南美、一個人、七個月

請問你去長途旅行會帶咩裝備為主？例如落雨都係帶遮定係會用雨褸 , 會用大背囊定係拉個細喼？

你個路線同我想去嗰個好似啊
我見你南部選擇左去阿根廷嗰面，同智利有無分別？

謝謝，我都漏左一開始講
我用70L 大背囊再加個細隨身背囊
衫方面就要有齊四季，有件可以二合一既羽絨，外面係防風，裏面係保暖，同快乾衫褲，因為旅程途中會去行山
落雨都係靠件風褸，印象中好少落大雨
其他裝備包括：平安藥 (感冒、止痛、胃痛、高山反應)、轉插、鎖、輕腳架、暖水壺、腰包、行山鞋

7個月入面有冇試過急屎搵唔到廁所同埋有冇試過意外/要入院

Patagonia最南一段(Puerto Natales - Bariloche)基本上得阿根廷嗰面可以揀，呢邊可以坐一大段傳說中既40號公路，要另類的話可以咁：
1. Puerto Madryn (觀鯨勝地) - Rio Gallegos，但唔知有無大巴咁行，希望有高手解答
2. Puerto Natales 可以坐幾日船去Puerto Montt
北部就阿根廷一邊多少少景點，例如Bariloche 同 Puerto Varas 比較的話，個人覺得景色好睇過智利

試過，委內瑞拉行山時
入院就好好彩未試過
但皮外傷總有，試過踩單車炒車整親手 (阿根廷) ，亦見過有人荒山野嶺炒車 (都係阿根廷)

70L 上唔上到機的？

要寄艙了，當時唔多廉航，坐過既例如LAN (LATAM 前身) 同 Avianca 都包15定20公斤行李

Lauming

Day 3

一早起身，巴西叔叔已經check out，無機會交換Facebook，可惜我連佢叫咩名都唔記得了

今日行程只係坐6個鐘車去里約熱內盧，後來發覺兩個大城之間都有地方去，例如海邊小鎮Paraty ，但當時只想把握時間，重點去某幾個大城然後去Ushuaia 捕南極船票，所以中間唔少地方無去

沿路風景已經無咩印象，可能驚俾人打劫所以唔敢亂咁拎相機出去影，只記得中途去間好有東南亞風情(即係溶溶爛爛)既餐廳停大概半個鐘俾人食飯

巴西呢度有款餐廳係斷斤秤食物去計錢，大概每100克5巴西幣(當時大概1巴西幣等於2港紙)，好處係有好多款可以試，味道亦正常

全日唯一一張相，應該係經過Maracana 球場影


去到里約熱內盧已經黃昏，一出大巴站想等巴士去Copacabana，眼前既景象唔係一堆貧民窟就係地盤，無耐有個婆婆湊住個孫女，見我好迷茫成個遊客樣咁就問我去邊，原來咁啱搭同一架豪華巴士，於是一齊上車，佢地都幾好傾，話而家咁多工程就係因為準備奧運，臨落車甚至教埋我邊度落....同推銷自己Airbnb

差一兩個路口就到時，遇到個女人拖住隻狗，於是問佢路，但佢點左我行去相反方向....後來自己再望多次地圖，總算到hostel 了

隔左幾年，呢間服務同設施都一般既hostel 竟然做得住....但既然唔值得推薦就唔貼link算

可惜得番咁少相

lm

去到南極同Ushuaia 都有相機相，之後要去到哥倫比亞了

到站就落車 一個人 一個人

治安 o 唔 ok?

幫所有人問重點：有冇鬼妹扑過？

同訓教發夢一樣，唔打遊記，過一排就唔會記得細節野，唔記得自己食過咩

LM

留名

還好，始終要自己小心，例如用手機最好企埋一邊、出街唔戴貴重物品，試過夜晚坐的士都正常，南美亦無試過俾警察海關話要收錢



來緊到Buenos Aires 會講hostel 有人喺街頭俾人搶嘢既事，如果無爛尾，講到委內瑞拉就識人俾人全車打劫

有的話一早擺咗喺精華講

曬左個LONG TRIP

黎緊諗住玩完歐洲就玩南美
歐洲其中一個旅程需要帶到兩部相機+部電腦
係咪都唔建議帶太多貴重野落南美

但係冇又好唔方便，我影定d單，準備左最壞打算

我覺得睇你部電腦係想執相/片、harddisk 咁用定其他用途
南美的話係去Uyuni、Galapagos、南極影動物、星空先要用到相機
而家手機容量相比幾年前高幾倍，如果只係方便backup，可以手機裝app，定期由相機Wi-Fi過相去手機，再用iCloud、Google、Flickr 等等backup，就未必需要電腦了