【你揀我寫】一人一個追女心得 合力改變A0命運

B
a同c一問就穿

B

B

b啦，然後放學先認真

B

【因受惠於Penana 400 likes獎勵，本晚將出現一個重要選擇】

誠實是美德，我決定如實回覆張月星一句：「其實唔係我做，全部都係王君婷做㗎咋。」

紙仔傳到去張月星，我望到佢打開紙仔之後笑咗一聲，然後好快又拎出另一張紙仔嚟寫。

新嘅紙仔好快傳到去我手上，我打開一睇，上面寫住：「你欣賞多啲自己啦，王君婷已經咩都話哂俾我知，佢話係你負責設計塊Board，佢只係執行。」

我睇完，更加一頭霧水。

於是我望向坐班房另一邊嘅王君婷，估唔到佢呢刻同樣望緊我。

我仲見到佢向我做緊口型。

好，等我望清楚佢講緊咩先。

唔...好...解...釋...放...學...再...同...你...講？

吓？佢叫我唔好解釋？

雖然我唔明王君婷做緊咩，但係我記得曾經應承過佢要咩都聽佢講去做，所以呢刻我都唯有跟佢指示。

於是，我喺張紙仔度覆咗一句：「好，我會加油。」

張月星收到紙仔之後，笑咗一笑，向我舉起一隻手指公，然後又繼續專心上堂。

而我，就帶住疑惑，好唔容易等到放學。

放學鐘聲一響，同學們都各自散去。

走下走下，班房入面最後只係得翻我同王君婷。

王君婷企起身走向我，而我面對佢逐步迫近，居然俾佢嘅氣勢壓倒而唔敢起身。

王君婷走到埋嚟，一手拍喺我張枱度，用嚴厲嘅目光望住我，然後問咗我一句我意想不到嘅說話。

「講，你係咪鍾意張月星？」

【關鍵選擇時間】各位巴打絲打，我應該點答好呢？（是次投票將會將主角未來追求張月星有莫大影響，鼓勵小心選擇，或是經過討論再作出選擇）

A. 坦白大方承認
B. 堅決否定
C. 反問「關你咩事」
D. 答：「我其實鍾意你。」

＝ ＝ ＝ ＝ ＝ ＝ ＝ ＝ ＝ ＝
【投票至明早10:00，以截票一刻票數最高作為選擇】
【本post到達200正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

A. 坦白大方承認

B. 堅決否定

C. 反問「關你咩事」

D. 答：「我其實鍾意你。」

A

A

D

D

其實王講大話係咪都想幫主角追張

D! 識溝一定溝副班長
溝張月星既意圖一開始就俾副班長睇穿左
分明就留意左主角好耐
跟手仲要唔聲唔聲幫羊仔溝女
咁好既女仔邊度搵
性格可能古怪小小 但係應該係好女仔黎

n.p.c 默颺：知道大家日常都好忙，有時間睇呢個故已經好好。純粹單聲，而家penana都有做緊連載，兩邊故事呢，係有一種巧妙嘅相似。有興趣不妨互相比對下，可能有驚喜發現。

penana：https://www.penana.com/story/134797/你揀我寫-一人一個追女心得-合力改變a0命運

要睇哂兩邊先得

隔離鳩啲幾好笑 呢邊太認真

由機械人追到變小鳥依人都幾好

當王君婷咁問我嘅時候，唔知點解我居然會直接答佢：「係啊，我係鍾意佢。」

講咗出嚟，我先覺得做咩自己要將心底嘅秘密話俾人聽。

老實講，我自己從來都未試過同朋友傾心事。

而家，仲要眼前呢個算唔上咩朋友。

而且我仲諗到，如果王君婷即刻將我嘅心事話俾張月星聽，張月星會唔會以為我係咩毒男痴漢然後從此遠離我呢？

當我仲喺度驚緊嘅時候，王君婷突然露出咗一個淡淡嘅笑容：「好，欣賞你，夠爽快。只不過，我都估到你㗎喇。」

我即刻好緊張咁反問：「你想點啊？」

王君婷望向我，雙眼之中好似有好多謀算，隔咗一陣先講：「我想同你合作。」

我有啲意外：「我？合作？」

我實在諗唔到，學業成績頂級嘅王君婷有咩需要同我呢個毒男合作。

「嗯，只要你願意幫我，我仲可以幫你追張月星。」王君婷嘴角一勾。

只不過，呢件事愈聽愈奇怪。

「你想我幫你乜嘢？」一時間，我諗到王君婷要搵到我幫手嘅事，會唔會係運毒、殺人之類，如果邊有可能用到我呢啲邊緣人呢？

王君婷沉默咗一陣，然後先抬翻起頭講：「我要你，幫我同莫浩倫做朋友。」

莫浩倫？ 手球隊隊長？無腦肌肉怪？

【選擇時間】各位巴打絲打，我應該答咩好呢？

A. 好啊，就咁話，我幫你
B. 點解搵我幫我
C. 我都唔識佢，點幫你
D. 哦～～你鍾意佢！！！

＝ ＝ ＝ ＝ ＝ ＝ ＝ ＝ ＝ ＝
【以最快留言出現相同六票作為選擇】
【本post到達200正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

D

B

B

D