[少年監獄] 感受沙咀 六

其實d阿 sir 一邊打你一邊同你講打人唔啱
到底有冇說服力？

此時,二年班的我,

心裡正忐忑不安,難受得很

我雖然捂住了耳仔, 但捂唔住良心

三室內的痛苦交響樂, 奏入了我既心, 責問著我的良心




良心問: 點解見到有人被人傷害, 你都唔去阻止?

我回答: 因為這裡是沙咀, 我地都係犯法的人

做錯事的人, 不需要憐憫




我騙著自己

催眠自己, 快啲無視呢一切...


逼真的音效, 讓空氣死寂.


這些場面,雖然早已是見怪不怪

但原來

我原來一直都未習慣這場面,

我一直都未慣....

三室的樂團, 停了

戈sir走出三室, 喘了口氣,

我們都留意到,佢眼角盈眶,憋紅的臉

佢頭先既果番"教導", 一定係七情上面

「我話比你地兩個聽啊! 」
戈sir最後一下動氣, 沖著三室指著道

「連佢都忍唔到 ! 你地出到去只會更加快衰返入黎 ! 唔好忍啊 ! 」

「Sorry sir !」
這刻, 我們一起回應了

戈sir的苦心, 誰不知

若然佢真的是不理我們, 當返工咁返沙咀,返懲教,

又點會咁落力, 打落我地身到

又點會字字珠璣, 說出了我們一個又一個的痛處

那刻, 我們都替戈sir心痛,

覺得激嬲左爸爸既自己, 真的很不對

戈sir點起了一支黑曼,

抬住頭，走出了A1

只剩下, 唔知道自己係到做乜鳩既S

「good afternoon sir !」

君實sir入來了

佢行入了三室

「點嘛? 扮可憐啊 ? 喊喊喊, 終於知道喊了咩? 人都夠姜打, 你預左嫁啦 !」
輪到君實sir既責罵了

「Sorry sir ..」

「我唔同你地兩個講咁多, 今晚我親自招呼你地兩個. 起身啦! 整返好啲衫佢! 整完之後出去 !」

「Yes sir !」

想不到, 今日連君實sir都嬲了

今天的下半場, 仲未完

他們兩個出來之後, 狼狽得很

除了衣衫有些被扯到移位外, 子藍下巴附近,更有一小塊不算明顯的淤青

而且我相信, 傷痕一定不止這些

子藍？

點啊,喊喊喊,快D出喇D文咪唔使俾人打囉

就快到晚飯的時間, 我們都知道, 只要A1內的那個掛著的內線電話一響, 就可以去食飯

但這時戈sir再次入來

不過幸運的是
我們都觀察到, 戈sir的神情回復了正常..
希望他的內心也是這樣吧

「全部兩聲踎低down」

戈sir語氣不再火爆, 似乎啱啱真的出完火了

但我則心諗

仲要踎低?

我隻腳...

「One Two !」
我跟隨打數,開始踎低

但果不其然, 我左腳真的不能再承受這苦痛

劇痛讓我一下跌坐在地上

「Sorry sir ...」
我立即慌了

因為我一直,一直做的事,就是遵從阿sir指令,阿sir講乜,我就做乜

但我宜家真係做唔到....我

而且戈sir又會覺得我渣, 我廢,更何況佢啱啱先找完人數, 屌屌屌, 試多次 !

我再次嘗試踎起身

啊好撚痛

隻腳真係唔得

我......

那刻既無奈和慌張, 讓人好無助

我心裡很渴望阿sir既體諒, 但我心裡更加清楚呢到係沙咀

「做咩啊? 傷到踎唔到啊?」
戈sir果然留意到..

慘了, 要被罵了

「Sorry sir..」
我回應道..並且預備承受責罵

「咁全部坐低啦. 」

「Yes sir Thank you sir !」

咦 ! ?

竟然唔屌我?

我懷著驚喜, 與眾人一起坐下

有些人向我投來感激既眼神, 仿佛在多謝我的腳傷, 引發了戈sir的慈悲,可以讓我們有得坐

因為坐, 是我們現在最舒服的姿勢

戈sir重新點起了支黑曼,將辦公椅背向前,然後上身靠前坐在椅上, 望著我們吞雲吐氣

坐下的我們漸覺..氣氛開始溫和..

「呼....你地覺得呢到巴唔巴?」

「........」

理所當然, 無人回應

但每個人心中的答案一定一樣

何止係巴, 簡直係巴撚到仆街

其實都岩既
連個傻佬既閪都捱唔住
出去好快返入黎

戈sir見我們沉默,似乎估到了我們的答案
「咁既然覺得呢到巴, 點解唔去順應呢到既環境?」

「Sorry sir..」
我地真係唔識答,唯有sorry sir住先

因為呢條問題真係有啲複雜,
我地S大部分既人都有順應到個環境,
但係又點解要連坐式搞埋我地呢?

