唔想用易潔鑊，仲有咩揀

鑄鐵揀大古鐵器
新一代製造方法
表面滑好多

人地d中式大廚見親都生鐵獲
應該勁d

無了 原來係熟

係，針無兩頭利，想傳熱快少少就要用銅
不過傳熱都唔算好，煲水都唔會用銅鍋

有毒又點會係好嘢！

唔係呀 香港用嗰啲咪係囉
細嘅鑊多數單柄，因為一隻手就拎得起

Yes 等一陣 起碼有油紋先

會
不過歐美嗰啲煎pan係淺啲
多汁或者多份量就唔夠位

你可以下次用嚟整西班牙海鮮飯呀

邊隻岩電磁爐 又唔痴底

鐵鑊揀得啱嘅咪用得落IH,不鏽鋼都用得落IH,但2款都係要識用先唔痴底,琺瑯鑄鐵鍋就應該唔得

請問點先可以唔痴

夠熱
煲嘅表面有好多睇唔到嘅窿
燒熱隻鑊落油會填咗D窿，就自然唔會癡

重覆咁做呢樣嘢，會形成一層油膜，另外加埋leidenfrost effect

仲要等一陣先有油紋即係佢隻鑊原本未夠熱啦咁佢又教人要熱咗鑊先落油

如果係用等油紋嘅方法，冷鑊落油已經可以，根本冇需要預熱隻鑊。

「趁油未太熱開始煮嘢就唔會痴底」更加唔make sense點解油太熱就會黐底？

呢個動作 一星期要repeat 幾多次

你開頭整D多D油嘅嘢，炸下豬油，炸下其他嘢都夠

我有隻熟鐵鑊間唔中用一次都係咁，唔好濕到水就得
就算濕咗水生鏽，用鋼絲刷刷下，再開鑊就得
好粗用，基本上打不死

上網睇下D開鑊同保養片，好多
你日日用就唔洗保養，洗完燒返乾就得

一用鑄鐵, 生鐵, 就怕酸性食物唔能夠通用??

變相我一用茄汁/醋 就要換另一個pan???

個圖三樣都唔係主要原因甚至根本係錯

一擺件食物落去隻鑊就降晒溫啦點會仲有leidenfrost effect將件食物「浮」喺蒸氣上面

如果因為隻鑊表面凹凸咁將隻鑊拋光到鏡面咪會大大改善黐底問題？另外冷鑊冷油，啲油一樣會「填咗啲窿」

食品立即固化同黐唔黐底有乜關係？黐底咪就係食物固化時bond咗落啲metal度囉

唔黐底只係因為啲熱油二百幾三百度時會decomposed 形成一層不沾polymer喺鑊面(同填唔填啲窿係兩件事)，所以無論「燒熱隻鑊再落油朗鑊」或者「冷鑊落油開火等油面起油紋」，目的都係要確保達到夠高溫形成polymer。

二、三百度係幾高嘅溫度，一擺隻蛋落去會即刻燶所以中廚嘅做法係用大量油朗隻燒紅咗嘅鑊，油接觸隻鑊一瞬間形成polymer之餘同時幫隻鑊降溫，倒番啲油出嚟就馬上可以落料炒嘢。西廚做法就倒轉，由冷鑊冷油開始，加熱到出油紋(夠溫度形成不沾polymer)就落扒，因為扒頂得順高熱，如果要煎蛋就要等隻鑊凍番啲先當然西廚亦有先燒熱鑊再落油，無論你點做原理都係一樣。

Yes

根本唔洗特別保養，每次用前先燒熱佢就得。
用完後用普通洗潔精尼龍球洗，唔好用鋼絲球百潔布省佢。

好搞笑
水蒸氣得嗰一百度
你話一落鑊就降到低過一百度？

係 表面光滑或者整到超級凹凸，減少接觸面係有幫助嘅

有啲不銹鋼鑊賣到好撚貴
但諗極唔明貴係邊？

正常三層 俾你五層啦
傳熱咪又一樣

唔會一樣
多層數係慢D傳熱，但儲熱好

你煲水就知
多層數嗰個會慢少少滾，較到個火最細，多層數嗰個會繼續有D泡微滾，少層數嘅就唔會

我只可以話家用嚟講，個分別太細微，不足以去買多D層數嘅，又貴好多

好撚貴係因為牌子效應，有其他平嘅fully clad不鏽鋼，但係made in china
你鍾意揀邊度製造嘅咪邊度囉

水蒸氣會多到成件扒浮起掂唔到隻鑊所以唔黐底？只要夠光滑就唔黐底？講嚟講去話有啲幫助，但係就唔講最critical嘅因素

BTW 我冇話會低過一百度，我係話降温到唔足以維持leidenfrost effect令成件扒懸浮起嚟 如果件扒真係會浮起嚟嘅咁極其量只會係一件蒸牛扒

買本土生鐵鑊啦
我上年響上海街呢間買咗隻30吋生鐵鑊
完全唔痴底又夠鑊氣
都只係百幾蚊

你喜歡啦
有幾樣嘢同時發生緊咁有咩問題？