Update少少少少嘢
究竟宜家呢個世界（尤其香港）嘅唱歌教學發生咗啲咩事？點樣影響教/學/觀眾去聽歌？
大部份嘅傳統聲樂教學會教人chest voice胸聲 head voice頭聲 mixed voice混聲 support丹田等等等等
如果你係學傳統聲樂而你又完全冇問題甚至無敵 以下全部都係廢話你完全唔使繼續睇
但如果唔係 等我繼續講
我係全職嘅vocal coach同voice trainer 呢幾年嚟不斷睇好多唔同嘅聲樂法 亦都有睇一啲關於聲樂嘅研究 希望自己進步之餘都想為學生搵到一啲最好嘅聲樂法
傳統嘅聲樂法用好多比喻去教唱歌 例如頭聲嘅共鳴喺頭頂 胸聲嘅共鳴喺胸 個聲放後啲 唱高音果陣想像自己向緊下等等等等
再講多次 如果你學傳統聲樂法學得好好 你完全唔使繼續睇
有啲人好似火影忍者佐助咁 本身已經好抽得 再有人教佢兩嘢已經識飛咁
但亦都有啲人好似鳴門咁 冇乜天份 練個招式要練幾萬次
如果你係鳴門 跟完傳統聲樂老師學完全做唔到佢地教嘅嘢然後覺得自己冇天份垃圾唔會學到唱歌
我想同你講 唔係你嘅錯
我以前都見好多好出色嘅singers 唱得好好 解釋自己點做嘅時候都係用返中氣呀頭胸聲果啲 我都一度以為果啲就係真理 因為十個有十個教唱歌嘅都係講呢啲丫嘛
但原來唔係囉
傳統聲樂法究竟發生咩事 我用例子去講下
就好似我地係小畫家 見到一幅好靚嘅畫 我地好想都畫到咁靚嘅畫
咁我地見到紅色咪用返紅色 綠色咪用返綠色
聲音最麻煩嘅地方係 人人講嘢都係用所謂嘅胸聲（最自然咁講嘢）但我哋講嘢就講嘢 唔會話你用胸聲講嘢
而就算大家都係用胸聲 每個人嘅聲音都係好唔同 但唱片老師就大歸類呢啲聲就係胸聲咁樣啦（或者頭聲blablabla)
個歸類去返畫畫度就好似老師話紅色係蘋果嘅色 唔係蕃茄嘅色 唔係血嘅色 用一個狹義去詮釋紅色
重要有啲老師話靚嘅蘋果係有光澤 鮮紅 咁先係靚紅色
結果大家就用蘋果（狹義）甚至鮮紅蘋果（超狹義）去形容紅色
然後每種顔色都咁樣狹義去解釋 黃色唔係檸檬色 唔係蛋黃色 新鮮香蕉色先係黃色
咁先假設你用啲顔色係老師講嘅蘋果色同香蕉色 你所有色都學「啱」哂
但係咪代表幅畫就靚呢？
一幅好嘅畫（我估）需要嘅係：
主題（歌曲風格）
故事/人物（歌詞）
構圖（編曲）
意境（情感）
光陰/調色/線條等等（技巧）
用色（聲音）
只有顔色嘅畫只係一堆顔色 冇故事的 你都可以睇 但你唔會望好耐
所以做「啱」哂所有聲 唔代表唱歌就會好聽
咁我地做觀眾 係會聽到有啲人唱果啲聲係好好聽丫嘛 有咩問題啫？
冇問題 我只係想講我地聽人唱歌唔係因為淨係聽到佢個胸聲頭聲好好聽所以覺得佢唱得好好聽
我哋聽歌就好似睇畫咁 你唔會一睇就睇啲色用得啱唔啱 啲影畫得靚唔靚 有幾多層layers
我地睇係一個大picture 一個package
所以我地聽歌果陣都係一次過聽緊一大堆嘢 歌曲風格編曲歌詞情緒音色
你覺得好聽都係因為聽到十幾個factors組成嘅好聽
唔會可能係因為一樣嘢就會覺得好聽
冇果一堆package嘅聲只係一堆聲音
# Update: 聲音係情緒同思想嘅延伸 用返台灣Mr. Voice嘅講法 先有情景 然後有情緒 最後有聲音
之前有巴絲打問我點先可以做到人地一開聲就有「嘩」嘅感覺
就好似問點先可以一行出嚟就令身邊所有人覺得「嘩」咁靚
好複雜加嘛
先唔好講每個人審美觀唔同(你覺得「嘩」我覺得「吓？」）
要有嘩一聲
我地以為一定係把聲天生靚
或者技巧要練到識飛先得
但其實同等重要嘅
係情緒
冇情緒 就冇聲音
有好嘅情緒 聲音先會吸引到人
人係天生會追住別人聲音背後嘅情緒嚟聽嘅動物
正如你同你阿媽講「喂」
同你同隻狗或貓講「喂」
係同一個字 但背後嘅情緒爭勁遠
你冇真心想去表達一種情感
無論你把聲練到厚過厚切豬扒
都唔會練「嘩」一聲嘅效果 #
唞唞先