【你揀我寫】一人一個追女心得 合力改變A0命運

但係要女人請

救命睇咗幾遍已經覺得毒羊真係好渣
利申A0

屌你出到商場再屙啦 洗頭無得喺出面做

好，信大家，我去洗個頭先。

一邊洗，一邊諗起張月星琴晚講起對我嘅形容。

「但係你平時塊面又多暗瘡、個頭又油、個口又有口氣都食咁多熱氣嘢......？」

好啦，睇嚟洗頭都係好嘅，起碼俾佢話少一樣先。

洗完頭，吹埋頭，照下鏡。

嘩，點解都係咁樣衰嘅。

不過，起碼個頭無再反光，證明真係無咁油。

但因為洗完頭，時間無多，我即刻著起平時著得最多嘅衫，然後就衝咗出門口。

趕到旺角，時間啱啱好。

張月星企咗喺朗豪坊門口等我，一見到佢今日一身便服，我即刻覺得眼前一亮。

佢今日著住簡單嘅黑Tee，稍為鬆身嘅牛仔長褲，再加一對少少厚底嘅白色Fila，全個人都散發住一種自然爽朗嘅靚。

女神，果然著咩都好睇。

佢一望到我，忍唔住呆咗咁問我：「你心口前面，大大個呢個女仔係邊個嚟？」

我好自然咁答：「吓，星野愛囉，好出名喎。」

張月星皺眉望咗幾眼，然後無奈咁轉身咁講：「算啦，我唔識。」

睇住張月星呢個樣，我有少少自慚形愧。

毒男同女神，即使走到好埋，但係似乎仲係有天壤之別。

我跟住張月星走，一路行到去有啲遠嘅齊柏林。

路程，似乎有啲遠。

我哋一路唔講嘢，好似有少少尷尬。

【選擇時間】各位巴打絲打，我呢一刻應該講咩好呢？

A. 介紹星野愛
B. 天氣
C. 講中文科
D. 講今朝洗頭過程

我時間唔多，等到大家留言最快有三個相同選擇，我就即刻行動啦！

＝ ＝ ＝ ＝ ＝ ＝ ＝ ＝ ＝ ＝
【以最快留言出現相同三票作為選擇】
【本post到達100正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

C

b

一定係D

C

B

已經開始畀女神討厭

B

A

D

嗯，傾天氣，好似最穩陣。

於是我望一望個天空講：「啊，今日又幾好天喎。藍天白雲，仲有少少微風，空氣濕度仲要啱啱好添。」

張月星擰翻轉頭望一望我：「你其實係咪無嘢搵嘢講？」

「係。」我默默承認，然後低頭，決定都係收聲好啲。

於是，我哋保持沉默，終於行到齊柏林。

「喂，揀嘢食啦，呢餐我請，唔洗同我客氣，當報答你琴日救我一命。」張月星一手遞個餐單俾我。

我望住餐單，發現有四個餐我都有啲興趣，到底應該叫咩好呢？

【選擇時間】各位巴打絲打，我應該叫咩食好呢？
A. 紐約辣味熱狗


B. 芝味熱狗


C. 美國洋蔥圈熱狗＋芝士煙肉薯條


D. 日式和風熱狗＋牛油粟米杯＋冰菠蘿


我時間唔多，等到大家留言最快有三個相同選擇，我就即刻行動啦！

＝ ＝ ＝ ＝ ＝ ＝ ＝ ＝ ＝ ＝
【以最快留言出現相同三票作為選擇】
【本post到達100正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

C

唔係 都係D好啲
女神話我個頭又油又多暗瘡都係唔好食咁肥

D

A

D

D

B

D，好似冇咁重口味

B

D 咁多嘢食 人地請邊好意思