蕭sir唱歌經3

想問下一般練真假聲轉換用wu練
咁我用wu去做真假轉換好順
但一用字唱就會好漏氣 轉得好差
想問下點搞

氣息未夠穩定，高音會扯頸，通常前半首冇事，比如 如果可以這首歌，有乜嘢辦法可以做到喉位保持相對穩定同埋更良好嘅閉合？我仲學緊Mix

Hihi

用Wu好順係因為u嘅first formant係五個vowel比較或最低的
Lower first formant係會特別容易發俗稱假聲 或Mr. Voice嘅虛聲（同假聲/虛聲嘅特性相似）
所以o vowel都會易啲

你個問題就係傳統聲樂法唱60分鐘scales但其實乜都冇練到嘅問題
佢哋會話只要scale係specifically design去練某啲嘢就會有用
但其實一個scale 個老師想你做到嘅係：音準好 音色好 聲音穩定 要有共鳴 夠氣 通常但唔必定要legato等等等等
一次想你做到十樣嘢 只要做唔到其中一樣都係唔好
最後十個有九個普通人就咩都冇練到
其實就係哂緊時間

因為scale 無論整到好似幾複雜 都唔會夠說話或唱歌嘅時候要咬字發聲情緒音準音色同時到位咁複雜

*唱歌時 腦中不斷不斷不斷默念唔俾氣呢個思維指令
唔好嘗試用自己嘅方法去理解 唔好用舊有嘅唱歌「知識」去理解
只需要唱歌時不斷咁默念就可以了

試下錄個before after睇下有冇分別丫

Hihi

喉位不需要主動去感覺
閉合是屁話 因為聲帶冇痛覺神經 話感覺到聲帶閉合的老師都是神經病的（或根本一點理解都沒有）

你三個月 一年 三年之後你都重會同我講你重學緊mix
Mix只是一個偽科學的term
所謂mix係chest+head都係一啲近代聲樂嘅偽科學說法

*1 透過訓練發聲肌肉組群去增強口咽腔嘅強度同彈性 喉位自然會穩定 聲音自然會穩定

以前我跟啲傳統（世上99%嘅聲樂法）老師 我都係會想控制個喉核
但其實我地喉嚨入面嘅組件十之有九都係A連住B連住C
想控制單一組件係好難
而且通常都會控制錯 因為我地睇唔到喉嚨入面嘅嘢
就算你有正常視力 你有時望住啲嘢都會唔到或者sin手
想控制喉嚨入面嘅嘢 十之有九都係徒勞無功 而且會令唱歌時淨係掛住控制 根本enjoy唔到唱歌呢個藝術活動

2 不去想音高
只要不去防備 不害怕「高音」
身體就會穩定 聲音同氣息就會隨之穩定

試下唱歌時不斷不斷不斷默念留在原地呢個思維指令
唔好嘗試用自己方法去理解 唔好嘗試用舊有嘅唱歌「知識」去理解 唔好改字眼 要exactly係呢四個字
只需要唱歌時不斷專心默念就可以了

試下錄個before after睇下有冇分別

默念不給氣（國語）呢三個字嘅時候唔可以自己用其他字去改或取代
要係exactly呢三個字

咁減少啲漏氣呢，有啲人唱歌把聲好虛，尤其係女仔，佢成首歌都好氣聲，好似冇力咁

Yoyo

從音樂藝念概念上去睇
其實虛嘅聲音 氣聲 係冇問題的
（前提係要正常發到聲啦）
Billie Eilish或moon tang或者好多歌手其實都用好多氣聲
只要配合到歌曲或情緒
虛或氣聲係冇問題的

但係
如果係講緊聲音太虛或太多長聲令發聲有困難 不穩定或不暢順

首先點都係要由Mr. Voice嘅基本功練習開始訓練發聲肌肉組群同氣息協調訓練
然後配合思維練習同發聲穩定練習 就會慢慢練返紮實嘅聲音返嚟

關於太多氣嘅思維練習
你可以睇我回覆你個問題上面果個回覆
思維指令為「不給氣」（國語）
同樣不斷默念 不要嘗試去理解 不要改字眼 只要專心做 當下就會有改善

想學術討論吓

樓主可唔可以講解formant同harmonic tuning 個原理同埋個作用
上網睇完都唔係好明

Hihi

我好耐冇溫書
你可以睇返Kenneth Bozeman老師嘅Practical Vocal Acoustics一書入面講嘅嘢
佢成本書都係講佢研究唱歌同formant嘅關係

主要係講first formant經過fourth or fifth harmonics之後聲音會有明顯嘅變化
不過要好小心去睇呢件事
呢個係observation
唔係解釋緊要咁樣去唱歌
個因果關係一定唔可以搞錯

