畢竟這一切實在太離奇，儘管我厲聲疾呼，只見Felix仍是一臉木然，看來全不相信我的話。
「Karson，我唔明你講緊啲咩，」他的語氣帶著一點不屑。「如果你以為咁樣就可以說服我，咁我諗你搞錯左啲野……」
「我唔係吹水去說服你！」我立即高聲道。「我講既一切都係事實！」
「之前你請假，我代替你去見W商人……佢畀左支裝左機關既筆我睇，佢話係樂仔留低既。」
「支筆重喺W商人度。佢覺得好奇，決定追尋支筆既來歷……結果查到，樂仔竟然係一間日本公司既商業間諜！」
「Happy Friday當晚，其實樂仔並唔係消失左，佢只不過係易左容……佢係有心搞我地，想我地成team人死晒！」
Felix又再斜開目光，似乎考慮著到底應不應該相信我的話。
半晌，他抬頭望向我，說：「Karson，我要再一次多謝你，因為你唔單止趕過黎睇我，而且……重講左咁多野畀我聽。」
「不過容許我講一句，」他續道。「我唔知你講既野係真定假，亦都無興趣知。」
「我今日要做既野，同你所講既故事一啲關係都無……我決定左要自殺，係因為我覺得人生已經無咩意義，依個世界亦都無野值得我留戀。」
「Karson，或者你會覺得我一個好硬淨、好肯承擔既人……但其實我只不過係隱藏左自己既情緒，因為我唔鍾意向其他人示弱。」
「或者我天生既性格就係咁。由好細個開始，我就已經習慣左唔會搵人幫手，有咩問題都盡量自己解決。」他續道。「但唔知幾時開始，我發覺……其實我過得一啲都唔開心。」
「我已然唔記得自己有幾耐無開懷大笑過……我日做夜做，無錯係有少少成績，但咁又點？好似完成左一個目標之後，就只係開始追另一個目標……我覺得好攰……我唔想再咁樣落去。」
「或者你覺得我諗太多……但我覺得，其實我無講錯，依個世界既本質就係咁，只不過我地平日唔去諗佢……簡單啲講就係掩耳盜鈴，我地只係用娛樂去麻醉自己，用唔同既節目去填滿自己既時間。」
「曾經有人同我講過：做人既野唔好咁清醒，如果唔係只會搵自己笨。」他說。「可惜我做唔到，因為我天生就係一個咁清醒既人。」
「我由細到大都努力鍛鍊自己，希望可以叻啲，可以承擔更多責任，」他說著望向別處，同時左手撐在欄杆上，充滿自嘲地微笑著。「結果我發現，原來缺乏思考、不負責任既人，其實先係生活得最開心。」
「或者我真係一個太認真既人，」他笑說。「或者，我根本唔適合依個世界。」語畢，他收起微笑，左手在欄上使勁，快要將身子推出半空。
「Felix！你聽埋我講先！」我立時高聲喝止他。
「每個人都有迷惘既時候……我都有，所以我好理解你依家既感受！」
「但問題總會有解決既辦法……你諗下，當初你同我入行嗰陣，成個月無開單都試過啦！」
「嗰陣我地畀班大佬屌到仆街，慘到想死咁滯，結果咪一樣畀我地捱過左！」
一場公司飯局，我們的命運從此改寫
Elevens
1001 回覆
228 Like
8 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
我嘗試以往事打動Felix，但他避開我的目光，並且露出苦笑，似乎對我的話無動於衷。
「嗰陣重細，唔識野啫。」他無奈地笑著。「試問到左依家，重可以唔識咩？」
「Karson，你本身有家底，唔會明白我既難處，」他續道。「我以往拍拖，一直都無咩問題……但當諗到要結婚，就發覺盤數根本計唔店。」
「我因為屋企有事，所以侷住出黎租樓……只要你畀左份租，每個月根本就蓄唔到咩錢。」
「我想買樓，我以前個女朋友都想我買樓，」他說。「結果我地分左手，佢跟左第二個。」
「Felix，你唔好咁悲觀啦！」我陳以利害。「你會升架嘛！以你既工作能力，他朝坐正Sales Manager依個位，咁就咩問題都解決晒啦！」
他停止苦笑，但臉上仍有一種淒然的感覺。
「Karson，雖然你有時好似好頹，但我知道其實你既內心係充滿正能量，」他說。「我同你剛剛相反。或者我表面畀人一種好穩重、好積極既感覺，但其實內心既我係好悲觀。」
