【無法原諒】
加歷查公開炮轟紐尼斯。
「完半場前嘅黃金機會,紐尼斯未能好好把握,實在係唔可以原諒。喺英超呢個水平,呢啲失機係難以接受,尤其係利記正力爭冠軍。」
「又係老問題佢可唔可以再被依賴定止蝕離場呢?!人人都想紐尼斯踢得好,因為見過佢可以做得好。佢落場會好努力、會不停跑、會製造到麻煩、會入一啲難度高嘅入波及交出助攻。」
「但兩年過去,當利記今季爭冠軍或大戰,例如作客奧脫福球場、作客葛迪遜公園球場或歐霸對阿特蘭大時,實在無時間可以浪費,已經唔係十月、十一月,已經去到大直路。呢啲時候紐尼斯往往失之交臂。第一年或者會講佢新黎報到要俾時間佢,季初我地見到佢有明顯進步,但近期又故態復萌。」
「睇番依家及兩年嘅表現,我實在見唔到有好大改善或進步,呢兩年大家見到嘅可能已經係佢最極限嘅能力。」
「佢的確為對手製造出好多麻煩,但射門好唔穩定,如果靠佢揹飛,實在係好難會贏到重要錦標,所以黎緊夏天對佢嘅去留係一個好重大嘅決定。」
https://www.mirror.co.uk/sport/football/news/jamie-carragher-singles-out-liverpool-32665593
#LFC #YNWA #WeAreAnfields12th #A12HKMO #A12OLSC #A12LFC