【你揀我寫】一人一個追女心得 合力改變A0命運

A. 誠實---係想買衫

B. 誠實---想扮靚識女仔

C. 謊言---想用上補習班

D. 謊言---想用嚟買Past paper

買past paper 點會咁好死掃地

B

A

b啦，媽咪應該記得個仔18歲一定要出pool

婆婆有無同過老母講

【本篇為200Likes獎勵劇情】

「媽媽，其實，我要錢係因為想要執一執自己個樣去識女仔。」我決定坦白原因。

「傻仔嚟嘅，你喺媽媽心目中永遠都係最靚仔㗎，今日我經過樓下賣菜檔，賣菜嗰個蓮姐先讚你高大靚仔。」我阿媽走上前捽住我塊面咁講。

「媽，你同蓮姐覺得我靚仔有咩用呢？都要我鍾意嘅女仔覺得先有用㗎。」我無奈咁講。

「嗱，阿仔，等我教精你啦，如果個女仔淨係睇你外表，唔要都算啦。拍拖，點都要睇埋內在美㗎嘛。」阿媽搖住頭講。

唉，但事實上我而家就係內外美都無吖嘛。

我見道理講唔過，咁唯有出另一招，動之以情。

話說，我阿媽係大廈街坊福利會嘅主席，仲要係已經連任幾屆嗰種。

佢上任第一件事，就係幫大廈入咗一部卡啦OK機。

表面上就話每次搞晚宴活動可以一齊用，但實際上其實根本就係佢自己鍾意唱歌。

既然我阿媽咁鍾意歌，好，我決家以歌會友，用歌聲感動佢。

【選擇時間】各位巴打絲打，我應該唱首咩歌好呢？

A. 世上只有媽媽好
B. 蒙著嘴說愛你
C. Money (anson lo版，絕對唔係lisa)
D. 真的愛你
E. Mama Easy (by 香港絕種男團FAITH，唔同年代歡迎自己上youtube進修下）

【由於是獎勵情節，這次所有歌曲都會為主角帶來金錢獎勵，但不同歌曲所帶來的獎勵會有差別，大獎為 $1000】

＝ ＝ ＝ ＝ ＝ ＝ ＝ ＝ ＝ ＝
【投票至少維持至11:00，以截票一刻票數最高作為選擇】
【本post到達300正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

A. 世上只有媽媽好

B. 蒙著嘴說愛你

C. Money (anson lo版，絕對唔係lisa)

D. 真的愛你

E. Mama Easy (by 香港絕種男團FAITH，唔同年代歡迎自己上youtube進修下）

呀媽應該鍾意姜逼

B/C 媽媽似係鏡粉

前幾日先睇完mama easy mv

姨姨輩多數鍾意姜逼多過AL

「媽！」

我突然大叫一聲，嚇到我阿媽望一望我。

「So I say I love you 花半秒唇齒功夫；使淡靜歲月變豐富 即使要蒙著我嘴 我亦可高呼；全憑愛令我堅持 還有你悉心照顧～」

唱到最後，我仲補咗一個心型手勢俾我阿媽。

我阿媽，望住我，先係呆咗半秒，然後流下咗一滴眼淚。

「仔，你做咩唱姜B嘅歌啊？」阿媽睇嚟好感動。

我呢個時候當然要把握機會，打蛇隨棍上啦。

我即刻講：「其實姜B都係由一個大肥仔，變到今日全民造星啦。你個仔何嚐唔想由一個大毒男，變做一粒星呢。媽，而家就係我改變嘅時候啦。我平時都覺得『隨便笑下去 喜歡的可以中傷我』，但係我更加想『靜靜看我怎麼突破 假使 你未明白 等我』。」

阿媽聽完呢句咁感人嘅獨白之後，即刻從銀包拎咗 $1000蚊出嚟講：「仔，加油，媽媽相信你都可以入到『Master class』，希望『孩子的歲月輕狂 躲開世道瘋狂 你天空海闊 我任意闖 跟你亂闖 』。」

以前我都唔肯定到底阿媽係咪姜糖，因為佢次次講嘢都會先加一句：「嗱，我就唔係姜糖嚟。」

但今次之後，睇嚟都可以好肯定佢真係一粒姜糖。

於是，我就拎咗呢 $1000 成為我今次變身嘅銀彈。

【銀包餘額 $1025】

如是者，返學嘅日子又過咗兩日。

因為我未做完board，所以呢兩日都無咩特別發生。

轉眼間，時間終於嚟到星期六。

今日我約咗王君婷同莫浩倫十二點，所以十點起身呢一刻仲可以搵啲嘢做。

【選擇時間】各位巴打絲打，我應該做咩好呢？

A. 睇手機
B. 落街食早餐
C. 刷牙洗面洗頭
D. 溫書

＝ ＝ ＝ ＝ ＝ ＝ ＝ ＝ ＝ ＝
【投票至少維持至11:00，以截票一刻票數最高作為選擇】
【本post到達300正評將會提供特別獎勵選擇，大家請多多支持】
【有機會幫手去Penana like下，當係支持下，同埋都會解鎖獎勵！】

A. 睇手機

B. 落街食早餐

C. 刷牙洗面洗頭

D. 溫書

投到幾點而家都1112