抑鬱&焦慮症4年 今日停藥 你問我答

要一直開心

我係真係好好彩
細公司 全部人都好nice
所以我暫時都唔使面對而啲問題

不過反而有啲舊朋友係會陰啲陰啲串我咁
一開始會好介意
返去同男朋友呻下咁
慢慢當佢係笑話咁睇

我覺得要首先願意俾自己唔開心
姐係人地串你而唔開心 冇需要覺得自己玻璃心定咩
承認自己嘅情緒同感覺
然後去諗下唔開心係因為佢講中你痛處
定係因為你唔想佢討厭你
定係有咩原因呢？
咁佢又點解要串你？因為佢自卑？想扮型？唔鍾意你？
諗明白咗之後我就會放開好多
就會冇咁介意人地講咩
咁講好似好虛 但係我自己係明白咗根本原因就唔知點解會放得低

如果可以嘅咪減少同串你嘅同事接觸
再唔係咪串返佢

巴打好叻

謝謝你絲打 遇到好同事好難得
真係要同自己唔夾既人盡量保持距離

減左藥啲症狀又出番黎點搞 有無試過

我暫時未有
不過觀察多陣都係覺得唔掂咪食返囉
而啲病我預咗要相處一世

心理學家真係有用？？

我覺得有用
前提係 我本身鍾意講嘢 同埋好鍾意講自己嘢
再加上我好彩一搵心理學家就夾
同埋我睇心理學家果時已經唔係好嚴重

我有朋友同我睇一樣嘅心理學家
但係佢本身係唔太鍾意講嘢 鍾意收埋唔講嘅人嚟
變相佢去睇就有啲辛苦
同埋佢情況唔算穩定
次次去都係傾佢果個星期發生令佢有好大情緒嘅事
而冇咩時間去講佢心底究竟有咩諗法/執著/所謂嘅心結

個人覺得心理學家有用嘅位係解心結解執著
病情唔夠穩定就需要更加多時間去處理

我都好鍾意講嘢啊
我怕講到佢驚
其實我嘅心結係乜我好清楚 只不過我唔知點解決
或者我要學習共存？

如果係咁心理學家都應該啱你
有時候你以為自己嘅心結係而樣
但係去到傾傾下你可能會發現係一個更深層嘅問題
心理學家最有用唔係教你點做
而係引導你向唔同方向諗
到你諗得通果時 好多嘢就會迎刃而解

如果你負擔得到 只係驚唔抵
都鼓勵你試下先

好嘅 多謝你等我再做下research先

我確診左焦慮症，想唔靠藥，應該點樣減輕或者改善？
我唔食藥d 野又開始發曬出黎，又覺得好多野都carry唔到，擔心呢樣擔心果樣人。聽醫生講我有埋社交焦慮

唔想食藥嘅原因係咩？
同埋可以睇返我上面講可以睇心理學家

雖然自己改變心態同建立一啲小習慣係可以改善情緒病
但係前提係你要情況穩定
你先會有精神同力量去搵/試同情緒病相處嘅方法
如果你係長期處於「病發」狀態
你好難再有精神/動力去push自己去搵方法

我個人係食藥穩定咗
再試好多唔同方法令自己個病一路改善
睇埋心理學家
先停藥
咁而家就冇咩事

同埋都睇你個病嘅嚴重程度
好似高血壓咁
少少超標 咁自己留意下飲食就可以
但係超太多咪要食藥
情緒病都係病 要食藥好正常
所以先問你唔想食嘅原因係咩