Grad trip 去歐洲 - 英德意法深度遊

其實如果理想地，最好旅行時唔好開網絡，專心感受四周
自己平時旅行會帶兩部電話，上網嗰部通常擺喺背囊
不過都係成日忍唔住攞出嚟睇 P

小小後記

今次寫遊記，同之前美國/澳加遊記最大分別，就係“深度遊”三隻字引起好多迴響。

我一開始都會有啲憤慨，因為自己唔係一個少去旅行既人。我叫得深度遊，就真係覺得有深度先會咁講。

不過之後再諗諗，呢次 grad trip 既旅程淨係去左主要城市，又的確唔算好深入；就好似如果黎香港旅行，淨係去中環尖沙咀，都好難稱得上係深度遊一樣。

咁點解我會覺得有深度？可能一方面呢次係自己第一次去長途旅行，所以感覺特別震撼。

另一方面透過參觀大英博物館、西敏寺、古羅馬遺址等等，自己又好似的確探索緊歐洲文化既源流，了解咩叫文藝復興、啟蒙時代、民主自由……

點都好啦，呢次旅程令我大開眼界，亦都間接令我幾年後出發環遊世界。我而家仲整理緊環遊世界既遊記，希望有機會快啲同大家見面啦

最後想多謝各位巴打絲打既留言，特別係@聖上駕崩、@厭世旅人、@余御汝如魚愉，令到個 post 豐富左好多，亦避免左我喺度自說自話發 up 瘋

祝大家都有更好既一年，我地下次遊記再見

就係深度遊呢三個字 先引到入嚟睇睇下係咪深度遊
去主要城市唔等於淺度 去山卡啦小城唔等於深度可以係中途路過 宿一宵就走 有咩都唔知
深唔深度 自己覺得係睇到感受到啲咩 認識一啲事物 如有學習更錦上添花

另外亦覺得 如果去旅行前做啲小功課 (例如睇小說 電影 紀錄片等) 咁樣旅程上更加易有體會
有啲地方係睇完書 跟著去搵返啲地方出嚟 睇下係咪好書中所講的 或者去「睇實物」

等巴打下次深度遊

大學學過小小法文（爭啲肥）所以拉丁語系都可以估下up乜，希望盡量都唔用google translate的，德文就用英文都可以捉下路

亦嘗試淨係用地圖嚟睇大約方向，build up對唔同地方城市嘅方向感

呢兩個玩法我覺得會令到自己越嚟越熟悉一個地方

其實又好似冇乜特別意義，本身喺君士坦丁堡都係放喺個馬塲度做裝飾

放係威尼斯利用第四次十字軍東征嚟自肥，同埋拿破崙攻下意大利嘅context入邊，象徵威尼斯共和國同拿破崙日益壯大嘅野心嘅意義就大得多。（其實威尼斯只係被十字軍走數之後玩大咗）

喺今日嘅角度嚟睇，呢4+1隻馬好似係碩果僅存（至少暫時搵到）嘅羅「馬」銅像，作為文物參考嘅價值就高好多

巴打太客氣了
其實去既地方或者時間少都唔係問題，但你既反思相當誠實而且有意思，借古鑑今又有，由小見大又有，咁就已經係深度遊
期待你下一趟旅程

係呀，旅行好似一個 portal，打開對一個“新世界”既體驗；書本、電影、遊人同樣有類似效果。咁樣睇世界都會豐富好多

我都好鐘意唔用 gps，靠手動 navigate 去建立空間感
有時唔用地圖，周圍亂咁行都好好玩

突然諗起,其實寫遊記(+互動)都係再認識一個地方既好方法,所以好多謝大家既分享

update 下：
東南亞遊記仲寫緊，大概農曆年開始有得睇

期待

唔洗grad trip都去到啦 以家機票咁平 先3000頭 去到住hostel/overnight bus for transport 冇你想像中咁貴