【你揀我寫】一人一個追女心得 合力改變A0命運

一人一個追仔心得 合力改變A0命運

除3搞定

呢個風頭火勢之下，我做咗一個重要嘅決定。

就係：射波走人。

「其實呢，我都要講個真相俾你聽，今日重點呢，係幫王君婷揀嘢嘅。佢成日掛住讀書，身子弱，所以就想做下運動。咁佢想搵你幫手揀下啲運動器材，又唔好意思開口，所以咪叫埋我出嚟囉。所以呢，你唔洗擔心我啲衫啦，你陪佢揀下嘢啦。我呢，就有另一樣嘢做，所以今日要走先啦，多謝你哋陪我！」我一邊講，一邊將成身硬哂嘅王君婷推咗去莫浩倫面前，然後就即刻走人。

王君婷似乎想留住我，但係佢連口都開唔到，所以唯有乖乖地留低。

至於我呢，當然係即刻俾錢走人啦。

【衣物 -$1000，銀包餘款：$25】

正所謂財散人安樂，我都帶住安樂嘅心準備回家。

沿路上無所事事，我拎咗部手機出嚟，咦，係一個好長嘅英文名同一個whatsapp。

我㩒入去先發現，哦，原來係菲律賓蔡思貝。

一諗起佢，我就發現大件事。

係喎，上星期先話一齊出嚟玩，但係我聽日又約咗張月星去街。

我望住電話whatsapp嘅佢問我：「yo tomorrow play tgt？」

【選擇時間】各位巴打絲打，我應該覆咩好呢？

A. 淨係約菲律賓蔡思貝朝早到中午
B. 下星期再約
C. 搵藉口，之後再約
D. 無視，直接放飛機

＝ ＝ ＝ ＝ ＝ ＝ ＝ ＝ ＝ ＝
【投票至少維持至10:00，以截票一刻票數最高作為選擇】
【本post到達300正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

A. 淨係約菲律賓蔡思貝朝早到中午

B. 下星期再約

C. 搵藉口，之後再約

D. 無視，直接放飛機

男子漢一言既出駟馬難追，當然要去，但係唔可以甩底，所以就朝早？

其實副班長似想追男主

「我聽日無啦啦有嘢做，我下星期約翻你吖！」

我Send出呢句說話，個心諗緊嘅係，雖然聽日其實我都有一半時間得閒，但係為咗同張月星出街，都係準備好少少啦。

所以，我決定唔理Jolibee住。

過咗無耐，我就收到Jolibee回覆。

「你真係唔出嚟？（當然佢係寫英文）」Jolibee問。

雖然呢個回應無Emoji，但係我感覺到，佢好似有啲失望？

望住呢個Msg，我個心有少少動搖。

嗯......其實都係一個無啦啦遇到嘅菲律賓姐姐啫，下星期再約有咩所謂？

嗯......但係其實應承咗人，而且難得有人期待約我，我係咪應該都去下呢？話哂上晝仲有時間。

【選擇時間】各位巴打絲打，我應該覆咩好呢？

A. 約Jolibee朝早到中午
B. 淨係約Jolibee朝早
C. 唔再回覆
D. 有誠意地道歉，但係都係約下星期

＝ ＝ ＝ ＝ ＝ ＝ ＝ ＝ ＝ ＝
【投票至少維持至13:00，以截票一刻票數最高作為選擇】
【本post到達300正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

A. 約Jolibee朝早到中午

B. 淨係約Jolibee朝早

C. 唔再回覆

D. 有誠意地道歉，但係都係約下星期

N.P.C 默颺：為免有人覺得我Hea寫又重複同一個選擇，我會講，人生就係咁，有啲嘢決定咗，唔代表個選擇唔會要你再重揀一次，而每次重複做同一個選擇，亦都代表咗一啲嘢

支持毒羊溝賓妹雞

如果朝早同jolibee出去，應該會有啲事發生搞到遲到，然後女神又會嬲爆爆，所以最好都係約下星期la

再約啦 唔理佢 第時同女喺街撞到就煩

「唔好意思啊，我今個星期真係唔得閒。下個星期！我應承你下星期一定會到！」我最後仲加咗一個「合十道歉」嘅表情，希望Jolibee感受到我嘅誠意。

「Ok。」Jolibee簡單覆咗我一句，然後就無再講咩。

過往一直都係我喺人際關係之中感到失望，令到其他人失望好似都係第一次。

雖然我唔知點解佢在意我，但係，我喺心底入面已經暗暗記住，下星期一定要同佢出翻街一次。

＝ ＝ ＝
無所事事嘅一日到咗夜晚，而家係夜晚十一點，聽日就係同張月星約會嘅日子。

臨瞓前，我都想搵啲嘢做。

【選擇時間】各位巴打絲打，我應該做咩好呢？

A. Msg 張月星
B. Msg Jolibee
C. 打機
D. 擠暗瘡

＝ ＝ ＝ ＝ ＝ ＝ ＝ ＝ ＝ ＝
【投票至少維持至16:00，以截票一刻票數最高作為選擇】
【本post到達300正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

A. Msg 張月星

B. Msg Jolibee

C. 打機

D. 擠暗瘡