「性格係無得改變……我只係覺得，努力左咁耐，我想放自己一次長假，」他續道。「一個好長、好長既假期，永遠唔會再有沈重既感覺。」
「我知道以我既性格，今世做唔到……如果有下一世，我希望可以做一個簡單啲既人。」
他說到這裡，我知道他又準備將身子推往半空，於是我搶先道：「咁唔通連Michelle既死，你都可以唔理咩？」
「Michelle係畀佢男朋友殺死，」他說。「依點警方已經查得好清楚，兇手亦都已經認左罪，我認為無咩值得商確。」
「Felix，你記唔記得當日喺老細房，我話一定要盡快搵到樂仔，如果唔係情況就會繼續落去，」我說。「之後你問我咩情況，係咪重會有人死……你重笑我係咪睇得《死神來了》太多。」
「結果依家點？繼郭Sir同埋Michelle死左之後，尋日TT撞車，依家連你都想跳樓自殺，」我續道。「依一連串事件，唔通真係巧合咁簡單咩？」
「講左咁多次，你信又好唔信又好，總之我可以肯定Michelle既死係同樂仔有關，而且只有仍然在生既我同你，可以幫佢查出真相，將兇手繩之以法。」
「Felix，咁多年黎，我同你合作過無數次，每一次我地都係同共進退，」我說。「我希望今次亦都唔例外，我地可以聯手搵返樂仔出黎，到時真相一定會水落石出！」
Felix怔怔地看著我，沒有回應我的話，似乎陷入了深切的深思。
「我頭先講過，W商人有一支屬於樂仔既筆，」我稍稍吸一口氣，繼續說：「如果你依家返過黎，我地可以一齊去搵W商人……雖然佢叫過我唔好講出去，但我知道佢一定會理解，而且佢會畀支筆你睇，咁到時你就會知道我所講既一切，都係事實。」
我一邊說，一邊留意著Felix的動靜，但他沒有任何動作，連表情和眼神變化都沒有。
我不清楚他是否接受我的提議，但我已經盡了一切努力，將能說的話都說了出來。
雖然將同事當朋友係好傻豬既事，但我與Felix一起共事多年，到今日收到佢企跳既訊息，立即飛奔趕來，此刻我深深感受到，其實在我的內心，早已將Felix視為我的好朋友。
我不希望我的好朋友死去，但如果他決心尋死，我亦無法阻止。或者真係正如佢所講，佢覺得人生好痛苦，想放一個永久既長假。如果真係咁既話，我唯有誠心祝福佢，希望佢喺另一個世界得到解脫，獲得安息。
「好啦Karson，我願意跟你去見W商人，」Felix說。「如果大家既死真係同樂仔有關，咁我一定會同你合力搵樂仔出黎，問清楚佢究竟發生咩事。如果有需要既話，我地一齊將佢交畀警方。」
我大喜過望，只見Felix左手用力，想要轉過身來，但他之前將身子推得太出，此刻沒有為意，一轉之下，右邊身竟然猛地向下一摔，Felix立時失去平衡，左邊身亦隨即跌出半空。
千鈞一髮之際，Felix伸出手想要抓住欄杆，但十分勉強，只有兩三根手指的尖端抓在欄上，眼看就要失手。
我立即用最快的速度衝過去，想要捉住Felix的手腕。當我的手快要到欄杆的時候，我看到Felix的指尖向外一滑，消失在我的視線範圍內。
(第十八章完)
「嗰陣重細，唔識野啫。」他無奈地笑著。「試問到左依家，重可以唔識咩？」
「Karson，你本身有家底，唔會明白我既難處，」他續道。「我以往拍拖，一直都無咩問題……但當諗到要結婚，就發覺盤數根本計唔店。」
「我因為屋企有事，所以侷住出黎租樓……只要你畀左份租，每個月根本就蓄唔到咩錢。」
「我想買樓，我以前個女朋友都想我買樓，」他說。「結果我地分左手，佢跟左第二個。」
「Felix，你唔好咁悲觀啦！」我陳以利害。「你會升架嘛！以你既工作能力，他朝坐正Sales Manager依個位，咁就咩問題都解決晒啦！」
他停止苦笑，但臉上仍有一種淒然的感覺。
「Karson，雖然你有時好似好頹，但我知道其實你既內心係充滿正能量，」他說。「我同你剛剛相反。或者我表面畀人一種好穩重、好積極既感覺，但其實內心既我係好悲觀。」
