【你揀我寫】一人一個追女心得 合力改變A0命運

C

C

話晒我同佢哋做咗朋友，臨走之前，食多嚿嘢好似比較俾面。

Jolibee見到我望住啲嘢食，笑住問我：「又想食嘢？你食唔食得辣㗎？」

辣？

哈，我雖然係個毒男，但係人生都仲有三樣自豪嘅事。

第一，係打字嘅手速。

第二，係無朋友嘅年資。

第三，就係食辣。

每次我食譚仔，都係食大辣起跳。

既然呢班菲律賓姐姐咁欣賞我，冇理由唔喺佢哋面前表演下。

「Spicy? No question ! 」我拍心口咁講。

Jolibee聽完之後一笑，向佢個朋友打個眼色。

然之後，佢身邊有一個身型好似個波嘅朋友，拎咗一盤嘢出嚟。

我望到之後，不屑咁笑咗一聲：「Indomie?」

Jolibee 點一點頭：「Chilli indomie.」

然後佢拎起一對筷子，伸入去兜麵度搞一搞，一兜本身白黃色嘅麵，竟然極速變咗橙紅色。

睇嚟，呢兜麵唔簡單。

【選擇時間】各位巴打絲打，我應該點好呢？

A. 淺嚐一口
B. 淆底走先
C. 快、呑、轟！
D. 逐啖品嚐

我時間唔多，等到大家留言最快有五個相同選擇，我就即刻行動啦！

＝ ＝ ＝ ＝ ＝ ＝ ＝ ＝ ＝ ＝
【以最快留言出現相同五票作為選擇】
【本post到達200正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

D

D

C

點解啲選擇題全部都咁鳩

D

D

D

D

E 塞落屎忽窿

留名一波

推多次lo

大家知唔知食辣最型係點食？

梗係喺所有人面前逐啖食，一啖一啖俾大家見到咩叫男子漢大丈夫。

於是，我夾起一啖營多撈麵，慢慢放咗入口。

嘩，超，有幾辣啊？

食入口，完全無咩感覺。

於是，我即刻放第二啖麵入口。

咦，咪住。

我感覺到，有啲嘢喺我喉嚨反攻翻上嚟。

係一股熱力。

唔係，係一團火。

大獲。

淨係呢一啖，我已經感受到，佢嘅辣度比起我以往食過嘅麵勁好多。

辣得嚟，仲有一種融入味蕾嘅感覺。

轉眼之間，我覺得我個口，只係得翻一種火燒嘅感覺。

我嘅直覺係，我要飲水。

但係，如果而家飲水，好樣衰。

我決定以毒攻毒，再放多一啖麵入口。

平時嚟講，當你辣到一個頂點，之後嘅嘢會變咗無味道。

但係而家，食多一啖之後，個辣度居然可以再次提醒。

今次，真係Plus ultra。

我已經講唔到嘢，只能夠默默含住一啖氣，將呢碗撈麵慢慢食完。

食完嗰一刻，我感覺到我全身都出緊汗。

Jolibee見我谷住塊面，有啲關心咁問：「Sir, you ok？」

我勉強吐出兩個字：「O......Ｋ。」

為咗講呢兩個字，吸咗一口氣，辣味極速充滿咗我個口。

呢種含住啖火嘅感覺令我決定咩都唔再講，漲住塊面咁默默離開。

我一翻到屋企，即刻飲咗一大枝水。

但係，我成個味覺好似已經消失咗。

呢種辣味令我成個人好似呆咗咁，結果呆下呆下又一日。

【選擇時間】各位巴打絲打，嚟到夜晚，聽日就係翻學日，我臨瞓前搵啲咩做好呢？

A. 執書包
B. Whatsapp 張月星
C. whatsapp Jolibee
D. 飲多兩杯水

我時間唔多，等到大家留言最快有五個相同選擇，我就即刻行動啦！

＝ ＝ ＝ ＝ ＝ ＝ ＝ ＝ ＝ ＝
【以最快留言出現相同五票作為選擇】
【本post到達200正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

A

d

C

A

A

C

A

B

A

B

D