蕭sir唱歌經3

唱歌把聲好似比人鍊住咁 可以點部署

Hihi

其實唔是咁的
用結論去開頭回應：你覺得香蕉唔好食 係因為你未飯過好食嘅香蕉

我打緊一篇新嘢不過未完成 先用當中一個例子去回應少少

好似去學做戲
並不會頭十堂係「學習控制眼眉 鼻哥lone 嘴唇 耳仔 顴骨」 後十堂「學習控制手指 手腕 膝頭 腳腕 腳掌」
學戲亦唔會係
：我宜家呢個表情叫嬲 你學我皺眉頭 嘴巴收緊 眼睛用力 握緊拳頭 雙腳用力
：？？？
：你頭先個眉頭唔夠捚 嘴唇唔夠用力 眼太細 拳頭還可以 對腳要曲多啲 先叫嬲
：？？？？？？？？？？？？

聽落好on9
但所謂嘅唱歌堂 好多時就係咁
問題在於每個人嘅身體結構都唔同
但我地想透過用自身嘅體感同體驗去調整另一個人嘅身體或聲音結果
好似一個2米嘅人同我講你對手伸高少少就掂到個籃框架啦
掂唔到？係咪你隻手冇用力呀？係咪你對腳放鬆咗呀？
係冇邏輯可言 亦都唔會有用
有用嘅 就係佢同你一樣咁高 或者五官好接近 你照抄佢咪可能會做到
但做到 最後都唔會有咩用 因為你唔係真心明白咩係嬲 你唔係用自己嘅情緒去啟動嬲 你只係喺度模仿

呢種9唔搭8嘅用自身經驗教另一個人如何去做果件事嘅情況每日都喺唱歌教學世界上演

當中牽涉好多唔同範疇嘅謬誤
除咗自身嘅感受好多時都係唔準確或至係錯（因此不能以此方法教導另一個人如何處理該事情） 例如你以為過咗一個鐘但原來只係半個鐘 你以為你跳得過個水tum但最後對腳濕L哂
更緊要嘅係咁樣學習長遠喺音樂唱歌上根本不能發展獨特嘅風格同個人特色

聽到咩聲就扮咩聲 係小朋友嘅學習方法 或者係鸚鵡學人講嘢嘅情況

點解唱歌界會咁 因為傳統聲樂尤其古典聲樂嘅權力同地位太大 佢哋係權威 而人類又普遍鍾意聽權威講 結果就一直都用原始人嘅方式去教同學唱歌

真係有方法可以直接訓練你嘅聲音變得更響亮 更有彈性 更紮實
真係有方法可以令我地唱歌唔再係諗「呢句belt呢句aspirate呢個字glottal 呢句falsetto呢句mix最後aspirate offset」好似機械人執行程式咁
真係有方法可以令我地重新認識唱歌可以係一件自由嘅事 真係可以表達我地內心嘅情緒（而唔係丫呢首歌sad我地要用哭腔丫呢首歌開心我地要用多啲顴骨）

都係果句 我以前都唔信 因為我聽過嘅都係你講果種教學 全部都係

直至我遇到台灣Mr. Voice 直至我肯放下防備戒心 直至我實相信 原來我所知嘅「唱歌應該係咁係咁」 可以係由頭錯到尾 錯到出太空

覆住咁多其實我去緊旅行見到你啲回覆諗咗一日返到酒店勁攰但我唔覆又會諗到另一日 一句講哂 屌你

Yeahhhhh禾巧kai鮮呀！！

主要係用人有意識時只可思考一件事嘅特點 當你要諗同專注一個指令 當下就不能同時記住舊有嘅聲樂「知識」 只可以專注一個特別設計 令我地身心靈穩定 平靜 冷靜嘅指令

茅錯！果啲聽過就算 唔使再記住！真係可以唔使識果啲乜voice物voice 唱歌都可以有進步（或者正確啲話係唱歌先可以真正有進步）

加油！！

Yoyo

禾天日再覆you

Hihi

嗱你睇呢段嘢嘅時候要搵個安靜嘅時間同地方先睇

我地做個練習先
首先想像你要唱一首你想唱嘅歌
我地整個過程都唔會出聲 唔會唱歌住

1 先留意自己最自然嘅呼吸 最普通嘅呼吸
2 想像你要開始唱果首歌
3 如果發現想開始唱之前身體正在用力/緊張 想大吸氣或深吸氣 請返回步驟一 並告訴自己用「說話的心態」想像就可以了
*註：有啲老師會鳩up「唱歌好似講嘢咁=放鬆」
Nonononono 你會唔會覺得自己同人講嘢=放鬆？
說話就係說話 生氣鬧人 唔開心大嗌 都係說話嘅一種
「說話嘅心態」呢五個字唔準改 唔準用其他字去代替
4 無論想像唱到去邊一個段落 都保持A最自然嘅呼吸 B說話嘅心態

慢慢observe自己身體嘅反應 重覆練習直到身心平靜 先真心開口唱

試下錄個before after俾自己聽下做練習前後有冇分別

都係睇返呢個回覆 蕭sir唱歌經3
https://lih.kg/bGdycDV
#79 回覆 - 分享自 LIHKG 討論區

本身係必須要配合基本功訓練（發聲肌肉組群） 思維指令先會有更強嘅效果
但思維指令對於本來發聲協調能力就好好嘅人係好有用

重點唔係你要學更多嘅指令
而係你要每分每秒都默念得到指令
聽落雖然好易 但當去到你「覺得好難唱」嘅段落 重可能會想用力 會想大吸氣 會緊張會驚 就會分心默念唔到指令
呢個時間先係真考驗
要重新建構對於音嘅概念
唔係高音 只係快嘅頻率
愈「難唱」嘅段落 愈要更堅定默念「留在原地」
我自己一開始都難以置信（唔使用力唔使搞乜鳩twang唔使「丹田」唔使控制唔使「感覺喉核感覺共鳴感覺聲帶」都可以唱到「高音」) 就算我肯開始相信 過往實在學咗太多「聲樂知識」 我要練一百次 一千次 身體先真真正正平靜到
所以只要每刻都做到堅定默念「留在原地」
一定會有從來都未有過嘅進步！
加油！

揸油啊！