零基礎應該如何入手學日文？

濁音事實上對香港人黎講並唔易聽得出 亦唔易發得好
比個例子你 バカ 呢隻字個カ正常係發到類似家
姐係巴家咁 你唔會發音做巴卡
濁音實際正確發音要有輕微咁震動個喉嚨咁
你試下先發ん　再發任何既濁音就會feel到喉嚨底有少少震動
個隻震動先係正確濁音

利申試過同d架仔傾計 我話隻芒果(マンゴー)味幾好食
佢地笑到仆街 因為冇震 佢地聽到做まんこ
結果我刻意好重音咁震個喉嚨黎發ご呢個音
佢地先話你今次真係マンゴー啦咁

學到野
發覺用喉嚨音同非喉嚨音係好大分別
即刻娥 /鵝嘅分別

其實自學既 我建議你地開個discord之類
互相練習下對話比較好 又可以練到聽同造句
仲可以學下其他人識既生字咁
以前我係香港學左年幾都係1999咁
之後黎日本半年左右已經可以輕鬆交流 所以好建議同人練習下

唔建議非母語者一齊練。

發音就冇計架啦 至少練到講同聽
同埋有其他人一齊 有伴冇咁易放棄

課少少金同日本人amamzing talk, preply, cafetalk之類練重好。
或者打機都會有日本人。

amamzing talk之類搵人教係可能得既 但係去到咁已經唔係自學啦
你要個初學既打機同日本人傾仲難
第一 日本人自己都唔care文法既 佢地用字文法唔係書面上學到既野黎
第二 普通日本人都唔識教你日文 等於叫你教個外國人廣東話一樣
根本唔知點教
我幾年前N2同日本人打機都吃力 初學更加冇可能
所以自學黎講 我先建議練起左個基礎先 先再真係同日本人傾
發音到時再慢慢練返好咁

初學搵人教係浪費錢
係你學到N2咁上下搵人練口語。

所以我咪話初學既互相練習下先
去到咁上下先跟著同日本人實際傾

唔好
會互相學左錯野
情願唔練

自己玩下shawdowing仲好啦 成班初學者練乜鬼shawdowing練得多就自然有個大概idea點講句子啦

啱啱買左本大家的日本語，買完爬返文先見完來好多人都唔推薦自學買呢本

不過上網睇教學好似有唔少片都教呢本

原來係弱智

開始亂，求救

點解下面果個茶後面係用は而唔係用が，前面學緊が前面擺個名詞，但黎到呢到我又比個例子搞亂左
おちやは飲みません

本身學緊動詞後面應該跟「します」，但我見好多例子都係就咁「ます」就完左，冇左「し」。請問幾時要加幾時唔洗加
おちやを飲みます

します＝する既ます形
飲みます＝飲む既ます形
幾時有し就睇下你個動詞係唔係する

お茶が飲みません既話 個主語就會變左お茶　因為用が既話就係強調が前面既名詞 你想表達我唔飲茶 所以就用は會比較適合 簡單黎講は就係強調は之後果句野 が就係強調前面既名詞

は同が呢個問題
好多人讀到N4先分唔清, 好多youtube片講完又講都係會唔明
建議將呢個問題暫時放埋一邊
讀上去配其他grammar就會意會到

が同は問題明明地，但睇左樓下巴打建議決定唔理住

「睇下你個動詞係唔係する」
可能我係自學太雜亂無章未聽過咩係する上網查下先

聽你建議唔理住了

N5需要知道既就係
はがは逆接句型 同埋
はが能力句型

另外你記住
ない前面多數有は　（例：ではありません）
呢個は唔係標示主語既用法

動詞方面我幫下你
1) 所有動詞既原形(基本形、終止形)都係う段尾
2) 動詞性質上分四大類
一段動詞 五段動詞 サ変動詞 カ変動詞
3) 動詞我地通常分做 語幹 同 語尾，會有變化既地方都係語尾
例：
使う＝つか・う
食べる＝食べ・る
4) 以下分類
一段動詞：必定る尾, 前一個音係う上面或者下面一段, 即係い行同え行
サ変動詞：只有1個 する　　同埋　動作性名詞 + する
カ変動詞：只有1個 来る（くる）
五段動詞：以上3種以外既全部動詞 + 例外
註1) 非する/くる/る尾既動詞都係五段 (う、ぶ、く、ぐ、ぬ、す、つ、む）
註2) 有部份符合呢度寫既一段區分法則既動詞係五段動詞，視為例外，建議用以下方法區分：當動詞寫做漢字時，語幹有多出沒有寫在漢字內的假名部份，且符合一段區分法則時，為一段動詞；沒有多出的假名，通常為單漢字+る，多為五段動詞，但仍有例外。
例：
帰る（かえる）　五段
起きる（おきる）　一段
見る（みる） 一段
註3) 看似同一個動詞，實為不同動詞，其中一個必定為一段，另一個必定是五段
例：
いる（居る）　一段
要る（いる）　五段

する姐係サ変，首先唔好同五段既す尾動詞搞亂
其次する 本身就係解做 「做」
所以係佢前面加個動作性名詞就變左 做果個動作
例如 掃除をする
する加個ます就係します
する通常用係寫公式野呀, 文章呀, 報紙居多, 除左一D外來動作係無日文原本寫法之外，其他大部份所謂既動作性名詞都有另一個一段/五段動詞可以代替
例：到着する＝着く
但 結婚する 呢D就好少會用其他方式寫

最後，上面只係動詞分類先係分四類
仲有另一個惡夢係動詞性質，即係 自動詞 同 他動詞

建議你唔好學日文了，好多漢字都係中國傳入去

因為當你去到睇一篇文章個陣
你就會明幾時は幾時が

我覺得呢個post既人太高level我連大家既解釋都未睇得明
腳踏實地睇大家的日本語慢慢學

方法因人而異

在大多數情況下, 入門級不建議自學, 去返啲正統日文學校讀最少part time半年, 攪清楚日文基本讀音和文法先

香港版都係出到初3