蕭sir唱歌經3

Hihi 工程巴

謝謝你有禮對答 唔使客氣隨便問 當傾計就可以了

首先一如我某啲舊回覆提及過
舌控聲樂法或Mr. Voice教學法
必須以舌控基本功為整個訓練系統嘅基礎

但因為舌控基本功一定要上堂先教到 所以喺連登嘅回覆先會以可以用文字表達嘅思維訓練同心法去回應大部分人嘅問題

情況1
對於天生發聲協調能力好強嘅人 簡單啲講係有天份嘅人 只係同佢地調整心態（唱歌發聲時心情平靜平穩）同正確思維（不要去想音高音低 不要感覺喉嚨等等） 佢地已經會即時有進步
同埋當你以為佢地已經冇得再好 佢地做完基本功之後 聲音一樣會變得更明亮 發聲更自如不費力

情況2
對於大部份普通人 包括我 基本功係訓練身體機能嘅必要過程 就好似任何一種運動嘅運動員都要做體能一樣 發聲肌肉組群夠強嘅話 之後嘅心法同思維練習先可以一步到位 不然就會個腦跟得上 但身體跟唔上（就好似係人都睇得明倒掛金鈎 但唔係個個都做到）

我睇咗好多試咗好多年唔同嘅聲樂法 有兩個大方向
1 只有Mr. Voice嘅練習真係可以做到當下聲音就有分別嘅效果
其他聲樂法叫你吸氣擺共鳴位置感覺口腔制度喉嚨 你好彩就有用 不然其實9成人學完係等於冇學 有時唱完啲scale把聲重攰

2 我算係半個讀科學嘅人 我有一定嘅理解咩叫做scientific research
宜家無論邊個國家聲稱嘅科學聲樂法 十之有九當中都唔係科學
用科學儀器去睇身體唔叫科學 例如我用科學儀器睇到你有個腦 算唔算科學？
算 但好似叫常識多過叫科學

Scientific research 有好多factors
Research methods, hypothesis, sample size, experiment, placebo effect, blind test等等等等

其中我自己思考覺得最重要嘅係理性邏輯
例如宜家嘅「科學」聲樂法話見到你發某個音嘅時候某組肌肉郁咗 所以就要訓練果組肌肉
先唔好講correlation同causation嘅關係（pin果個回覆有寫）
成個身體咁多嘢一齊郁緊 如果我睇你唱歌果陣我見到你屎眼有郁 咁係咪要訓練屎眼？

所以我唔係因為「我覺得係所以係」就相信Mr. Voice嘅聲樂法
當中有好多自身經驗 教學經驗 同邏輯思考喺背後

要我好似99.9%嘅老師咁講胸聲頭聲混聲丹氣中田有幾難？果啲我都聽到可以隨口講一個鐘
但我唔係要呃人錢 我唔係要混水摸魚 我想自己有進步 我想學生跟我學真係有學到嘢
所以就算幾多人負皮我 我都會繼續講落去

幾百年前加利略喺其他人眼中都係傻佬 去到最後邊個先係傻嘅 眾所鳩知

加油慢慢睇陳威宇老師嘅書 淨係睇書 調整自己對發聲唱歌嘅心態同思維已經可以有進步 真係慢慢睇 加油

樓主其實答咗好多吓，我補返個個人經歷

我由未變聲之前開始唱 choir，身邊有男仔轉咗聲就用唔返假聲唱，有啲人把假聲得返一半，有啲人把whistle 喺到但係假聲冇咗

呢班人變聲之前都係 S1，有過相應嘅練習
所以假聲/whistle 真係有就有冇就冇，人人唔同

見你話練果時唔好去諗除左口缺以外既野
都見過人話最初學果時唔好去諗閉合呢樣野
但我係掉轉, 最初學唱歌果時都係靠記住個閉合感覺
練果時都會諗住閉合感覺再去唱
之後就慢慢本能咁做得到

