【直播】撚樣強鳩遊 五十日 九個國家：杜拜 土庫曼 埃及 黎巴嫩 敍利亞 阿根廷 英國 烏茲別克 土耳其

Manti 再另外加個湯 真係好撚正

遺憾地無去到urgench去咗個大峽谷 坐咗6個鐘車 條路仲要爛

土庫曼原來而家都無得上網
我12年前去果陣係Turkmenabat搵到間官營網吧
慢到痴撚線

Lm
其他國家日子點分配
西班牙 英國 土耳其係路過？

上到網架，當地人個個都用到ig fb要每月比10美金vpn，但遊客整唔到電話卡，要靠酒店/餐廳wifi，但係乜都block晒，剩係用到email

馬德里唔出機場，因為馬德里直飛阿根廷，所以向馬德里停一停

英國留兩日，探大學朋友

土耳其留5日，之前去過兩次，今次就chill下咁樣

土庫曼啲電視都好好睇

係啲mv分鏡仲要好好笑

6. 傑志贏得足總盃決賽當日，停賽的明加索夫賽後戴上金髮，他解釋其實並非假髮，而是來自高加索地區、俄羅斯及中亞的傳統服飾，是一種由羊毛裝成的帽子，名為Papakha，是一種具身份認同的服飾

係咪同一款帽

間 pub 好似都係政府大樓？

門牌寫住

Ministry of Trade and Foreign Economic Relation of Turkmenistan

State Public Catering Department of Ashgabat City

係啊，講起明加索夫，我呢個trip去咗睇世界杯外圍賽土庫曼對伊朗，但可惜無明加索夫，過兩篇遊記會出向土庫曼球場睇波

應該係佢個牌照嚟，想講佢個牌仲要寫錯名
人地明明係叫British Pub 佢寫咗British Pab

點解北非啲阿拉伯國家咁癲

幾年前去摩洛哥又係

除咗 sell 嘢跟，仲有件帶路黨跟住我逼我接受佢帶路

同埋好多青年中年男人成日坐喺度無所事事

條友去杜拜會合國家隊，然後係杜拜練波傷咗，即刻飛返香港喺石門養傷，所以冇踢

開 pub 要商務部牌照咁慘

真係好反感，中東中亞果啲熱情同埃及果啲完全唔同埃及好似個個都有目的咁

最後土庫曼剩係輸一球，上場比伊朗大炒五粒有進步了

可能呢間野主要都係招待外國人，去咗兩次，無乜當地人會去呢間飲野，同埋外國人唔止遊客，仲有外交官同領事之類會去，所以先要政府認證（掛）

lm

留名
syria 8日7夜 900usd係跟邊間
我果間要1500usd 得7日

【土庫曼（五）第一任總統尼亞索夫嘅個人崇拜 2】

朝聖之路第三站
土庫曼中立塔

而家由ChatGPT 用50字介紹中立塔：
土庫曼中立塔是土庫曼獨特的建築，建於1998年，高度約95米。塔身由白色大理石建造，外觀華麗而壯觀。塔的頂部有一個巨大的金屬球，可以旋轉，象徵著土庫曼的獨立和中立立場。塔的設計融合了現代主義和後現代主義風格，並受到蘇聯時期建築的影響。塔底部環繞著花園和噴泉，成為遊客和當地居民休閒娛樂的場所。

尼亞索夫為咗紀念土庫曼中立而起嘅建築物，面塔頭嘅金人當然就係佢本人，導遊話金人會跟住太陽嘅方向旋轉，代表尼亞索夫會沐浴向陽光底下，成為土庫曼人嘅紅太陽。

不過其實地緣政治角度嚟講，土庫曼中立唔係無佢理由，因為佢同阿富汗、伊朗接壤，天然氣又多，一定會比人虎視眈眈，所以declare中立國之後可以置身事外，出面打杖唔關我事。




