[少年監獄] 感受沙咀 六

又玩野 呵呵

半肥瘦衡
你咪撚以為減左少少肥就唔撚洗出文
你唔撚快d出文 整個大鵬找數

哈哈哈哈

那一天，歡樂既恥笑聲，充斥住成個沙咀

趙氣榮夢遺既柒事，已經柒出左沙咀，甚至連旁邊RC的阿sir都略有所聞

而右班的阿sir們自然唔會放過這個玩樂機會，個個都撚狗咁撚到佢盡

「唉，睇黎都係操得你少啦，仲有咁多精力可以射」戈sir先行發炮,笑道

「Sorry sir….」

「咁咪好咯戈sir, 佢可以夢遺到,證明佢無偷偷地落night啊嘛」虎sir亦加把嘴笑道

「下? 咁點解其他人無夢遺既!? 唔通你地個個都有偷偷地...!?」戈sir立即狠問

「Sorry sir.!」
我們大棚立即回應 ,表示否定

「佢地邊到敢啊哈哈...其實打飛機係你地呢個年齡都係正常既事既...不過呵呵, 如果比我地捉到的話.....嘿嘿嘿嘿嘿嘿......」
虎sir邪惡地說出讓人心寒既說話

「誒嘿, 可能阿趙氣榮發左春夢都唔定呢? 一係過黎試下我啲雞翼啦, 正所謂日頭有擺位,夜晚冇夢遺啊嘛」
羅sir亦都笑住插入潤埋一份.
仲作勢翹高手袖,想過黎比佢幾隻雞翼咁既款

「啊唔好啊唔好啊羅sir ! 羅sir你啲穿心雞翼我真係受唔起嫁! 」
阿大驚，叫道

夢遺姐, 唔使攞命啊嘛!

「欸唔好怕醜啦, 黎黎黎, 過黎擺位,哈哈.」
阿sir們想撚狗般既眼神和招手, 讓他相當難堪和無奈

「sorry sir..」

不過縱使笑到佢面黃, 撚到佢無曬面子又剩

但又有得介意同Say No咩?

「過黎啦, 過黎接受擺位既喜悅 ! !」
虎sir大笑道

「Yes sir..」

就這樣, 阿大被阿sir笑左成日, 直到夜晚

食完晚飯, 搬住水桶和包奶回到A座.
雖然負責打包奶的,不再會包括我, 但今晚的試煉, 有可能會問起我

「好啦, 開始啦, 出左去之後, 你地有咩打算啊 ?」

A座的我們, 一片靜音

我甚至諗都無諗過呢個打算

「下? 無人諗咩? 琴日講左今日要講嫁. 」
戈sir開始面露不滿

「三年班既你地呢 ? 有咩打算啊? 今晚你地四個三年班唔撚講既,就唔使走嫁啦,哼!」

「Sorry sir....」
阿大, 阿偉同華利沙,阿拉達,默默道

「咁你地點都要講啲嘢嫁, 就算無乜明確既嘢, 講下個方向之類啊.」
在旁的君實sir好心給了些靈感

「Sorry sir....」

「我比多你地四個,五分鐘 」
戈sir豎起了一個手掌,五隻手指

「過左都未有野講既, 就唔好走啦, 等打爆啦你地 」

「Sorry sir....」

那麼尷尬既氣氛和時間, 又維持多了五分鐘

戈sir既五隻手指已經放下

「夠鐘啦, 邊個講先啊? 華利沙 ?」

「Yes sir.」
華利沙打起了精神, 直望戈sir

「恩呵. 講吧.」

「Yes sir...同sir報...我真係未諗到, 出返去之後想做啲咩.」
華利沙引笑既廣東話, 卻說出了句可能搏衰既說話

「蛤? 仲未諗到? 真係無乜打算咩?」
果然, 這句話引來戈sir同君實sir既質問

F 5

「Yes sir...同sir報..其實我有諗過..但我真係覺得..我真係未有啲咩想返既工, 中意做既野.」

「不過我出返去之後, 一定會對我屋企人好啲.」華利沙一臉認真的說道

「我屋企人啦., 我爸爸就係阿...巴基斯坦人, 我媽媽就係香港人.....佢地都有返工,朝九晚九...尤其係我爸爸佢..因為佢唔太識講廣東話..所以佢份份工都未必做到咁長..所以....佢地真係好辛苦...」

華利沙既眼眶,已經濕潤,
佢收不住的鼻水, 忍不住的淚水,
同樣扯起了我心中既內疚和慚愧

仿佛屋企人, 永遠都係沙咀仔既痛處一般
一講, 就後悔,
一想起, 就傷心.

