個人比較鍾意太平洋戰爭，場戰爭好撚辛苦，嗰陣日軍已經山窮水盡，但係都打得好吃力，睇返資料講嗰陣嘅日軍係唔會遵守國際公約，專射殺醫療兵，同埋好少投降，本來美國係二戰嗰陣後勤全世界第一，但係幾首軍艦俾日軍打沉左，成個月都要食一啲有蟲嘅米之後有補給都係陸軍優先
海軍陸戰隊好似仲係咩都冇，跟住要搶陸軍嘅補給感覺上海軍陸戰隊喺美軍來講地位好低後期上左一個島，氣溫成40幾度，仲要係冇水源尤金嘅故事線都好好睇，真係人生必睇劇集之一。雷霆傘兵細個老竇曾經買過一套DVD，細個睇嗰陣覺得好悶，第二次睇係10年前，淨係覺得戰爭場面好撚刺激，到已經變咗阿叔嘅年紀睇返，就留意到好多細節，例如去洗衣店幫犧牲咗嘅戰友拎衣服，同埋最深刻嘅第六集，講醫療兵尤金嗰集
睇完呢兩套劇集，對二戰嘅興趣加深左，上網睇咗好多唔同嘅戰役，當年做平民同埋做士兵真係好撚慘，最深刻係斯大林格勒戰役，希特拉想落史大林面，就決定先攻打依個城市，史大林要求依個城市嘅人唔准撤離，要死守，士兵喺戰場上退後一步都唔得，最後納粹死咗150萬人，蘇聯死咗二百萬人，係現今社會真係好難想像
吉普車先係$400美金