蕭sir唱歌經3

tg @ChungTsit

可以呀冇問題 一直都有巴絲tg我

冇所謂呀 我留啦反正我果個之前已經寫過出嚟 @dendenboom

蕭sir你開左好多年點解唔拍片, 唔出樣都ok
睇字應該無幾多人明

Hihi

好問題
最主要係我咁多年嚟一路用自己做白老鼠 去睇去聽去試唔同嘅聲樂法 係去到今時今日我先確定 之後都會繼續用台灣Mr. Voice嘅教材
我拍得片嘅話 我想果樣嘢我覺得真係真係真係好有用 重要個個人都啱用 我先會想拍低
之前冇咁嘅感覺

宜家有咁嘅感覺 但人地Mr. Voice已經有好多教學片
我唔似香港果啲「網紅」唱歌老師 我唔鍾意抄完人地啲嘢 自己拍片果陣當哂係自己創造嘅教材咁無恥
就算我真係拍 我都會不斷強調我講嘅都係Mr. Voice嘅聲樂法 不過我又覺得咁樣好無謂 不如直接去睇Mr. Voice嘅嘢
所以我就喺度用我嘅方法分享我對音樂同聲音訓練嘅睇法 有緣就相遇 有需要就搵我

之前睇過你對estill有d睇法

你對cvt 會唔會都有d睇法？

Yo

CVT我好耐好耐之前睇過佢啲exercise

都係戴返個安全帽先 如果覺得CVT有用嘅話 冇問題請繼續學

基本上佢講得support 當中嘅聲樂邏輯都係冇乜科學根據可言
佢作咗好多新terms去形容啲聲 marketing嚟講係好緊要 因為佢有「新嘢」 學唱歌嘅人（客人）咪會覺得佢有啲新product
但基本上佢講嘅嘢 都只係已知嘅聲音 不過改咗啲新名
練習方面似乎都係唱scale 都係同古典或傳統聲樂法一樣

形容聲音方面同我啱啱溫返Mr. Voice威宇老師本書入面講一樣嘢好有關
威宇老師話 聲音係一種肉眼睇唔到身體掂唔到嘅能量 想用任何方式去形容聲音 然後用嚟教另一個人點做果個聲（以結果教結果）都係徒勞無功
例如形容音係高度的「高」 但音高係頻率快慢嘅結果
例如形容聲音有金屬感(CVT) 但其實只係聲音入面有比較多中高或高頻
形容不精準 教學就會不精準 聲音結果就不會理想

我覺得最重要係 佢嘅訓練方式 其實都係scale 以我所見 練scale嘅成效多數係極低 冇一個世界級嘅歌手係透過練scale練出嚟 只有世界級嘅歌手去唱scale
而且除咗佢作出嚟嘅term 佢嘅scale係咪真係好有科學根據同科學邏輯呢？

講到最尾 我覺得重點係在於訓練方法有冇用 你用咩term去形容聲音係一回事 訓練有用定冇用先係最最最緊要

所以如果有人覺得佢練CVT有用 我真心覺得冇問題 最緊要係保持心境開放 謹慎思考 開心唱歌

想問下
判斷一個人唱歌有天份，係需要咩條件

Yooo

快問快答嘅話
基本上係三四五歲就唱到一啲成人嘅歌 例如係音域廣寬 音準極好 拍子感極好 做到一啲超越佢年紀嘅技巧例如複雜嘅riff 等等

不過 有冇天份 真係唔係咁緊要
除非你目標係我做唔到世界No. 1歌手我就唔撚唱歌架啦
不然 歌手都有分好多種 唔係每一種音樂風格都必須要有天才級嘅天份先可以唱歌或者make music

有啲似我睇蕭邦鋼琴比賽 入面幾乎每個參賽者都係prodigy 講緊係四五歲就彈緊一啲可能人地學咗十幾二年（甚至更多更多年）琴嘅歌 然後七歲有個自己嘅solo concert
就算係如此級數嘅天才 入到去依然會遇到更厲害嘅對手
就算係如此級數嘅天才 依然係要每日練琴

