘅曲解。正如SA961 / SN44.10 提及不落二邊，我認為盡諸有結嘅本意，係指照見五蘊皆空，唔被實有、存有(bhava)嘅觀念纏繫。呢種解脫係現證嘅(sandiṭṭhiko)，同是否命終無關。

樓主真係功德無量