好多唱歌老師聽到formant之後就上網上線
就講active vowel modification

但其實Kenneth Bozeman喺佢本書入面講過一個好重要 而且最後同我睇Mr. Voice講嘅嘢係一致嘅概念
就係passive vowel migration
Kenneth話佢observe到只要singers保持到發聲空間嘅穩定性 我地嘅發聲機器係會自然地做一啲micro adjustment 從而令聲音可以暢順地由一個register去另一個register

但究竟果啲micro adjustment係點樣可以passively咁做到

其實去到最後
一係你天生協調能力好強 即係natural singer
一係就要透過後天訓練發聲肌肉組群嚟增強協調性

用active嘅vowel migration其實唔會有咩用
我俾你用到aeiou唱到哂你所有唱嘅音
但一唱歌就會破功
因為唱歌係一連串極複雜嘅身體腦袋協調活動
用我地個豬腦其實根本唔會理解到 遑論想控制佢
我地用眼睇spectrogram當然睇到啲harmonics
但現實唔會睇到
就算我當你有apple Vision Pro 可以實時睇住個spectrogram唱歌
咁就變咗係控制聲音 好似機械人咁
而唔係透過唱歌去表達情感
如果唔係表達緊情感 唱歌又有咩為呢？

所以呢啲formant可以睇下 但對實際操作其實冇咩用

唱歌最後要達到嘅
係開口就可以自然表達自己想表達嘅想法或情緒
而不是呢句chest voice 下句mix voice 尾句falsetto 下句belt 下句head mix

Hi,

識用丹田唱歌，但本身聲底好似麻麻哋好聽，有時唱歌會好用力想咬字咬得清楚。有冇咩練習？可以解決到同埋收尾音嘅時候一係就收得太快，一係就收得太耐，趕唔切出下一句。

謝謝

Hihi

識唔識用丹田並不重要 丹田只係一個想像出嚟嘅命題 只要識得呼吸 就可以唱歌👍

如果你跟開傳統聲樂老師學唱歌 以下嘅嘢可能要你用最大心力先聽得入耳
但你信我 你做到嘅話 上我一堂等於上傳統聲樂四至八堂

1 咬字不要太用力 幾時都係 用說話心態去咬字 自然就可以了

2 唱歌/發聲前不要深吸氣不要大吸氣
自然呼吸就足夠了
就算你覺得「好難唱」嘅段落
一樣要保持自然呼吸
聽落好容易 做落你就知好難 因為舊有嘅「知識」成日想我地去對抗「高音」
但其實音並沒有高度嘅高
音高低只係頻率快慢嘅結果
只要轉到念 就會有決定性嘅進步

Hihi

Um…呢個問題我以前用好正常一個musician嘅角度去解釋
不過老實講 一個宇宙最強嘅歌手 都會有人唔鍾意聽
一個擺明係賣樣多過賣唱功嘅明星 演唱會依然會場場爆

我覺得條底線係唱歌嘅時候
1 音準要啱
2 拍子要啱
3 如果首歌有歌詞 最低限度要自己聽得明自己講緊咩
4 聲音要穩定

123睇落好低b 但其實好多同學仔12都未做到 就唔好諗練乜鳩mix voice head voice想學張敬軒啲聲住

12除咗係發聲嘅能力 好多時做唔到同時係因為耳仔嘅聆聽能力未追得上
可能係聽唔明果個音係咩音
可能係聽得明但唱唔到果個音
拍子就更明顯係整體音樂感嘅能力

如果話啲基本嘢我200% ok啦
咁就專注喺練習情感表達
只要有想表達嘅情緒 而真係可以透過唱歌去表達（要1234都做到） 淨返嘅就留俾其他人去接收

（當然技巧呀風格呀音色之類果啲都好重要不過就唔講咁多住）

要記住啊
你拎起一隻叉
A知道你要準備食嘢
B以為你要插人
我地可以準備好最好嘅自己 但冇凡人可以要求每個人都認同同明白自己

做好自己 係最緊要

為自己努力 如果真係鍾意做呢件事

各位順手留個正皮可以嗎謝謝

thwnk you 錄完之後聽返覺得好陌生

你教唱歌幾錢一堂？

加油

其實用微觀角度去睇 我地凡人從來都冇熟悉過任何一樣嘢 好認真去諗嘅話 每樣嘢都可以好陌生

就好似一個蘋果 我地知佢多數係紅色 大概係咩形狀

但係呢一個我指住嘅蘋果 佢嘅面積有幾大 喺邊個國家邊個城市邊塊農田邊個農夫種 係咪表面每一塊肉眼睇到嘅皮都係紅色 定係一萬個pixel入面有一個唔係紅色 甜度係一千分之幾 酸度係一千分之幾

聽落好on9 諗咁多做乜9? 蘋果咪蘋果囉傻9
如果係咁嘅話 我地聽返自己把聲又可唔可以做到「諗咁多做乜9? 自己把聲咪自己把聲囉」？

熟悉只係一個幻象 不斷去認識 不斷去學習先可以接近真相

Hihi

tg私下講