蕭sir唱歌經3

請問喺屋企練歌應該用咩mic?

想聽蕭sir分享 mr voice聲樂法
心靈方面 可以如何訓練

Hihi

個人意見係喺屋企練歌唔需要用咪
如果要用就用dynamic 始於唱K或者表演多數都係用dynamic

唔使用mic就咁用電話/電腦錄？
咁嘅話錄到屋企啲冷氣聲

Yoyo

之前都有寫過少少俾你
我覺得有幾個「心法」 至少對我嚟講係非常非常緊要

1 要真心真意喜歡自己嘅聲音
學唱歌好多人就會覺得係學啲聲學技巧學乜乜柒柒
原因都係唔喜歡自己嘅聲音
就用其他嘢去冚住對自身聲音嘅自卑（所以點解宜家有個明星老師係咁教厚聲聲音要有深度然係又真係有人信）
結果就好似啲人成身名牌又有車又有樓
但心靈貧窮 心靈係空虛的

要真係愛上自己嘅聲音
知道佢係獨特 覺得佢係美好的

2 唔好控制聲音
同上 好多時我地想做呢樣做果樣
想「變得好」
但我地從來冇辦法有一個終極嘅好
結果今日有人話厚聲係啱 我地又去扮厚聲
廿年後有人話薄先啱 我地又去扮薄聲
變到過份控制聲音 身體運作唔自然 聲音同心靈都會反抗
唔好去控制聲音嘅前提係我地有舌控基本功令身體嘅動作都係正確 然後要相信身體嘅本能 就可以做到唱歌呢件事

3 唔好追求完美
同上 世上冇真正嘅完美 完美係人類自我世界觀想像出嚟嘅概念
之前講過唱歌前或表演前同自己講心法：「我可以做得不好 沒有關係」
令自己放下對不存在的完美的執着
同時令自己相信自己正在做當下最好的自己
我地肯去錯 先會學習得到
呢個都係傳統聲樂法 尤其係香港最弱嘅地方
咩都唔啱咩都錯
叫你做十樣嘢 有一樣唔啱都係唔啱
結果個個都學到冇哂心機動力

人係因為有期盼 開心先會有正面嘅進步
好似佐助咁 就算真係好勁 但眼又盲腦又殘 最後都係本末倒置

同啲武俠小說一樣
個個學武功都係望住咩外功：嘩識飛好勁呀嘩有大力呀
但高手們講嘅都係內功
內功當然包括心靈嘅訓練

整個身體都係一個大循環
要身心腦都有好嘅協調
先會有effective嘅進步

錄同練係兩回事

練歌不需要咪

錄音唔可以開冷氣
除非你買啲portable嘅隔音booth（幾千上萬果啲）
不然你用咩咪都會錄到冷氣聲

請問一下 本身拍子感比較弱，導致有時唱唔太熟既歌會甩 or 搶拍，有咩練習可以做去增強返呢方面既不足？除左拍子感問題，仲有無其他常見問題會令到唱快/慢左？

同埋我之前學唱歌，老師用琴彈出黎 我感覺仲難入，有時仲miss 埋入果個位 要老師停哂先知，屋企用mmo就比較好

thank you

咁我要點聽返自己把聲？

Hihi

聽落主要係你聆聽同身體律動比較弱
我都有過一兩個學生係咁
主要係因為過往冇乜音樂或樂器訓練
導致當耳仔聽音樂嘅時候身體並沒有跟隨音樂或拍子律動

大體係要不斷聽音樂（唔一定要有歌詞） 要習慣一路聽音樂一路數拍子 唔一定要數出聲 可以係拍手拍大脾 snap手指都得 係要一路數 直到成首歌完結

揀啲拍子好明顯嘅歌 例如we will rock you果啲

老師用琴彈你好難入都係因為你冇辦法有個內在嘅身體律動 聽唔出其實老師個心係有個拍子喺度
聽MMO易啲因為MMO多數已經有個鼓喺底

多啲聽 靠自己努力去追返啲拍子感返嚟 要努力

唔需要特別聽
唱歌係唱俾人聽 唔係唱俾自己聽
真係想聽就就咁用對耳聽就足夠了

每個人聽同一樣嘢都會聽到唔同嘢
想透過聽返錄音去理解其他人點聽自己把聲只係一個偽命題
實則冇用 亦唔會對你唱歌進步有咩作用

早啊蕭sir，最近睇完misia好撚想學海豚音，想問下男仔做唔做到咁佢高架？能夠的話又應該點做還是有無咩竅訣又或者有無YouTuber可以推介下方便學？

多謝🙏🙏🙏

Yoyo

我嘅認知係果個range(簡稱whistle voice)係好睇個人身體結構
我自己係經過變聲期後就冇咗果個range
最簡單直接嘅理解係有就有 冇就冇

但我覺得最緊要係始於呢個range喺Pop music大部分時間都係gimmick
除非你唱古典音樂嘅花腔
不然其實9成至10成時間都唔會用到

所以如果本身有 就隨便玩
如果冇 都唔需要強求 始終就算係gimmick嘢 重有好多其他嘢玩 例如distortion, yodelling, throat singing甚至overtone singing

我睇過果啲所謂嘅YouTube教學片都係果個人本身就唱到whistle voice 所以其實係冇用因為佢地都唔知自己點解有 同埋冇辦法令一個人由冇變有（除非你有但係你唔知點做所以做唔到）

好多因素 大概講下你聽參考下

蕭sir你好，我斷斷續續學左幾年，叫做由難聽變到而家叫入到下耳，但好多野都未突破到。

高音有時撞手神可以去到A4，但平時G# or G都已經極限。同自己想唱嘅genre都有段距離。

而家試緊'留在原地'嘅方法。想問下其實係咪真係心態係可以解決到?定係其實舌控個啲都重要?

同埋都想知，因為我睇你最開頭啲post，你係有研究estill, cvt等等。你係點樣由個啲系統轉去Mr. Voice呢套。係咪就係你#1所講心理影響呢個approach導致你推呢個方法多啲?定係你係岩岩接觸個時佢係唱歌上有啲咩好幫到你?

我今日買左劉威宇老師本書，有無邊一part係要特別留意?
問左好多問題，麻煩哂蕭sir