南美、一個人、七個月

Day 65

今日只係朝早周圍去，先行去海邊


再上山睇全島唯一一組面向海既石像，沿途標示唔多，而且始終個島真係好偏僻，好似日久失修，至於組石像，就好似其他一樣，默默守護住呢個荒島，而我就喺呢個相當有靈性既地方野餐




回程遇到好人好事，就係有個當地人伯伯揸住卡車，見到我就問我去邊，咁我自然唔客氣，如果唔係應該要行多一個鐘先到才到鎮中心

返到hostel 之後，Alfredo 話有朋友搵我，我諗極都唔知有邊個朋友，後來先醒起落機時喺機場遇到既個廣西人

一個鐘之後佢就出現，話呢度平好多，前兩晚住既地方無早餐，熱水都唔夠，我見今日行程都完，就同佢傾成個下午，首先都係簡單交代行程趣事、旅程當中值得推薦既住宿餐廳等等，點知又一次同大陸人傾政治



因為佢第二日要走，所以傾左大概一個鐘後佢就話要出去搵車去東邊既景點，先去電動單車度問價，發覺唔太趕得入閂門時間，於是改搭的士，我因為要留返之後去，如果唔係真係喺度唔知做乜，就無跟去

咁就一日

Day 66

呢日休息， 幾乎無行程

晏晝試村入面間empanada店，其實唔算係餃子，而係幾大個餡餅，叫左兩個，好飽，其實一個都夠，味道還好



返到hostel之後見個廣西人準備走就同佢道別，佢問我有無QQ，我答得微信 (但而家好多年無用了)，佢就話QQ係全世界最多人用我都唔知點答佢，總之最後無交換聯絡

之後就喺度執相、打日記、煮飯等等，咁就一日

巴打, 想問下你個trip 有無買旅遊保險
嚟緊都想去超過180日旅行, 但市面上單次旅遊保好多都淨係包180日想睇下有無介紹

介唔介意share吓

我當年只係買份180日既保險
印象中個時Lonely Planet 有種可以旅程中途買既保險，有諗過補買但係太貴所以無買了