蕭sir唱歌經3

想問清唱果時D音flat flat下冇咁準係咪好多歌手都會有咁嘅情形？
有人話，如果一個人在唱歌，偏離左50個音分以上（亦都有人話係差5 hertz...），就叫走音，其實係點計出黎?

如果一開頭無 reference (無樂器俾音) 嘅話
十個人有九個入嗰下都唱唔返原key
不過呢個唔構成走音，走音關心嘅係兩粒音之間嘅距離

清唱會 flat 多數係聽完自己唱前一粒音之後唔夠肯定下一粒音係咩
又或者係唱嗰吓唱唔到心裏面嗰粒音 (多數人會低音咗，尤其如果粒音高嘅話)

然後因為清唱除咗自己唱嘅嘢之外無任何reference，啲誤差**會accumulate
然後就慢慢偏移到有人聽得出 = 走調

**某程度上嗰啲都係走音，不過可能幅度唔夠大嗰下聽唔出

Hihi NICK

快問快答: 唔係

世上有啲人唱歌真係可以音準好準好準
Flat flat下其實就係功力不夠

世上亦有不同嘅tuning methods
有啲音喺唔同chord用唔同tuning methods有唔同嘅「正確」
可以去YouTube睇下equal temperament同just tuning嘅片

統計學上 專業嘅歌手係可以做到成首歌average嘅音準係嘅+-5以下
普通人聽到多過20/30cents左右就會覺得好似唔係好啱但又講唔出發生咩事

以下沒有先後次序

1 所謂功力不足 不只於發聲 音準必須配合耳朵及大腦處理能力 傳統聲樂派經常強調發聲係肌肉記憶 但其實只係毫無科學根據嘅講法 人冇咗聽力 係無法自由地控制音準 所以並無單純肌肉記憶 只有整體的發聲 聽力同大腦協調同時準確發生先有好嘅音準能力出現

2 音準可先由聽力出發訓練 多聽 仔細聽 聽完就唱 唔好嘗試理解果個音係咩音 99.9%嘅人係冇能力聽到果個係431.79 hz嘅音 我地個腦冇咁聰明

3 我地唔係機械人 俾你唱到每一粒音都係完全咁準 唱歌依然都可以係唔好聽 唱歌唔只係為咗唱啱啲音 重有好多嘢值得我地去關心

只要抱住唱歌係藝術情感個人表達嘅活動 而唔係只係為咗取悅別人 整個追求唱歌想有進步嘅方向會唔同哂 真正想為表達而練習嘅心態先會令我地有真正有用嘅進步