「但係我就.我就..我就真係..好衰格.好唔爭氣..細細個唔中意讀書.中學跟左啲壞人, 入埋黑社會..日日夜晚出街..搞事..」

「結果就係,同阿拉達一齊...入左黎..其實阿拉達佢同我好似...」

Live左

「...所以自從戈sir你上次問我地呢個問題之後,我都有係倉到諗.我諗我出返去之後我會離開社團先.唔再同之前啲..有關係」

「嗯...」
戈sir在前面,發出肯定既哼聲

「同埋..雖然我唔知中意做咩, 但我出返去會搵左一份工先..咩都好, 做送外賣, 茶餐廳, 都得.總之做住先..因為我有呃...果種.responsibility..我要去做..」

身旁有人唔識responsibility呢個字點解,但係我識,

所以我係果刻,對華利沙充滿敬佩.

佢講得有啲激動, 發音雖然模糊又抽泣不停.

但我覺得果刻既華利沙喊得好man.

佢喊得好堅強,

佢喊出左一種讓人慚愧既覺悟.

佢講既果個responsibility, 我知係咩意思

解作 責任

亦是我到現在都未做到的"責任"

「嗯..講得好....responsibility..華利沙你講得好好.」
連戈sir都有少少激動, 佢一句簡單既認可, 讓華利沙點了點頭

「你地都係啊..知唔知responsibility點解啊? 呢個字解責任, 係英文黎嫁....哎..睇怕你地都有啲人唔識嫁啦....」
有些人垂下了頭,好似慚愧咁自己唔識英文

「不過你地又唔使頭得得既..我唔係鬧你地唔識字, 因為始終一樣米養百樣人..讀唔到書既, 自然有唔使讀書既出路,讀到書既, 亦都自然有讀到書既出路, 但係呢, 我覺得你地班撚樣呢, 一直都無意識到自己有幾幸福.」
戈sir點起了一支黑曼,緩緩道

「你地啊, 生活係一個幸福既年代, 呢到除左某幾個人, 其他人都有屋企人,係出面養你,煮飯比你, 比地方你住, 但呢嘢呢, 唔撚係必然嫁 .. 」

「唔信既, 你地可以問下羅子建, 子健我唔係話你啊唔好誤會. 」
戈sir望子健一眼,表示沒有惡意

「子健佢屋企人唔要佢,由細周圍流浪,又無地方住, 好啦, 比起你地,佢幸唔幸福? 咁你地又幸唔幸福? 你地同佢既背景, 都唔一樣,你地既條件好好多, 但點解最後都黎左同一個地方, 係呢到捱生捱死, 過得咁撚巴 ? 我識二倉既鷲sir嫁, 佢一定有同你地講過一句, 你地係好人好姐既, 點會入到黎監房.. 」

「所以總會有啲原因, 令你地入到黎呢到..子建佢就真係屬於無奈既果種啦.但唔代表佢唔使捱..」


「咁你地呢? S既你地, 個個都就黎到甚至已經到左出去搵工, 為未來打算既年齡啦 .」

「但屌你地老母, 你地點解仲未撚知道自己既責任? 你地對得住自己既屋企人?」
戈sir說得有些火燥和痛心...
佢那句恨我地唔懂事既責罵,罵入了我們心頭

「Sorry sir..」我們全體都慚愧地垂下頭

君實sir見戈sir動了肝火,於是接上對話
「你地真係要學下華利沙啦...佢知道佢自己既責任..其實無人規定過生你地出黎,就一定要比你地溫飽嫁, 無人逼你地阿爸阿媽辛辛苦苦賺錢,然後養大你嫁, 無人規定過, 你一出世就會得到咁多幸福嫁..」

「你地未有仔女, 仲係後生, 未知道養仔女既呢份責任既沉重.但唔代表你地可以隨便辜負呢份屋企人對你既責任...屋企人對你地有幾好, 我唔知, 但你地可以活到宜家, 一定多得你地屋企人.所以出去之後, 孝順呢啲, 家用呢啲, 陪佢地多啲呢啲, 唔使我講啦? 」

「Yes sir !」

「其實..」
戈sir放下了點著既黑曼

明天放假我再出 多謝大家關心

傻豬，呢度有咁多位巴打呵返你，冇事嘅

「香港唔係啲咁撚難搵工既地方, 你肯做既,大把工可以比你地開, 你肯努力,唔怕辛苦既, 點都可以基本地養活自己, 呢個亦都係你地屋企人最想你做到既事..」

「我唔係要你地講,一定要抱住好大既理想, 要發達之類既說話, 我係要你地知道, 腳踏實地, 按部就班地先養活自己,再孝順屋企人, 先係你地出去之後應該做既事. 」

「Yes sir !」

「但係, 你地有幾多個會真係完全做到拋開過去? 我係呢到返工, 都有幾年了, 口口聲聲話唔返黎既, 到最後都係返黎, 口口聲聲話唔再行古惑,唔再掂毒品既果啲, 又掂返,結果泊去其他環頭. 」

