【你揀我寫】一人一個追女心得 合力改變A0命運

A

下次請番咪得囉

C

lm

feel到要好努力先可以得到女神芳心星野愛
btw 揀B!
辣野萬一羊仔唔食得辣又出醜，洋蔥嗰個一定食到跌曬啲料，D 太豐富 好貴

lm

「我想要日式和風熱狗、牛油粟米杯，再加冰菠蘿。」

張月星聽到眼都突埋，然後笑住反問我：「你一個人食到咁多嘢咩？我請啫，唔洗去得咁盡掛！好啦，買俾你，不過要同我Share㗎！放心，我好細食！」

講完之後，張月星就去咗俾錢叫嘢食。

聽到佢話同我分嘢食，我琴晚嘅毒男幻想又重新浮現翻出嚟。

一件熱狗，我同張月星一人由一邊食起，然後，慢慢一啖接一啖，食到去中間……

「喂！」

我覺得塊面一凍，成個人打咗個冷震。

回過神，發現張月星一隻手拎住冰菠蘿，另一隻手拎住其他啲嘢食望住我。

望住啲咁香嘅嘢食，我同佢都忍唔住，決定企埋一邊將啲嘢食就地解決。

「唉，今日咁熱，仲諗住食咗冰菠蘿先添，點知咁硬。」張月星有啲煩惱咁望住佢手上嘅冰菠蘿。

女神有煩惱，即係代表係我發揮嘅時候啦！

【選擇時間】各位巴打絲打，我應該點樣幫女神解凍舊冰菠蘿好呢？

A. 用格甩底夾
B. 用自己對手摩擦
C. 捉住張月星對手，四手拎實
D. 用口氣呵

我時間唔多，等到大家留言最快有四個相同選擇，我就即刻行動啦！

＝ ＝ ＝ ＝ ＝ ＝ ＝ ＝ ＝ ＝
【以最快留言出現相同四票作為選擇】
【本post到達100正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

B

c

B啦
唔好咁chur

B

我投A反正都唔會投得中

b

B

B

A

想睇C

遲咗幾個選擇
b啦，咁快捉手仔唔得，另外兩個無可能

新故lm
Canon in D 諗起我的野蠻女友

b

黑犬巴又有新故，新風格嘗試，一定係死撐+LM

Push push
好中意樓豬嘅出木杉故
睇到哭撚左

【Penana 50 likes 本日額外bonus第六個劇情】

好彩有大家建議，原本我已經連格甩底都打開埋。

好，我而家收埋個格甩底，然後一手就拎走咗張月星手上嘅冰菠蘿。

「你做咩啊？」張月星有啲意外咁望住我。

我為怕自己又開口講錯嘢，所以粒聲唔出，默默咁幫佢摩擦舊冰菠蘿。

「估唔到你。。。。。。都有少少細心喎。」張月星望住我，好難得咁微微一笑。

從佢嘅笑容之中，我唔知自己有冇感覺錯咗，但係我覺得佢呢一個笑容，係欣賞緊我。

我從細個開始就命犯天剎孤星，雖然無人話我蝦我，但其實亦都無咩人會理我。

有時候，我覺得班上面俾人蝦嘅人都好過我，起碼，有人會記得佢係邊個。

而我，從來都只係一個無人記得嘅透明人。

所以，更加唔好話有咩人會欣賞我。

但係直到呢一刻，當張月星用欣賞嘅眼神望住我。

我突然覺得，呢兩日以嚟，每一次聽大家意見去突破自己，做啲自己以前一定唔會做嘅事，所有付出嘅努力，都係值得嘅。

所以，喺呢個時候，我想好認真咁，多謝......自己。

就喺我沉醉緊喺自己嘅世界入面嘅時候，我突然聽到旁邊響起咗一把女聲：「嘩，你睇下，黑Tee個女仔幾靚喎。」

然後又有一把男聲：「唔係佢靚，係佢隔離條仔太毒啫。嘩，你睇佢件衫！哈，我推？我見到真係想推佢落街啊！」

我望過去，發現講緊嘢嘅人係一對路過嘅情侶。

我見到張月星臉上嘅表情亦都有啲變化，我好相信佢亦都聽到哂啱啱呢對情侶嘅說話。

作為男人，我覺得，喺呢個時候做啲嘢。

各位巴絲，又係靠你哋嘅時候喇。

【關鍵選擇時間】各位巴打絲打，呢一刻我應該點做好呢？（行動會對二人關係形成重要影響）

A. 上前反駁嗰對情侶
B. 轉移話題，繼續食嘢
C. 離開
D. 扮聽唔到

今次選擇好重要，我會俾哂所有選擇大家投票，聽日十二點前見到最高票數，我就行動啦！
大家都可以傾咗先投票，因為呢個行動對我嚟講真係好重要。

＝ ＝ ＝ ＝ ＝ ＝ ＝ ＝ ＝ ＝
【以投票選項最多正評者作為選擇，21/9 11:59截票】
【本post到達100正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

A. 上前反駁嗰對情侶