胸痛漢送屯院翌日亡 實習醫認漏診心肌梗塞

【明報專訊】患有高血壓、心臟病及曾經中風的五旬男子因胸口不適送院，疑未被及時診斷心肌梗塞，做「通波仔」手術後病情急轉直下，在屯門醫院留醫一日不治。死因庭昨就事件召開研訊，涉事實習醫生供稱，問診後認為事主尚未符合心肌梗塞的條件，並指心臟酵素和心電圖檢查通常一併進行，惟事後方知事主檢查兩者的時間相隔5個小時，「我都好遺憾無check（檢查）到心酵素嘅時間」，承認影響診斷。

死者容國洪（終年57歲）生前是兼職課外活動導師，家屬昨出席聆訊，無律師代表，醫管局被列為利害關係方。研訊由死因裁判官林希維審理，不設陪審團。

醫局曾認醫療事故

死者長子容天穎供稱，2021年11月30日晚上，父親胸口疼痛和左腳抽筋，送院治理，翌日凌晨父親與他視像通話時狀甚痛苦，曾說「心好痛」、「姑娘，我要見醫生」。遺孀陳美清供稱，同日早上丈夫仍清醒，兩個小時後情况轉差，陳同意他動手術「通波仔」；其後丈夫心跳微弱，經搶救後下午約2時半不治。陳向醫管局查詢下得悉丈夫的心電圖異常，院方指醫生無做出急性心肌梗塞的臨牀判斷，屬醫療事故。

醫：僅心電圖異常非心梗

不察心酵素檢測「過時」

已離職的時任實習醫生陳心期供稱，當時她協助主診醫生並負責7間病房，連同事主在內共幾百名病人。案發12月1日凌晨4時半，陳接獲護士告知事主暈眩，她遂處方止暈止嘔藥，至6時，陳留意到事主心電圖報告異常，遂向他問診。陳稱，診斷心肌梗塞的條件須包括以下至少兩項，即心電圖不尋常、心酵素明顯上升、胸口疼痛等徵狀；由於事主無心口痛、心酵素指數正常，陳認為並非心肌梗塞。

家屬稱父屢呼救 醫：無通知

不過陳心期承認，當時不知並且沒留意事主前一天晚上11時半驗血檢測心酵素，相隔5個小時才做心電圖，她根據實習經驗所見，假設了兩個檢查是同時進行，「好遺憾」無查看前者時間。如果及時發現，她認為最好再次檢查心酵素和心電圖，否則難以診斷病况。在容天穎提問下，陳稱只曾向事主問診一次；容又說父親在視像通話時屢次呼救、要求見醫生，陳回答道無人通知過她。聆訊今續。

【案件編號：CCDI 1080/21】

醫狗：唔夠人手多野做係咁架啦，加人工囉，我出去做仲好揾，係好遺憾架喇，專業人士都會出錯架喎。

醫生就梗係有責任 不過要實習醫生負哂所有責任 我又覺得唔係

一早轉睇中醫咪無事囉

經驗不足

其實見到心電圖有異常已經即刻要做野，起碼都call senior ，或者再抽多個血都好

再者，病人應該係晚上有話心口痛，先會安排照心電圖，所以話三個條件都應該中左兩樣

如果實習醫生唔call 當值醫生，當值醫生真係未必知
除非有護士好醒，知呢個houseman 無料到，直接call MO

一個打一百個
係佢唔好彩落鑊

心口痛起碼cat2 點會冇大粒睇著

知都唔會搞咁多嘢啦，廢事自己拿屎上身，又唔係自己親人

時任實習醫生陳心期供稱，當時她協助主診醫生並負責7間病房，連同事主在內共幾百名病人。

Online class e生

香港真係cls 唔知外國夜更標準係點

係囉 實習睇咁多 出錯 係咪醫院都有責任

一定係啦
屯門醫院2000張床
一個醫生睇幾百個
成間醫院可能得5個醫生當值
要咁樣同法官求情,好慘
可能公立淨返個幾千個醫生都唔洗返工係要份工個幾個人一個人打幾百個

屯門醫院係垃圾d
有醫療事故唔意外啦

可能如果真係無事 佢又call 當值，會俾人屌爆

怕俾人屌 ……..但唔怕病人出事

自己俾人屌唔洗死嘅

Houseman 就係預比人屌啦
同埋寧願比人屌，都唔好自己硬食責任

當然現實好多MO 都係唔鍾意人call

有啲houseman 真係廢到一個點，啲護士睇唔過眼

他只是個intern

始終佢做錯係有責任 但罪不至死

希望唔好判佢誤殺，釘牌

一定唔會永久除牌
頂盡停牌幾個月 不過佢個朵點臭HA 私家醫院都會請佢

案發時在屯門醫院當值的實習醫生陳心期昨日表示，現已離開醫管局，在英國進修。

唔夠人手係咁架啦

出面好搵都留係度吖

仲想典