[少年監獄] 感受沙咀 六

鳥兒們

文

我地繼續, 準備聆聽第二個故事

第二個故事，我都算比較深刻記得

因為佢既故事好慘，好唔容易

「咁我就係YA既陳偉謙......點解戴sir話我係受得最耐呢? 因為我受左沙咀兩打.一次S, 一次YA」

哇..兩打?

我呢打都未受完都覺得巴撚到仆街了, 仲要兩打 ?

仲要係一次S, 一次YA ! ?

「咁我真係唔好彩既果陣, 因為我一開始就有兩條褲,一條傷人, 一條自稱三合會.」


「分期執行,第一條就泊左我去S..然後我過左生日,受完第一打後, 第二打因為過左生日到22歲, 所以第二打就要受YA...咁你地都知嫁啦, YA既刑期多好多...所以... 」
佢言語間,流露出一絲說不出的不甘

「所以..我覺得自己好慘...果陣時, 我真係好絕望同好down..因為大拿拿兩打都算啦..第二打仲要係YA...所以被判YA,再入返黎呢到果陣.我真係好想死..Sorry sir..」

死字並不能隨便講,所以佢望向了戴sir

Lm

「恩.想講乜就講乜, 繼續.」


「咳咳.可能, 宜家一年班既你地, 已經覺得呢到好巴..呢到既生活好苦..但係你地已經幸福好多...S同J既你地,最多捱半年就可以出冊..但我就要捱一年半...係沙咀既, 一年半」

我根本無法想象, 受一年半沙咀到底有幾巴..但至少兩個月既時間,已經讓我苦不堪言

所以一年半, 點撚捱啊?

先唔話身體頂唔頂得住
但心理一定係最難過的部分

「所以我果陣其實一直都好灰心啦..好想放棄..因為難得受完四隻三既S..之後仲要返到黎受至少十個月既YA...所以我真係有諗過,吊頸自殺.」

佢好冷淡地,說出決死.

但凝重既氣氛,讓大家都知道,他是認真的

「但最後...我都係無做到傻事..因為係沙咀做傻事,之後要揹薄,揹薄就一定唔會好受...咁點解我無做傻事呢？」

gogogo

「因為..有好多阿sir鼓勵我, 支持我....對我好好...所以我唔忍心讓佢地失望.更加唔想屋企人就咁無左我呢個仔...」

「所以我決定重新振作......我記得果陣,戈sir係我S祭天果日, 最後講既果句.佢話」

「其實捱一打, 同捱兩打,係無分別.因為你未搵到你自己將來真正想行既路.我比著你唔使受第二打, 出返去之後你會點樣生存? 咪又係再癡埋返你啲豬朋狗友 ? 你係S捱既期間, 有無真正諗過自己既路? 所以去到YA之後..好好諗下啦...想傾計既..我都唔介意你搵我既.. 」

戈sir居然會講啲咁溫柔既說話?

追左咁耐 第一次追到live

「於是我去到YA之後, 我一直都有諗返戈sir呢番說話, 因為戈sir問得好中..我果陣受S做牌板,都算好舒服咁過, 所以我真係無乜點諗出返去後可以點」

「 可能真係好似戈sir講, 又吊兒郎當, 無乜所謂咁,再行返幫會果條路..但係,蝦蝦霸霸既日子, 可以過得幾多?」

「最後到宜家, 不知不覺YA, 我都受完了...」
佢望了望窗外的藍天，想像自己是一隻飛鳥

「戈sir既問題, 我終於有左答案...我唔知出左去之後做唔做得到, 但我出到去之後, 我一定會去做」
這句話, 透露出決心

我唔知佢既答案係咩
但我衷心祝福,希望佢做到

「嗯..時間唔多拉, 仲有咩想同其他人講?」
戴sir催促了下

「Yes sir. 我得一句說話,想同你地講...」
佢認真地對著我地

「千奇,唔好選放棄.因為沙咀無得選.盡力去做,就算食檸檬又好, 找數又好, 痛又好, 巴又好, 忍一忍, 硬淨啲.時間,總會過 」

「加油.」


最後一句帶著男人氣概既加油, 讓我內心澎湃起來

啪啪啪啪



台下既我地, 為佢既遭遇和堅持,奉上掌聲


那天上完PE後, 身上好似多了些力量般.

真摯的鼓勵,讓人振奮

讓人低落時，會諗起

其實沙咀有很多動人的說話和場景,

但更多的,是那些慘無人道既處罰和待遇



而且, 這並不是每個人都接受到的



眾所周知, 每個人都是獨特的

所以每個人的接受程度都不同,

抗壓能力更加不一

傳說中嘅四隻三

你知道自己的極限嗎?

知道自己最多可以受幾多板嗎?

知道自己最多可以捱多少組四小跳嗎?

無人想知

無人想衰

無人想比藉口比阿sir試出這些極限

但萬一衰左呢?

就只能祈求阿sir唔好試出個極限

因為過左底線, 過左你接受既極限, 你根本唔知自己會做出啲咩

傳說中嘅四隻三

係唔係因為佢要受2打所以拿拿林俾佢走？

培傑同阿偉(洗衣牌板)的右班祭天,是由君實sir主持的, 因為戈sir放假的緣故同君實sir的仁慈, 那次祭天只是草草五板就完事了

到左班啦, 最後那天, 勁sir本身打算好好地擺個靚祭,狠狠地賀一賀呢兩條粉腸

但點知,一件大事出現,

搞到勁sir同其他阿sir立即趕我地入倉鎖閘.
然後急急跑去旁邊的C座支援

「全部同我靜坐開始! 咪撚理出面啲野啊!」

我地透著紗窗望著傳來的聲音和方向.

這份來自阿sir的緊張, 讓人寒毛直豎

突然

「啊啊啊! 打啊! 你地打啊! 嗚嗚嗚嗚嗚...打死我啊!!!」

這句吼叫,由一把稍顯尖銳的嗓音發出

同倉的我們都知道, 這是J仔未變曬聲的慘叫

看來,

有人被試出極限了

訓吧 累了

樓主係一路打一路出定打定架？
點解斷開一節節嘅

訓吧 累了

吓？無拿？
咁下次幾時出