「性格係無得改變……我只係覺得，努力左咁耐，我想放自己一次長假，」他續道。「一個好長、好長既假期，永遠唔會再有沈重既感覺。」
「我知道以我既性格，今世做唔到……如果有下一世，我希望可以做一個簡單啲既人。」
他說到這裡，我知道他又準備將身子推往半空，於是我搶先道：「咁唔通連Michelle既死，你都可以唔理咩？」
「Michelle係畀佢男朋友殺死，」他說。「依點警方已經查得好清楚，兇手亦都已經認左罪，我認為無咩值得商確。」
「Felix，你記唔記得當日喺老細房，我話一定要盡快搵到樂仔，如果唔係情況就會繼續落去，」我說。「之後你問我咩情況，係咪重會有人死……你重笑我係咪睇得《死神來了》太多。」
「結果依家點？繼郭Sir同埋Michelle死左之後，尋日TT撞車，依家連你都想跳樓自殺，」我續道。「依一連串事件，唔通真係巧合咁簡單咩？」
「講左咁多次，你信又好唔信又好，總之我可以肯定Michelle既死係同樂仔有關，而且只有仍然在生既我同你，可以幫佢查出真相，將兇手繩之以法。」
「Felix，咁多年黎，我同你合作過無數次，每一次我地都係同共進退，」我說。「我希望今次亦都唔例外，我地可以聯手搵返樂仔出黎，到時真相一定會水落石出！」
Felix怔怔地看著我，沒有回應我的話，似乎陷入了深切的深思。
「我頭先講過，W商人有一支屬於樂仔既筆，」我稍稍吸一口氣，繼續說：「如果你依家返過黎，我地可以一齊去搵W商人……雖然佢叫過我唔好講出去，但我知道佢一定會理解，而且佢會畀支筆你睇，咁到時你就會知道我所講既一切，都係事實。」
我一邊說，一邊留意著Felix的動靜，但他沒有任何動作，連表情和眼神變化都沒有。
我不清楚他是否接受我的提議，但我已經盡了一切努力，將能說的話都說了出來。
雖然將同事當朋友係好傻豬既事，但我與Felix一起共事多年，到今日收到佢企跳既訊息，立即飛奔趕來，此刻我深深感受到，其實在我的內心，早已將Felix視為我的好朋友。
我不希望我的好朋友死去，但如果他決心尋死，我亦無法阻止。或者真係正如佢所講，佢覺得人生好痛苦，想放一個永久既長假。如果真係咁既話，我唯有誠心祝福佢，希望佢喺另一個世界得到解脫，獲得安息。
「好啦Karson，我願意跟你去見W商人，」Felix說。「如果大家既死真係同樂仔有關，咁我一定會同你合力搵樂仔出黎，問清楚佢究竟發生咩事。如果有需要既話，我地一齊將佢交畀警方。」
我大喜過望，只見Felix左手用力，想要轉過身來，但他之前將身子推得太出，此刻沒有為意，一轉之下，右邊身竟然猛地向下一摔，Felix立時失去平衡，左邊身亦隨即跌出半空。
千鈞一髮之際，Felix伸出手想要抓住欄杆，但十分勉強，只有兩三根手指的尖端抓在欄上，眼看就要失手。
我立即用最快的速度衝過去，想要捉住Felix的手腕。當我的手快要到欄杆的時候，我看到Felix的指尖向外一滑，消失在我的視線範圍內。
(第十八章完)
好彩打風多左日假，如果唔係都唔知寫到幾時。
有文！ 支持
唔見晒啲人
係咪我有些地方寫得唔好
唔見晒啲人
係咪我有些地方寫得唔好
係到
唔見晒啲人
係咪我有些地方寫得唔好
係到
上水支持下
不過未諗到今章FELIX死對故事發展有咩作用
唔見晒啲人
係咪我有些地方寫得唔好
小小建議
一來快多少少
二來未必要成章寫晒先出
三來如果隔咁耐先出每一章都加返少少上一章尾會好d
上水支持下
多謝
不過未諗到今章FELIX死對故事發展有咩作用
希望大家睇落去會覺得個故事係好睇
唔見晒啲人
係咪我有些地方寫得唔好
小小建議
一來快多少少
二來未必要成章寫晒先出
三來如果隔咁耐先出每一章都加返少少上一章尾會好d
或者下次隔得耐既話，我預先講明會出文，咁大家就可以追一追前文
追到live左
guam
日日上高登
無行騙子
追到live左
多謝支持