唔係諗唔諗 亦都唔係我話係定唔係嘅問題 而係聲音係連痛覺神經都冇 就算你係超人你都唔會感覺到聲帶 呢個係biology 唔係一個argument 就算個老師收你一萬蚊一堂 都唔會令你感覺到聲帶

就好似你係感受唔到你嘅頭髮 你只會感覺到你嘅頭皮
你亦都唔係透過感受頭髮去控制頭髮 而係透過郁動身體去郁動頭髮

我地聲帶好多肌肉都係不隨意肌 係由迷走神經支配 例如thyroarytenoid muscle, cricothyroid muscles等等
重申 呢個唔係一個argument 係一個biological fact
就算個老師話佢點控制呢樣果樣 只係一個錯誤嘅主觀身體感覺（以為控制緊A但其實控制緊E,J,X）
你嘅感覺唔精準 控制就會唔精準 結果就會唔精準

最重要係 不隨意肌本來就唔需要亦都唔應該要去控制 傳統聲樂法想透過控制去做好唱歌呢件事係有個好大好大好大嘅explanatory gap解釋唔到

咁我當然唔係感覺到條聲帶
而係感覺到聲帶"閉合"果刻既感覺
無論當中牽涉d咩肌肉運作
定或者係心理上既幫助帶動我去控制都好
我係感覺到閉合同唔夠閉合果時既分別架喎
不過呢樣野係要建基於個感覺夠準確同全面先得

好

但因為再次關乎到我地冇辦法控制不隨意肌
你嘅感覺到果個感覺 好可能都唔係一個單一嘅感官感覺
我之前啲回覆有寫過啲
如果你失去咗聽力 完全聾咗 其實你係冇辦法透過感覺你個感覺去判斷究竟你有冇閉合到（因為你係同時聽到自己把聲先有「呀我閉合緊呀」嘅判斷）
我地人類宜家嘅智慧太低 科技亦都未先達到一個終極點 我地係未有智慧理解哂我地點解去理解每一件事

我嘅重點係 其實果個感覺由於唔精準 長遠對發聲健康同唱歌進步冇太大嘅幫助
不過 我成日都戴返頭盔 如果你覺得你做緊嘅嘢有用 good for you
總之各自修行 happy practicing

明你講咩, 主要係有d唱歌系統同我學唱歌既過程好有唔同
所以就好奇討論一下, 因為係我無閉合呢個概念之前
我唱歌係一直停滯不前左好耐, 以前跟過一個老師, 可能佢唔識引導我
又從來無講過閉合呢樣野我知, 係直至我後來知道有呢樣野
突登去練, 捉到個閉合既感覺之後
先至突飛猛進, 先開始控制到點樣閉合多d, 少d
多d氣聲, 定係實淨d, 又穩定左好多, 真正feel到點樣自由咁唱歌

唔係佢唔識引導你 係傳統聲樂幾十至幾百年嚟到到宜家都係冇辦法用有科學邏輯嘅方法去教唱歌（更遑論宜家自稱科學嘅聲樂法）

以下係我嘅睇法
你並不是因為感覺到閉合嘅感覺先突飛猛進

而係你本身對唱歌有啲「睇法」或「想法」
果啲想法令你覺得「唱歌應該要咁咁咁」
但係「咁咁咁」冇令你有進步

然後你講嘅多啲少啲實淨 多啲少啲氣聲等等
退後一步睇
其實就係我地本來人類就擁有嘅能力！

嗌救命 又大聲又紮實
同bb講嘢 又溫柔又有啲氣聲
命令人 紮實 堅定

意指
就好似Mr. Voice威宇老師咁講
學唱歌唔應該係令我地想去控制更多
而係透過訓練令我地重返自然
開口就發聲 開口就唱歌

所以某個意義上你並不是控制更多
而係可以將我地本身就做到嘅聲音變化帶入唱歌
做返你本來就做到嘅事！

幾千年前邊有人會講聲帶閉合
只係最自然嘅聲音 最有情緒嘅聲音！