零基礎應該如何入手學日文？

係咪姐係背晒清音先就可以去下一去

搵啲文本
用電話鏡頭/cap screen搵ai photo to text
擺落Google translate翻譯

帶埋耳機聽清楚佢發音，因為Google translate啲羅馬拼音有時唔準
然後自己跟住讀一次，慢啲唔緊要，要準同順

大概認到五十音之後
試下自己就咁望日文平假片假名黎讀，減少用羅馬拼音認字
漢字唔識就由佢，再每日俾多個目標自己記至少5個漢字動詞既讀音、意思

ai學習都係參考人腦，我覺得一開始唔好理文法先，聽多啲睇多啲讀多啲，人同ai一樣填鴨式係必要，要當你自己練緊反射神經，而唔係記憶
由文法學起呢啲係語言高手先識得做既事黎

利申自己試緊，唔知值唔值得參考

良師

好少普通話。我唔想殘體字多啲。

試過好多app。真係呢個最好用。冇用俾錢。我迫自己唔可以錯，錯左扣心。

ABCD都唔識，點背a for apple b for ball
其實背50音真係同記英文字母一樣咁基本

想知你用咩resource學vocab
我諗住等遲啲學熟五十音先開始記下vocab同聽多啲日文

講返細細個未學日文之前打機戰幫到好多係咁睇戰鬥畫面, 佢又叫得熱血, d五十音都大約會知點讀



同埋D高達名幫學片假名好有效, GUNDAM　ガンダム咁

之後複雜D V2 assault buster gundam, gundam 係ガンダム, 前面アサルトバスター就係assault buster, 玩玩吓見下就估到8 9 成每隻字個音

Duolingo好在beginner friendly同可以重溫
我諗住學到咁上下先轉其他比較進階嘅材料

我係本身叫做上過N5工賊會。叫做背左五十音。
用app 一黎就係助語詞造句。幾好

用app學，係孤獨，唔知係咪岩進度。不過用app一定有趣、互動過出口仁

出口仁要好自律，讀、寫、記

台灣啲YouTube channel係教得幾好嘅

文法可以用英文學，會容易理解D
但係你初學寫字就都係用番中文會易上手少少
讀音用返廣東話去學會事半功倍

記好哂50音就到長音拗音拗長音促音濁音半濁音撥音
過到日文第一關就可以嘗試入手一下文法
睇下D格助詞可唔可以同你對preposition既理解渾然天成
過埋呢關既話就會到用言變化同埋自他動詞
其後一步步咁對助動詞/補助動詞/複合動詞挑戰
平時就多D認識下唔同既生字同埋動詞
咁你就準備好去應付下一關敬語
精通5層結構敬語後你需要熟習N3 108個文型
到呢個位你應該係日本旅行起碼唔會睇唔明 (聽就因人而異，始終日常對話語速可能會快，不過服務行業同廣播會就返你既)

再上去N2同N1就係另外一個境界，起碼考試黎講係咁
你支持到N3先再講落去吧

如果發現自己自學愈學愈無動力
咁你需要既係出去報讀日文班 又或者去日本讀語言學校

網上資源來來去去都係google搵到果頭幾個
始終香港市場細，都係台灣資源比較多
有唔識上連登問都應該好多自稱N0 N1 N87會出手相助

つつく？
睇黎你比樓主更加需要進修

英文教材會係由弱智程度開始，就返鬼佬唔識漢字咁由零開始教
但如果你連學個日文都要政治行先咁無辦法

咁學完清音下一步應該做咩比較好

睇到呢度已經笑撚咗

23樓覆左，樓主無視我姐

零基礎應該如何入手學日文？
https://lih.kg/bFkRQeV
#23 回覆 - 分享自 LIHKG 討論區

啱啱走左去書局睇，係咪叫，大家的日本語（初級）（香港版）
但裡面全日文，係咪硬哽照學起步會比較好

我仲係好初學，求解
1. na同ra已經唔識分，聽落好似一模一樣音咁
2. 見到之後係濁音拗音，應該繼續背晒打好基礎先先定學其他野先

na ra 知有分別咪算，又唔係要做語言大師，我覺得唔使深究
廣東話你又會好認真去分 n 同 l 咩，唔通自己母語都未搞得掂，學日文就突然好認真咁去分

YouTube 有人出咗呢本每課講解

係咁易係youtube search下大家的日本語，好癲，不下十個channel由第一課講起
原來學日文咁多資源

係，就係e本
唔好比佢全日文嚇到，一開頭好簡單的，比啲信心自己
新版唔知係咪咁，但我學果陣佢每課有個咁嘅規律：

一開頭第一版一定係一堆詞語，一邊平假名+漢字，另一邊會有果個字嘅中文解釋
然後會有好基本嘅文型同例文，介紹果課想教嘅基礎文法，一開頭都係好簡單的
跟住就有啲果課嘅練習，無記錯就分練習A, B, C，跟住有個listening 練習
最後有個會話比人練講，咁就完一課

我自己建議每課就咁：一開頭默寫一次啲詞語，搵野蓋住平假名果邊睇住中文字果邊默返出黎
一開頭啱8成左右就得，重點係要你個腦適應隻language ，同埋加深啲對平假名呀，濁音長音果啲嘅記憶呀
然後就開始做練習，最開頭應該唔知自己做緊咩。唔緊要的，睇返文型同例文，一路做一路理解
聆聽一開頭應該係最難，但都唔好驚，盡量試下啦
會話可以無視，新手階段除非去上堂，否則好容易越學越錯

反而淨靠佢書嘅練習係絕對唔夠，建議買埋佢本咩 標準問題集（類似咁嘅名，應該無記錯），每課跟住做，加深記憶
每課就不停loop e個程序，有心擺時間學一定得的

答返你問題

1. na ra 靠聽唔識分，好正常，越學就越會記得同聽得出邊d字係n 邊d係r

2. 可以但唔建議。正如d 人學英文發音，喔 environment 個ment 讀 文 音喎，咁等我背哂啲字堆發音先

唔係唔得，效率比較低囉。因為當你慢慢記得啲字平假名點寫，你就會記得埋果堆濁音呀果堆野
但當然，最開頭默寫50音果陣寫埋果堆，都係可以的，都可以係令你個腦適應日文嘅圖徑，多練習係無壞

Lunch time 食飯打長左，希望幫到你

唔好買港版，未出完。我上年買初級1，睇完都未出2，走去買返台版，而家讀到中級4，書櫃特別有本唔同款好唔舒服

https://www3.nhk.or.jp/nhkworld/en/learnjapanese/

NHK比鬼佬用嘅教材
堅持要用英文學嘅話
你睇吓啱唔啱心水啦

如果樓主真係想用英文學嘅話可以試下
https://www.renshuu.org/