Grad trip 去歐洲 - 英德意法深度遊

自己中意歷史，所以應該會去多啲克羅地亞同波斯尼亞。
塞爾維亞太霸道所以唔中意？

完得有少少突然，以為法國講完羅丹會講埋其他地方例如南部
不過確實要趁後生周圍遊歷，建立自己興趣
巴爾幹半島的話，同意其他巴打所講，克羅地亞同波斯尼亞都值得去，另一個地方都值得去就係黑山，沿海景色一流

塞爾維亞 民族主義到過晒火

南部未去啊，有無咩好介紹
而家主要喺香港，去歐洲好大工程

搞到我有啲興趣添
探究下點解咁極端

唔想畀錢佢哋賺雖然成個國家總有正常人
塞人憑咩想做巴爾幹大佬 首先佢個總統只係普京隻狗咋

南部例如康城、尼斯，我都想去見識下
但起碼下年春天先得閒去旅行

之前跟團去過康城半日，不過都唔算自己去過
我相信法國好多地方都好值得去，不過就未必好出名

歐洲遊記番外篇 1：歐遊隨想

(1) 草地
在歐洲最寫意的事情，是走得累了，隨意在綠油油的草地上躺下來，先看看藍天白雲，再美美的睡一覺。


攝於巴斯


攝於魏瑪

(2) 含苞待放
在歐洲旅行的時候正值春天，所以常見到百花含苞待放，準備盛開。


攝於柏林蒂爾加滕公園


攝於巴黎


攝於劍橋

(3) Cloudy
歐洲的天空，大都很清澈，可以見到白雲悠悠的浮在天空，可以分清哪裡是雲，哪裡是天。

相對地香港的天空總會有點霧霾，像是塗了一層灰蒙蒙的顏料，把雲朵和天空都搞混了。

在歐洲，我第一次明白到為何陰天叫 cloudy-- 因為天陰陰不是因為霧霾，而是因為雲朵遮住太陽了。


攝於倫敦


攝於巴黎聖母院

(4) 博物館
這次到歐洲，除了教堂外，參觀得最多的大概是博物館。

博物館選擇展品其實很考功夫。當主題屬於古代時，可供的展品太少，想說的又太多，唯有將任何有關的瓶瓶罐罐，甚至馬桶棺材都展覽出來，再加以圖畫背景描述。

相反如果主題是現代社會，又變成了可供展覽的物品，便要花心思鋪排。


旅程中到處都見到的古希臘瓶瓶罐罐

(5) 民族性
常常說，每個國家的人民都有自己的性格，例如德國人比較認真，英國人比較冷酷，意大利人比較熱情等。

到了歐洲，去過多國，見過不同的人，我對民族性還是在兩可之間。

無疑，人的性格，會隨著歷史文化，社會風俗，甚至天氣氣候而變化。例如意大利長期陽光普照，人們比較熱情也是必然之理。

但民族性是否不能逆轉？又不是。例如東西德當年長期隔絕，人們的性格便會有所不同。

而一個英國人長年生活在意大利，也會不經不覺融入當地風俗。

所以我很討厭所謂“小農基因”論。因為如果人們相信這個論調，覺得民族性無法逆轉，便會變得犬儒，而無動力改變小氣貪心短視的性格。

舊年去捷克 咁啱遇著櫻花盛開意料之外

而一個英國人長年生活在意大利，也會不經不覺融入當地風俗

覺得會被當地人「同化」

好開心見到樓主呢類人

好多人好容易入咗「主流」同「深度遊」一定係二元對立呢個睇法，我諗有啲人好易忘記咗其實「主流」都有佢嘅特別原因先會成為主流，例如有幾多人去法國只係為咗「凡爾賽」三隻字而去參觀凡爾賽宮，又有幾多人係on purpose地想去觀摩體驗一下路易十四皇朝之下，成功幫佢將法蘭西變返做中央集權國家嘅嗰種極致奢華？

樓主有冇計劃/去過威尼斯？係一個我非常之有感覺嘅地方

好靚啊
之前去華盛頓都好像睇櫻花

多謝你啊，我都好中意睇你寫歐洲建築 （幾時更新 ）
我之前剩係跟團去過威尼斯，所以無咩認識；不過對於佢既歷史都好有興趣，而且同香港既命運都好似有啲相似。
巴打去到感覺係點？

最鍾意大英博物館既阿述館 個批展品既來源地 成座宮殿10年前比ISIS 炸左了 樓主自己激氣

冇力自己撐起一個po了，得閒過來騎劫吓算了

係呀你講得冇錯，威尼斯同香港嘅歷史軌跡同感覺係幾似。

威尼斯都係由被生藩哥德人打到走夾唔唞嘅羅馬難民建立起嚟，行精英管治又有當年好先進嘅防貪污系統 - 安寧共和國個選舉制度好複雜同隨機到癲，有份入選舉委員會嘅人係得知中簽嘅一刻就唔比離開選舉埸地（今天嘅教廷選舉仲係用緊呢個政策），而總督當選之後係在位期間亦係唔俾離開總督宮，換言之，你要賄賂下一任總督，基本上你要賄賂晒成個二千人嘅大議會。總督做好多嘢亦都要有議會監察，玩到後期已經變咗十人議會當政多過總督當政。其實佢靠嘅就係唔同勢力家族嘅精英互相制衡，呢個玩法亦都成功延續咗成十一個世紀，亦做地中海東西之間嘅貿易樞紐，當然佢自己有強大嘅海軍，霸咗半個地中海同三份一個北意大利，所以大家一定要服佢，直到拿破崙喺打到嚟，喺1797年宣布亡國（同香港一樣都係九七年玩完！）。

