抑鬱&焦慮症4年 今日停藥 你問我答

我想問你男朋友叫你去睇醫生, 係睇咩醫生呀？
一開始就睇精神科醫生？

其實佢係想我叫睇心理學家
但係我get錯咗 去咗睇精神科醫生
我係去搵自己睇開嘅普通科醫生
叫佢轉介我去精神科的

普通科醫生係健康院個啲定診所個啲呀？

私家診所
姐話平時傷風感冒睇開果個

可唔可以講埋個流程
去診所睇叫佢寫封轉介信比醫生接手？

本身我搵普通科轉介係因為我唔知搵邊個醫生好

如果你想直接睇心理學家
你直接contact佢就可以了

如果你本身有睇精神科 想加/轉睇心理學家
就同醫生講你想咁做 叫佢寫返封轉介信就可以了
唔特登講轉睇邊個都無問題 你叫佢寫佢就識寫㗎啦
主要都係俾心理學家可以即刻大概知你咩事

當然你睇過普通科講過你情緒問題都可以叫佢寫轉介信
只係你唔需要特登去睇個醫生去轉介
因為你可以直接搵個心理學家的

唔食既話跳左落去連一世都無左添
仲要話人唔食藥就係懶
都幾肯定你平時會係果d指責抑鬱患者既仆街黎

Push下就嗌晒咁

從來冇指責過

我都係咁push自己去做運動

想知大家會唔會因為驚如果睇完精神科拎藥會比人label做白卡/遲D做乜都要申報精神病記錄?

如果普通情緒病應該冇咩地方要申報
我返工果到都冇講
係去睇醫生要講有長期食藥 咁醫生唔會label你㗎嘛

有無諗過抑鬱症其中兩個常見病徵就係無動力做任何事情（包括享樂）同埋為自己病情感到有負罪感。

d要食藥既人本身就push唔到自己做任何野，push唔到失敗左之後仲要內疚再抑鬱多兩層。d嚴重抑鬱既人信左你講就真係仆街啦，真係仆落街果隻。

然後你最後仲要加多句咁無人幫到你踩多腳。

你輕度好得返恭喜你，但唔係個個都只係輕度。呢個係病黎，求醫問藥係正常，自然好返係福份。

想問臨床心理學家同輔導員有咩分別？
想睇但覺得太貴，長期睇好肉赤

抑鬱症 唔係心情唔好喎
抑鬱係直頭個腦出事
你話做運動就好係叫心情差

lm

臨床心理學家可以做埋認知行為治療果啲
一啲真係會醫到情緒病嘅治療方法
輔導員就真係開解你引導你思考咁

一個情緒病病人係可以靠臨床心理學家好返
好少話可以靠輔導員好返

如果你本身有食藥 我覺得睇輔導員都可以的
睇你自己需要

我自己本身都見過輔導員
但係體驗冇心理學家咁好 冇咁專業咁

如果持續咗半年 都有可能㗎
覺得香港大把人抑鬱
只係有冇去到要食藥
同埋肯唔肯睇醫生

因為覺得情緒問題已經開始影響到生活所以去左求醫
醫生開咗Escitalopram比我食
今日第一日食，想問下有冇巴絲食過有咩side effects?
我都唔知咁樣算唔算確診左抑鬱
因為保險唔係full cover psychology,所以我bk左學校的psychologist做conselling不過因為係免費，要排到10月尾先第一次見

我都係差唔多

工作壓力大
成日放工見老細俾佢照肺
男朋友又同我講之後唔同佢生仔唔會同我結婚
返左份工一年半每日飲可樂之下瘦左7kg
晚晚失眠

跟住自己做左啲depression嘅test好高分
Refer左去睇醫生…

屋企人父母都係鬧交多

最後同左父母講
佢地關心我多左，少左鬧交
同男朋友分左手
工作上同左老細講佢都少左對我高要求
識左新男朋友做埋老公鳥
依家plan生仔

絲打你番工遇到d mean既人/令你唔開心既人會點面對