「其實, 我地阿sir都知道莊逆天佢係閪. 佢呢啲人, 只會一味逃避.....但問題係,佢點閪法都好, 你都唔應該去打佢, 因為佢係唔識順應環境既果批人, 你地既身份,唔可以打佢..你地係比機會佢搞大件事, 你地兩個知唔知道, 其實佢可以報警拉多次你地兩個, 告你地多一條褲? 你地兩個二年班,做事都仲未知道後果, 呢幾個月, 白受嫁?」

「Sorry sir..」

我就心諗

哇 , 原來係呢到打柒個仆街仲可以報警?

3室係咪即係三手房？

「你地要知道, 佢閪係佢既事, 我地阿sir自然會招呼佢,唔使你地出手, 因為佢係果啲中意挑戰牌頭既人, 佢知道懲教既規矩, 想照住個規矩黎玩...但係佢真係天真, 你估上面既阿一阿二唔知我地咁樣教你地咩? 就係佢地話, 可以咁樣黎教, 我地先會咁樣教..」

呵呵...

果然,

巡視都係呃人的

「唉..總之」
戈sir吐出最後一啖雲煙


「打人, 就係唔啱...」

「Sorry sir..」

「仲有啊 ,」
在旁的君實sir接著訓示

「莊逆天呢個閪人, 我地一定會搞鳩佢, 但你地一定唔可以掂佢, 因為你地同佢一樣, 都係受訓生, 你地打佢, 我地就一定要做野, 但我地搞佢就唔使, 所以唔好再比我見到有下次啊! 知唔知道 ?」

「Yes sir !」

「仲有你地兩個啊, 打又打左, 應又應左, 數就一定要找埋佢嫁啦..今晚預備啦.」
君實sir一面無情地對武傑,子藍說

「Yes sir !」

「唉..成班蠢人, 有咩好打姐.你地見唔到佢既時候, 我地一早搞左佢好多鑊啦.真係無用.咁都忍唔到..」
戈sir屌了句

「Sorry sir..」

「同sir報..點解莊逆天佢一早搞上訴既?..」
牌板阿峰,當眾問了條我都想知既問題

「佢想逃避啊嘛」
君實sir不介意答這條問題

「你諗下, 佢衰得咁ON9, 無錯, 話就話有機會比佢搏到上訴得直, 但果陣都差唔多係四五個月之後既事, 所以我有同佢講話, 你比心機係到捱到出冊, 分分鐘可能仲快過上訴.但佢唔聽, 仲一味係到要求要求, 搞到不知幾多阿sir頭痛啊」

哇, 佢真係...麻煩阿sir幫你做野, 簡直係沙咀大忌之一.

佢居然仲可以如此無恥, 繼續行使呢個毫無益處既權利

「加上佢又閪,又唔肯聽, 又唔肯做，我地就自然會令佢難受, 不過你地睇下佢, 佢連值日官都夠膽去報, 你地點夠佢玩啊? 仲好意思打佢, 好彩佢未諗到報警咋.傻仔.」

「Sorry sir..」
武傑和子藍道

「不過, 我地一早知道佢諗咩啦, 一直上訴, 咪會多啲律師同警察搵佢咯, 咁咪多啲機會出去, 上庭, 取證, 過界咯, 咁咪會受少啲咯, 一味剩係識逃避, 簡直係垃圾」


是啊..原來是這樣..

總算, 我知道了佢既生存方法了


這時

嘟嘟嘟嘟嘟-----

打斷了我們的對話

飯堂的"可以開飯啦" 來電已到

那天下午, 就這樣過渡了去夜晚

途中的步操因為君實sir的關係, 我得以跟著隊伍在後面步行, 不用步操

再次回到倉

換上睡衣

君實sir說好的下半場,要開始了

君實sir拎出那塊巨型木飯鏟
「兩個出黎啦, 邊個先?」

「Yes sir..」
武傑雖不情不願, 但都站上了前

我們圍著中間的處刑場

打就要認, 錯就要企定

二年班的我們深知此道理

「除鞋訓地, 抬高個腳, 等陣打數大聲啲」
君實sir一面無情的揮著木板試力,扇起陣陣風聲

「Yes sir..」
武傑擺好位後

接下來迎接的,便是擺位的喜悅了

大棚的我們, 全部靜下來

剩下的，只有動作


武傑的腳板高懸在半空


君實sir的木板亦開始在拉弓


一拉, 一揮

然後係時候訓了

3室係咪即係三手房？

唔係

係A1入面既一個房間

肥閪又玩野

又黎
btw終於live 左

真係好閪 日日都玩野

都係聽日出吧

屌你

食屎啦屌你老母 又屌肥衡

係呀，吹咩，屌埋你都仲得

召喚 吳若希巴打屌7條肥西