見越來越多人分享南美遊記，去唔同貼文留言時亦得到各位鼓勵，我諗都係時侯的起心肝，分享幾年前自己既經歷了
某年，我辭左職，諗住趁後生就去個長途旅行，當時認為自己返左幾年工，有一筆錢，旅行完返到香港憑住之前工作經驗應該點都搵到工，就算一時搵唔到，靠住積蓄都可以捱一陣
而南美就係呢次行程重點，
事先聲明，因為
期間俾人偷野，好多相機既相無左，手機影既相又包括唔到咁多行程，所以期間有唔少時間係無咩相，或者D相質素好差
我都諗緊用咩去代替，例如係link 或者儲落既門票呢件事都係做左咁多年人好後悔既事，後悔無小心，後悔無用其他簡單方法backup 相(例如用Facebook send 相俾自己)
而其他後悔既事包括：
- 無去學好少少small talk，有時1999或者只係識陪笑，慶幸途中有好多人主動搭訕，無介意我有時都唔知自己講乜，而家去到香港以外既地方生活，都起碼吹到兩嘴
- 為左慳錢(其實成程夾埋最多都係兩千港紙左右)，無每個國家買手機上網卡，等自己方便旅行同聯絡人，但又使唔知幾多錢寄明信片返香港，於是我就用旅遊app，同cap 低地圖地址之類去市內遊
- 無鍛鍊身體再好啲，變左去行山或者其他戶外活動時姐手姐腳，明顯同班西人比下去
- 學多幾句葡萄牙文同學好少少西班牙文，起碼同女吹水都流利少少
- 信左呢本日本旅遊書，部份地方(例如秘魯北部同智利湖區)其實唔使去，未必有本書講到咁值得，交通好唔方便，旅遊設施亦少，而部份地方(例如El Chalten)反而應該抽時間去，反而Lonely Planet 會比較準，無咩特別既地方只會好少篇幅
希望我有機會再去探索呢個大陸，甚至諗左有咩地方想補去或者再去多次，呢次旅程有個現象，就係去某幾個重點行程時，部份既天氣其實好一般
行程示意
藍：飛機
啡：大巴/火車
淺藍：船
大概係由巴西聖保羅開始，向南去到Ushuaia，參加南極團，再一路向北玩到去巴西Manaus，再去古巴
)