威尼斯亦都叫做冇入過中世紀咁濟 - 感覺上好似由Late Antiquity直接飛咗入文藝復興咁，中世紀成個歐洲互片嘅時候佢都尚算安穩。名義上威尼斯係臣服東羅馬，宗教上亦都係羅馬天主教 - 但係其實佢兩邊枝笛都唔係好聽，教會對社會嘅箝制亦都唔係好影響到威尼斯（威尼斯主教係威尼斯自己選出來的，教廷冇份揀，只可以「否決」）。

呢個重商嘅環境下衍生咗一個幾自由嘅地方出嚟，後來古典世界嘅資料經威尼斯慢慢傳返入歐洲，埋下文藝復興嘅種子。

我第一次去係二二年盛夏，佢比我嘅第一印象就係好輕盈，係曾經香港都有嘅一種carefree，而暫時我未搵到第三個地方係有的。

嗰隻帶有海風嘅濕熱好香港，佢哋嘅小輪都係啲五十年代mid-century產品，同天星小輪一樣，坐喺架船上邊吹住海風oh下oh下，水手嘅隨意（有時啲人追船，佢見你後生嘅話，會就咁開返道閘叫你跳上嚟，完全冇health and safety的），地中海氣候嘅溫和，佢本身嘅歷史，我諗係好多好多個堆砌出呢一種輕盈嘅元素之一，又或者係威尼斯係歷史上面曾經重要嘅席位已經冇咗，而佢獲得嘅就係無官一身輕嗰種自由自在……



第二次去就係啱啱呢個十一月，連續幾日都係大晴天大日落，重見到血月


我好鍾意嘅其中一個High Renaissance建築，Biblioteca Marciana，就係聖馬高廣塲上邊嘅藏書閣 - 點解特別要影個角落頭呢？係因為呢一棟建築解決咗一個motif喺角落頭點樣擺先至可以圓滿個order嘅呢難題


今次去亦都撞正威尼斯衛生節 - 紀念瘟疫完結嘅節日，喺Santa Maria della Salute 入邊有彌撒 - 大運河上邊都會多咗一條臨時嘅木橋，等去參拜嘅人可以容易去到

今次亦都特登入咗去聖馬高大殿望彌撒（其實主要係去聽歌），如果有巴絲鍾意choral音樂的話一定要入去聽聽，我哋今日所認識嘅polyphony choir基本上就係由呢個地方度走出嚟

我參觀嗰時都覺得好 impressed
原來原址已經無咗

巴打喺度寫會唔會嗮咗（呢度應該少啲人睇 ）
對於威尼斯，我最有印象係當年慫恿十字軍攻打君士坦丁堡
睇完巴打分享都會有啲想去，畢竟威尼斯屬於商業城邦，同現代既民族國家應該好唔同。唔知而家去仲搵到幾多呢
巴打影啲相都好靚啊

歐洲遊記番外篇 2：一場孤獨的旅程

這次歐洲之旅雖然大開眼界，但畢竟大部分旅程都是自己一個度過，難免會有覺得孤獨的時候。

除了覺得孤獨，還會有一種疏離感：一個香港人，走在陌生的大地上，身旁都是陌生的人，說著陌生的語言……

這時候便有種世界只餘下自己一個的感覺。

孤獨的可怕，大概是令人無法滿足社交的需要。

無人跟你接觸，也無人跟你分享。你有話想說，但無人會聽。

但從另一方面看，孤獨也可以說是一個考驗，考驗我們自給自足，考驗我們面對自我，考驗我們在萬籟俱寂時，面對自己心靈的能力。

當外界無法給你任何反應，你便被迫將目光回歸自身，問自己的心，你還好嗎？

因為你知道，當來到最後，你也是自己一個。

世界上沒有一個人能夠完全承擔你的心事，完全明白你。

所有人到底都是陌生人。

在人生中你必須獨自作出選擇，也獨自承擔後果，人生本就是一個孤獨的旅程。

我們平時在家庭朋友網路的陪伴中懵然不覺，但在旅途上，卻驟然將這真相具體呈現出來。

你發覺，孤獨本就是一個常態，只是我們平常不為意，或者以為可以迴避罷了。

當你明白這一點，心底反而會變得安然。

因為當你有人陪伴，有人關心，你會更享受，珍惜與人交流的過程；但當你孤獨一人，你也不會覺得缺少了什麼。

人生本來就是一場孤獨的旅程。


攝於德國一墳場

我都有特登去睇四隻馬仔呀，威尼斯由君士坦丁堡搶返嚟的，之後拿破崙又拎咗返巴黎（而家羅浮宮門口個Arch du Carrousel上邊重有複製品），最後都係返返去威尼斯

係代表古羅馬既法統？
同之前睇過 marcus aurelius 嗰隻有啲似 XD

巴打去嗰個墳場……唔通係我去嗰個?
係柏林市中心的

唔知 wor，我都係沿途經過
當年喺德國咁啱電話卡用唔到，上唔到網，所以孤獨感特別強烈

試過香港嗰張壞嘅 跟著係德國申請儲值卡上台
(嗰度本身有電話卡實名制)
個店員年青又好人服務問卷畀咗滿分佢


覺得上唔到網 最大鑊係睇唔到地圖 用翻譯 同check email
其他社交媒體/通訊使用反而冇咩所謂
又回想咩都用紙本嘅年代 面對問題都係自己臨場執生 唔通下下長途電話問人……