「所以我一直都有同你地講, 雖然呢到係巴, 但好就好再你點衰都好, 呢到頂多都係留你六個月, 你地係出面既時候, 無好好考慮過自己既未來, 人生, 咁入到黎既, 夜晚唔使操既時間, 咪好好諗下呢回事咯, 好過你地係出面無所事事, 一事無成, 乜都無所謂吧? 仲有毒品啊, 呢到有幾多人衰毒品,或者有食過嫁? 舉手黎睇下」

大棚到,隨即有大概一半人舉了手, 戈sir身後的阿峰亦都舉了手

「放低手, 唉......毒品禍害呢啲我唔多講啦, 你地自己身體自己事, 」

「但你地好好諗諗, 毒品到底帶左啲咩後果比你地, 我知, 走一轉貨真係好撚好搵, 啪一次丸仔應該仲正過食一排煙...但你地真係同我諗下, 真係值得? 你地唔趁呢次機會, 戒左佢既, 停左佢既, 出到去你地又掂返, 只會繼續循環落去, 過埋二十五歲, 衰左要泊既就係老鬼監房嫁啦, 唔會再有六個月, 一坐就幾年嫁啦.仲有你地散貨, 衰運毒果批啊 」

戈sir語重心長繼續道
「唔好成日話同諗, 我唔做, 其他人都會做嫁啦,呢啲說話, 如果, 少你一個人做既, 咁個市場咪又會少一個人咯, 呢啲犯法, 害人不淺既野, 咪又會少你一個去做咯..個個都好似你咁諗, 我唔做,其他人都會做, 咁呢個市場, 永遠唔會有機會縮細...我知,快錢同心癮,係好吸引,但你地出返去都繼續忍唔住既, 你只會繼續作踐你地自己, 糟蹋自己....仲有啊..出面既世界, 唔止呢啲誘惑嫁..呢啲都忍唔住既, 你地之後點捱 ? 」

君實sir在旁提醒
「戈sir,時間差唔多了.」

戈sir望了望手錶
「咁夜啦.....咁阿拉達你同華利沙都係差唔多啊嘛? 咁唔使你講啦,後晚到趙氣榮同黃廷偉啊,好好同我諗下應該點講, 全部人返倉準備靜坐 !」

「Yes sir Thank you sir ! !」

回到倉後, 靜坐開始

確認了夜更sir不會短時間上C2之後,

我挨著墻邊,思考著頭先戈sir說的那番說話,同埋華利沙講既那句責任

戈sir

原來我真的很犯賤

聽得唔少身在福中不知福, 呢啲老屎忽說話

但到了真係失去的時候

我才犯賤地明白,

自己的幸福有多好

父母給予的愛, 有多深

我諗起自己讀唔成書之後,
無所事事在家hea的那段時間,

畢業之後, 隨波逐流地報一個可以hea既課程

然後無所事事地在家打機,
日日開住Facebook, youtube羨慕人地既精彩

日日為LOL的白金鑽石牌位,毫無意義地守著中路.

夢回現在,

原來我那段為hea而hea的日子,真係毫無意思

那時候我寧願日日訓在床上打J, 都不願好好利用hea既時間, 認真計劃人生

「你係好人好姐, 點會入到黎呢啲地方 ?」

哈哈....無錯...
可能就係果種不積極,不上進既日子和態度, 才令我墮落到這個地方吧

只是, 我現在才開始反思起自己既日子, 好似太遲.

案底, 走期, 表現, PE…...

一場,一場未知既考驗和壓力..始終揮灑不去

我知道, 出去之後既日子, 點都會有,

縱使沒有信心,

但想象起出返去之後仲要處理好多野, 考慮好多野,
對自己的人生負責, 揹起一個作為兒子的責任之類之類

我就覺得,其實外面既世界,何嘗不是另一種巴?

我皺了皺眉頭

諗起華利沙頭先果番覺悟和眼神

原來華利沙佢真係好犀利呢...

我會唔會有日都可以堅強到好似佢咁,
揹得起那個我早應該承擔既責任呢?

諗下諗下, 我便覺得心理壓力漸大

我大膽地訓在床上,歎了口氣

原來活著, 真的是很累呢

無論是在這裡,還是在那裡

啊對了, 平時係出面既呢個時間, 我覺得想放鬆既時候, 我會做啲咩呢?

我應該會打緊機, 食緊兵, 臨訓前睇埋AV,打返個J之類之類

啊係wor !

我心中一震,

立即坐起身, 整理了一下思緒,

仆街, 話時話,自從入左黎之後, 我都未打過J wor !

自從我入左黎之後,呢個生理需要, 我一直都無乜理會到,

雖然每朝起身個個都會晨勃扯旗,

但因為夜晚返到倉,一早累到成隻狗咁, 仲邊會有打J呢個諗法