大家細個果陣lur阿爸阿媽買過最難忘嘅嘢係乜？

好少, 有記憶嘅已經係用自己利是錢或憑實力考試好成績送

無lur過 次次都係我家姐lur
我只係玩佢的二手野

以前招雷霆萬鈞 唔係個個小朋友架馭到
個時年中就會有幾單 扑親個頭爆肛

Gameboy仲太細個唔買得
之後gba先第一次死lur爛lur
買完之後連玩具都好少再想買

個po好多貧困家庭
好多無知父母
細個只有想買但係搵唔到
唔會唔俾買

呢個我都有一隻 製作幾高質

召喚王

冇錯就係呢招 收番黎果下飛唔到出去就會打中臉或者鎖骨，果時玩到個鎖骨瘀左諗住大家都經歷過

暴走鞋？

Leica

個時細個唔算窮都亦唔見得多錢剩, 老母又係儲錢狂
(或者唔係因為佢咁可能破左產)
記得四五年班個時好多同學有GSHOCK, 不停咁玩777輪盤
咁小朋友梗係人有我有MODE啦
老母就梗係慳錢MODE
最後互屌左幾日, 又絕食又唔撚出聲, 最後老豆用佢自己零用錢抿左篤屎

屋企唔係好有錢
但以前lur媽咪買嘢，佢都會盡量滿足我想要嘅嘢
去到大過問返老母點解當時咁窮但都 買 俾我
佢就同我講，原來當時佢嗰邊啲兄弟姊妹個個都早死
佢都怕自己會有日無啦啦唔知咩突發嘢會死左
佢希望俾個最幸福嘅童年我，喺佢在世之前
媽媽，我愛你

幸好到而家佢都冇咩事，我都大個啦
身邊兄弟姊妹都搵到高收入工作
大家做嘢之後都夾份買部iPhone送俾佢
佢開心到呢

激鬥戰車
學主角出招整爆咗

唔敢lur老母買
通常搵老豆 雖然會口upup但都係會照買
最開心係扭到佢買gba
有次買左個羽毛球拍 老母癲左將佢拗斷左就唔敢叫佢買任何野

應該小四小五個陣 lur咗好耐老母都唔肯買 好記得當時係賣99
幾年後見過 仲係賣緊99
後尾大學再見返 換咗packing但內容差唔多 賣199

陪爸媽睇樓 lur佢買一間海怡半島嘅單位比我
最後當然唔成功

暴走鞋
我lur到典地都唔肯買比我

每個禮拜一次既CO!CO!

依架野好足料 幾重秤 （印象中）

冇lur過，lur就一定冇得買

呢架個時覺得好撚型

好貴
我買樓下文具舖翻版$10個

六神合體 第一版 個個年代都要3舊水. 開心到仆街

突然識諗 都幾勁

從來唔夠膽lur佢哋買野
喺有記憶以來都覺得爸爸媽咪好惡
唔夠膽問佢哋要嘢
唯一有印象係有一日佢哋兩個返晒工嘅時候
喺屋企某個地方見到有個未拆封嘅玩具
我打電話問媽咪可唔可以開個玩具嚟玩
佢話唔可以，係送俾親戚小朋友嘅
跟住我都只係好唔開心，都唔夠膽擦個玩具嚟玩
諗起都覺得好唏噓