南美、一個人、七個月

樓主秘魯北部去左邊？
我遇到幾個秘魯人都推薦我去北部
話多野睇但又未算好多遊客
但我個行程滿左就冇去

好多地方同野都值得睇，但某d熱門景點特別出名受歡迎總有原因，同埋香港人睇得太多好野，唔係頂級景點應該冇咩feel

Lm

當時有去沿海既Trujillo Chiclayo 同山區Chachapoyas Cajamarca
但山區兩個城之間同落山車程係起碼8個鐘，又幾乎無人識英文，唔太值得花咁多時間
最深印象係Chachapoyas 既Kuelap 古城同Chiclayo個Moche 文化博物館，見到當時南美洲文明其實都先進豐富，只係無文字流傳
真係要去的話就去沿海兩個城市就夠，如果唔係Lima 直飛 Guayaquil 甚至 Quito 好過

小小感想
1. 當時去到外地，行為都幾香港人，行得急、會chur人，而家經歷左咁多，先明白香港既做事方式喺外國未必行得通
2. 搵得返當時既日記 (但無相機相....)，希望之後寫得豐富少少

Day 18 - 21

呢幾日都係船上面度過，一次過寫算

因為南極嚴格來講係唔屬於任何國家，所以係無出入境，但去得阿根廷，就當大家都有護照做身分證明

今次11日團架船


第一日係下晝先上船，估唔到成世人第一次坐郵輪就係南極

呢次住雙床房，同個馬拉仔同房，佢係探險旅行團導遊，帶住兩個馬拉有錢佬來南極，佢聲稱行晒七大洲最高峰，但佢期間都頂唔順南冰洋既風浪，一樣有暈船浪





真正世界盡頭的San Pio燈塔，由Ushuaia 搭幾個船先見到的，而《春光乍洩》入面出現既Les Éclaireurs燈塔，南極返阿根廷後會補去


早餐係英/美式自助，午餐晚餐一定係兩道菜，西餐為主，正常的，酒水另外畀錢，但多數人都係等到咗南極洲，唔使坐(暈)船先飲





南極團必經之路Drake Passage 因為係南冰洋(而家學術界好似唔再單獨咁叫，有錯請指正)最窄既一段，加上風向就令到呢道既風浪好強，來到就明白點解要起巴拿馬運河

有段片可以俾大家睇睇，段片已經係風浪弱少少既時候影，好似坐左兩日海盜船咁
https://streamable.com/ahhgq4

船上面設施，有時有講座講南極生態、保育、攝影技巧等等，但如果天氣唔好，基本上所有活動都要取消，全世界唯有返房訓覺，船上面第二日 (Day 19) 就係咁過，呢一日好似喺架海盜船訓左接近12個鐘，而且自己帶來既暈浪藥搞唔掂，要睇船上醫生開(買)藥




因為風浪比預期勁，所以架船行慢左，會無左一日行程，原來係預到所有人都可以試晒所有活動，但因為咁大家就要取捨，自己就無玩獨木舟(同之後既跳海)

好彩途中都睇到少少動物，例如殺人鯨




第4日夜晚終於到，晚飯亦由2道菜變3道菜，慶祝下

真係去長旅行 先可以去到先搵南極團last min

正價係幾錢？

中文係世界第一語言，你冇嘢吖？第一西班牙文，第二至英文，中文唔覺得除咗貴國有咩人會識！

我諗去一兩個月旅行都報得呢類last minute 團既，但要有後備方案

lm

Lm

淨係北部都去左四個城市真係花左好多時間
期待你之後嘅秘魯篇

四人房80k?

唔係英，中，西咁排咩？

No, 首位一定係西班牙文，次位英文，第三位不太清楚

有冇數據先？

原來 drake passage 咁大浪

Day 22

南極洲第一日就喺 Paradise Bay 度過，由船去橡皮艇時，對鞋係要過消毒藥水，想盡量保護返生態，費事帶種子或者細菌去南極陸地

其實南極可以睇既，呢幾幅表達晒，就係無盡既冰山同企鵝，種類就視乎地點同季節，例如我去時候係11月，春天D企鵝返去南極交配，到12月同1月就好多BB睇，呢次旅程大部份睇到既都係Gentoo，原來係第三高既企鵝，僅次於皇帝同國王企鵝





紅色既其實係企鵝屎，但人其實唔會點踩到，因為嚴格規定人同企鵝要保持距離(經歷過疫情後就即係社交距離)，以免有傳染病惹到佢地，所以如果企鵝唔怕人咁走埋人群度，大家係要避，影到咁近其實係靠支長鏡







下晝就去個海灣另一邊，近智利基地






白化症企鵝




當然都有其他動物




食埋晚飯就上岸露營，所謂露營其實只係俾個睡袋你，計埋自己既衫其實夠暖，記得有個哥哥仔職員忍唔住私下呻：其實呢D係俾人野外求生用，我聽到之後唯有苦笑，因為自己都有份去消費定濫用



有個廁所俾人用，簡單講就係有個特製袋俾人痾落去


訓訓下會聽到冰川裂開有冰跌落海既聲

一早起身影，我諗咁樣就係大自然

咁痴線就咁一個睡袋瞓喺啲雪上面

中南美真係好鬼好玩

屌打咩垃圾日本東蝻亞

日本唔敢講，但秘魯一個國家夠頂好多地方，美食古蹟工藝品雪山沙漠熱帶雨林野生動物乜都有，消費亦算平