【你揀我寫】一人一個追女心得 合力改變A0命運

C

D

B

C

B

C

D

D
唔夢想 又邊得黎夢想成真呢！

瞓醒嘅一刻，我發現自己眼角有少少淚水。

唔知，係咪因為聽嘅《突然好想你》實在太令人傷感。

又或者，「突然好想你，你會在哪裡？」，呢個你，從來都無出現過。

呢一點，好似先係最Sad。

帶住有少少傷感嘅心情起身，我去咗翻學。

由於心情麻麻，行都行得比較慢，所以翻到去嘅時候，班上有唔少同學都翻咗嚟。

當我行到去自己個位，我見到有張紙放咗喺我枱面。

紙上面有大大隻紅字寫住：「唔合格，重做。」

我將呢張紙反轉一望，我先發現係我星期五放入張月星櫃桶嘅「一人一職」申請表。

我望向張月星，佢咁啱都係望緊我，仲向我擺出咗一個得戚表情。

【選擇時間】各位巴打絲打，張月星係想我點呢，我又應該點做呢？

A. 修改選擇，接受做科長
B. 無視，將紙扔入垃圾桶
C. 收好張紙就算
D. 拎張紙去問張月星

我時間唔多，等到大家留言最快有五個相同選擇，我就即刻行動啦！

＝ ＝ ＝ ＝ ＝ ＝ ＝ ＝ ＝ ＝
【以最快留言出現相同五票作為選擇】
【本post到達200正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

D

A

A

A

A

留名

N.P.C默颺：楓成巴快啲嚟過主角幾招

幾得意

望住呢張表，我記翻起琴晚諗嘅嘢。

相信自己可以改變。

好，中文科科長，做咪做。

於是，我認真咁填好咗張表，然後走去張月星面前，將表交翻俾佢。

張月星見到我填好咗，非常滿意咁點一點頭：「咁先係㗎嘛！咁今年就辛苦你喇，中文科科長！」

見到張月星呢個肯定嘅眼神，我都幾開心。

完成一切，坐翻埋位，課堂就開始喇。

首先係班主任課。

班主任廖志標入咗班房，同大家Say個hi。

廖志標係一個四十幾歲，有大肚腩嘅男人。

佢係一個大家都公認乞人憎嘅人，上堂又hea，自從中五下學期，每星期有兩堂都淨係派past paper叫我哋自習。

大部份學生為咗表達對佢嘅討厭，都直接叫佢英文名Bill Liu。

今日佢入到課室，請咗正副班長，亦都即係張月星，同埋佢拍檔王君婷出嚟做報告。

班長報告，大概就係講下今年班上大家分配到啲咩崗位。

聽到自己個名出現喺宣佈當中，感覺都奇妙。

完成崗位報告之後，張月星就宣佈另一件事：「好喇，今年係我哋畢業年啦，所以都係我哋最後一年喺呢個班房。相信大家都知，每年第一件要做嘅事，就係佈置班房。四塊Board，我會分俾中、英、數、班會，咁有請三位科長，以及班會主席去搵幫手完成。大家有一星期時間，記得俾心機！」

一聽到呢件事，我就呆咗。

咁多年嚟，我都無搞過班房嘅嘢，班上一個朋友，我又點樣搵人幫手呢？

估唔到，一做中文科科長，第一單嘢已經咁難搞。

【選擇時間】各位巴打絲打，我應該點做呢？

A. 即刻搵隔離位同學——莫浩倫（手球隊隊長）做幫手
B. 自己搞掂
C. 搵張月星做幫手
D. 搵副班長王君婷幫手

我時間唔多，等到大家留言最快有五個相同選擇，我就即刻行動啦！

＝ ＝ ＝ ＝ ＝ ＝ ＝ ＝ ＝ ＝
【以最快留言出現相同五票作為選擇】
【本post到達200正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

c

D

B

D

D