【你揀我寫】一人一個追女心得 合力改變A0命運

屌 冇技術唔好亂擠暗瘡啦
暗瘡針又冇 鏟皮機又冇
收縮水又唔知係咩 mask又唔知老母放喺邊 真係偷都驚你偷錯
亂搞塊臉一陣聽日變柒頭

msg 副班長

七點喇

仲未更新

好，既然聽日約咗張月星，咁就搵下佢先。

「Hi。」我send俾佢。

「做咩事」佢覆我。

「聽日約咗你喎haha。」我開始唔知應該講咩好。

「係啊，我記得啊，咁你仲唔早啲瞓？」張月星又覆我。

「聽日個活動夜晚八點先開始嘛，未眼瞓。」我覆。

「你又啱」張月星覆。

好，毒男係唔識得點同女仔傾計嘅。

我已經開始唔知再講咩好。

大家有咩意見？

【互動時間】各位巴打絲打，請建議一個俾張月星嘅回覆。最多讚好數量嘅回應將會被應用，若無最多讚好，則以最早發言者為準。

＝ ＝ ＝ ＝ ＝ ＝ ＝ ＝ ＝ ＝
【投票至少維持至23:30，以截票一刻票數最高作為選擇】
【本post到達300正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

你聽晚諗住去邊食晚餐

不如聽晚一齊食晚飯

子曰：工欲善其事，必先利其器。不如聽晚一齊食個飯準備好再一齊去睇孔子？

磨下碌鳩咪利器啦

「你聽晚諗住去邊食晚餐啊？」我決定大膽問。

「晚餐，未諗喎」張月星覆。

咁不如我哋一齊食吖！

呢句嘢，係我腦海入面計劃要講嘅。

但係，唔知佢會唔會拒絕我呢？

話哂，上次係佢報恩先同我食飯。

如果，今次我主動約佢，可能佢會因為我樣衰核突太毒無胸肌成面暗瘡唔想理我，總之一大堆理由去拒絕我。

【限時投票時間】各位巴絲，我應唔應該開口約張月星食飯？

（請於呢個post內投票）

正評：約
負評：唔約

（12:30截票）

今日好多劇情

約啦

緊係約啦

唔係唔約呀嘛

多得你哋鼓勵，好，約就約。

「咁不如，我哋一齊食飯吖？」

我Send出咗呢句嘢俾張月星。

然後又係等。

等。

等。

有啦！

張月星覆咗。

「可以啊，邊度等？」

成功咗！我又約到張月星啦！！！！

睇到佢嘅回覆，我開心到喺間房度大叫咗出嚟。

好，聽晚嘅活動呢，就係維多利亞公園搞嘅，咁即係我哋會喺銅鑼灣見面啦。

好，又嚟到呢個千古難題。

到底應該約張月星食啲咩好呢？

【選擇時間】各位巴打絲打，我應該約張月星食咩好呢？
（由於目前主角欠缺金錢，所以只有平價餐廳可選）

A. 譚仔
B. M記
C. Sogo food court
D. 去金百利中心再揀

＝ ＝ ＝ ＝ ＝ ＝ ＝ ＝ ＝ ＝
【投票至少維持至10:00，以截票一刻票數最高作為選擇】
【本post到達300正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

A. 譚仔

B. M記

C. Sogo food court

D. 去金百利中心再揀

附圖解釋

銅鑼灣
會唔會撞到jolibee

呢個故仔而家大約去到幾多%？

啱啱開學，九月都未過
雖然通常呢啲故都無硬死線
追到咪完
中間插幾多嘢都得
追到大學都追唔到都得

N.P.C 默颺：問得好好，我本身都想講下。
其實故事呢，我本身有計劃嘅，但係因為寫落，發現同計劃有點出入，主要都要多謝大家好積極去參與。

未來，應該會令故事加速，例如唔會再逐日發展，而係主要以劇情推進，希望唔會令大家太唔習慣，但係又有追故仔嘅樂趣啦