朝聖之路第四站
室內摩天輪

而家由ChatGPT 用100字介紹：
土庫曼室內摩天輪是位於土庫曼首都的一個室內娛樂設施，是世界上少數的室內摩天輪之一。這座摩天輪高度約95米，擁有多個封閉的車廂，遊客可以在其中欣賞城市的美景。摩天輪的設計現代而豪華，車廂內設有舒適的座椅和玻璃窗，提供了獨特的觀景體驗。遊客可以在摩天輪上悠閒地旋轉，欣賞城市風光，同時享受娛樂和放鬆的時刻。這座室內摩天輪成為了土庫曼斯坦現代化娛樂設施的代表之一，吸引著來自世界各地的遊客。

只要比1美金就可以坐上呢個健力士紀錄 - 全球最大型嘅室內摩天輪，坐上去其實真心無乜特別… 我寧願飲兩杯啤酒好過…



摩天輪入面嘅兒童樂園，好creepy

朝聖之路第五站
遠觀土庫曼電視塔

而家由ChatGPT 用50字介紹：
土庫曼電視塔這座塔建於2011年，高度達133米。它是一座現代化的通訊塔，除了承擔廣播和電視信號的傳輸外，還提供無線電通訊和互聯網服務。塔身由白色金屬結構建造，外觀簡潔而精美。電波塔上有以烏古斯可汗（傳說中土庫曼人嘅祖先）為名的星狀建築物烏古斯可汗之眼，在電波塔落成當年就被健力士世界紀錄評為世界上最大的星形建築。

無錯，呢個建築物又係拎咗健力士紀錄 - 全球最大型嘅八芒星建築物（？）而呢個建築就係國家媒體機器嘅基地，而八芒星代表乜？因為土庫曼有好多穆斯林，穆斯林嘅五戒係其中五個星角，而另外果三個？就係對尼亞索夫嘅崇拜。導遊又話呢個唔可以落車參觀，但都唔駛舞雷宮咁遠掛...


番外篇
土庫曼唯一列寧像
因為土庫曼曾經被蘇聯統治過，國內有大大小小嘅列寧像，但蘇聯解體，土庫曼獨立後，全部列寧像都被催毁，除咗呢一個。 借咗團友買嘅土庫曼袍同列寧打咗個卡。

Marrota，仲要group tour得兩個客，變咗private tour咁濟

Ching有冇agency資料
6月想去睇香港隊
唔知4日團係點玩法？

【土庫曼（六）土庫曼現場睇波】
走完尼亞索夫個人崇拜之路，之後去食個晏，一杯啤酒、一碟Manti、一碗粉，總共2美金，食完晏就自由時間到6點。




呢個時侯有個大膽想法閃現 - 向土庫曼睇番場波。

因為咁岩係世界杯外圍賽土庫曼對伊朗，而且正正就向Ashgabat主場迎戰伊朗。 導遊話佢試下睇下班唔班到飛，最後向上半場30分鐘confirm買到飛，位位港幣廿蚊。 隆重其事，特登買咗件土庫曼運動風褸。

我哋就即刻狗衝去球場，一入到去有兩邊看台都坐滿藍白運動衫嘅觀眾，佢哋全部都係中小學生「自願」嚟支持土庫曼。

場上氣氛好熱烈伊朗一拎波就全場噓鳩佢哋，但可惜最後土庫曼都係輸一球。不過可以近距離睇到波圖神鋒，廿蚊真係抵比。

可惜嘅係明加索夫無份踢，原來佢向土庫曼都好出名，導遊仲話佢同佢老豆好熟。

睇睇下波嘅時候，有個土庫曼師兄行落嚟問可唔可以一齊合照，盛情難卻就自拍咗幾張。土庫曼後生果一輩好熱情，每日都會有土庫曼人同我自拍，可能真係好少遊客會嚟同埋有都係鬼佬，佢哋對東方人比較好奇。




最後土庫曼主場輸1-0，對比上次作客伊朗輸5-0已經好大進步

完場，番酒店撚貓。

杜拜唔係國家