就算係天才 後天都必須要努力練習
自己做唱歌呢個活動 有冇努力練習/學習？
好多歌手/老師覺得自己好撚抽得 其實就係冇放眼世界 世界上天才級怪獸級嘅歌手比比皆是 你冇喺音樂（唔一定係講發聲唱歌 可以係樂理 musicianship ensembleship improvisation 作曲 甚至係音樂後製 ）上不斷進步 你連初賽都入唔到

又不過 正正因為所謂嘅唱歌「練習」 九成練完都係冇用 有啲人重會愈練把快聲愈差
先會有好多人覺得自己「冇天份」
其實就係源於幾百年嚟嘅唱歌「知識」都係冇科學邏輯同根據
總之聽到個老師好勁 佢話佢用屎眼唱 你就跟佢用屎眼唱 你唔知點解 但其實佢都唔知點解

亦都係因為咁 我先想略盡綿力 想俾大家知呢個世界係真係有方法真真正正訓練到聲音 而唔係「學」完唱歌你做唔到就係你問題 就係你冇天份

係真係有方法架 如果過往學咗好多唱歌「知識」 覺得唱歌係一定要透過控制先會做得好 一開始係好難相信（Mr. Voice講嘅嘢）（因為我都係咁）

但只要放開心境 重新認識整個發聲唱歌概念 就會有決定性嘅影響同進步

TLDR
用文字教唱歌？
好歹都錄音講下示範下

無學開cvt嘅，但成日見d人講咩科學發聲，好有興趣知下，特別網上果d，想知多dd系統係咪咁有料

唔該蕭sir～

路過分享吓
係乜嘢系統根本就唔係你揀咩老師嘅最大原因
最重要嘅係個老師嘅唱歌水平
因為學唱歌講到尾就係學生模仿個老師嘅示範，然後兩者透過互動不斷修正
所謂系統我個人認為係有冇一個共同語言俾你同個老師去形容嗰啲唔同嘅聲音，當然系統之間都有分好壞
就係睇佢 Base on咩發展(例如有學術研究支撐etc )

譬如CVT 講四大模式，但十個老師喺同一個音高嘅Full density Edge都可以有差異
所以其實學生最終都只係能夠模仿個老師可以示範到嘅嘢

補多少少，我覺得有符合科學嘅解釋係好重要
但係一來市面上好多所謂主張科學嘅根本就係偽科學
二來學生之所以學得識從來都唔係因為佢獲得咗某啲科學術語或者聽咗一啲符合科學嘅解釋

但我唔係用黎揀老師呀

係成日見d人學完d系統好似好勁咁（雖然聽示範聽唔出），想睇下係咪好幫到手。

咁你覺得邊個系統有料d?姐科學d？

每個系統教出嚟嘅學生都可以水準好參差
呢件事正正解釋到冇一個所謂系統可以寫包單令學生變到職業歌手水平
我自己就覺得嗰啲好勁嘅人係因為佢哋本身就好勁(加埋其他因素啦)

我個人係有偏好CVT多啲，但係我想講嘅係科學啲=/=對學唱歌嘅人有用，純粹係我覺得CVT用嘅詞彙目前適合作為我同其他人交流學唱歌嘅語言
如果唔係大家睇研究論文就學得識

至於你話想睇某啲系統係咪幫到手，呢個就係點解我話系統唔係揀老師嘅第一選項
因為就當有個世上最好嘅系統俾你睇完，你喺實際操作同練習嘅時候都一定會遇到唔確定自己做得啱唔啱嘅無限漩渦
去到最後你係需要有個有經驗嘅人同你講你做得啱唔啱，如果唔啱嘅話你要做啲乜嘢修正
而呢個過程係你要有一個一對一嘅老師同你交流，佢要有能力示範嗰種聲音嘅做法
仲要有能力解釋到你嗰個做錯嘅版本同佢嘅差異係邊度
所以系統係有用但係冇咁多人諗得咁重要

Anyway 希望冇騎劫樓主個post

把聲厚唔厚係偽命題
厚聲係主流只係一班有權有勢嘅人喺度無病呻吟
呢啲「厚聲派」出到外國連歌唱外賽嘅初初初賽都唔會入到