[少年監獄] 感受沙咀 六

呢到既阿sir真係好興用啲狗招,引你係啲輕鬆時間衰, 跟住合理化地找你數.同你玩

我份人好難忍笑, 頭下果下「噗哧」係我發出的

「哈哈,」
羅sir面露出"仲唔比我陰到你"既得逞樣

「笑笑笑 笑你家姐咩, 肥衡等陣過黎找數啊,嘻嘻.. 」

「Sorry sir..」
我尷尬地應返句....屌,咁都比你陰到

羅sir走下樓繼續巡更

我地亦回復返懶態

但我當然少不了被其他四人恥笑

哎衡仔..咁都衰你真係..」
對面既武傑開始笑住潤我

「屌咁果下眼神接觸真係好巧合啊嘛...唔覺意就笑左出黎..」

「咁咪姐係你廢咯..哈哈..」

「啊屌你凈係講風涼話...」

「誒唔潤你啦, 同我玩下十五二十解下悶啦..輸左彈額頭一下」

「呃..好啦.」
反正我也悶得發慌

「咁預備了wor」

我同武傑伸出雙手握拳預備

「咁我先了wor, 十, 十 !」

「下?」
我個腦load左一下, 屌咩事? 佢嗌得咁快既! ?

「哈哈哈, 明顯你無落過club啦, 等哥哥我收你學費啦.」
說罷佢想伸手過黎彈我額頭

我連忙縮開
「喂屌..熱下身先啦.頭先唔計.. 」

「哇你咁茅嫁.哈哈,好, 咁今次黎真了wor」

「嗯.」
我靜下來,開始聽佢嗌

「十十!」

我立即作出反應! 對手震左一震!








但我都係輸...因為我齋係震左震, 但手仍然係無反應

「拿, 你今鋪無得賴啦掛」

「哎黎黎黎...」

我閉上眼將頭靠過去.

嘭一聲

「我屌 ! 使唔使咁大力啊! 哇屌..」

呢下額頭既劇痛真係痛到我眼淚都飆左幾滴.

「哈哈..有無咁誇啊你.比機會你復桌啦哎.」

「屌我先!」
我等陣一定要彈到你仆街!

肥衡你俾人昆咗啦
邊有得叫十十架

「十十 !」

啊屌, 佢及時變手,無中招

「五五 !」

屌,


我又係震左震無反應到 !

「哎唔玩啦, 唔玩啦, 準備磨鞋啦哈」
我立即賴貓說道

「喂你又耍奸茅 ！找數啊你個仆街」
說罷武傑打算撲上來

「good evening sir 」
我立即向門口叫去

「Sorry sir...!?」
武傑以為羅sir上左黎,收斂左動作望去門口

但當然係我呃佢嫁啦

「啊屌你啊」

「喂喂喂唔好亂黎啊你..哇屌 !」

無錯, 上左C2既我地, 晚晚都係咁開心

結果在那晚,戈sir既那條問題我都無乜點諗,

其實絕對有時間諗既, 不過我未打算諗,

因為已經身處係一個抹殺左未來既地方了,

仲要去諗自己的未來,

這不是矛盾,反智嘛？

現在最應該擔心的, 是明天巴唔巴吧?

後尾被羅sir笑住玩幾板之後,

我地拎出皮鞋, 一邊磨, 一邊渣正牌吹水

交替既夜晚, 再次懸掛的月亮

在被鎖上的倉內,五人暢談世事

在倉內, 我仍未了解過的, 只有諸家威同阿拉達

吹過水後, 諸家威比我印象都算係個爽快既人,
佢衰既係販賣私煙,平時係出面中意踢波,
所以佢好鬼期待黎緊既新年大衛day可以一落球場,再試一試腳

而阿拉達,與華利沙一樣衰同一條褲入黎

但佢既廣東話講得好水皮, 但聽就無乜野

所以有陣時佢有啲唔識字眼,需要我地幫手補充,亦都有唔少笑料係呢到出現




到了第二日, 那晚雖然訓得舒服, 但心中有股小小既不安,開始萌生

不過呢個不安好快被沖淡了

我地五人比勁sir草草check完毯後, 落左A1倉同大棚匯合.

然後, 同是洗衣既阿偉笑笑口咁舉高手, 想搵野報

「咩事啊阿偉? 笑到咁有野想報啊?」
勁sir好奇問道

「Yes sir..噗..」阿偉拼命忍了忍笑,望左望旁邊面露難堪既阿大,說

「同sir報.趙氣榮同學琴晚夢遺.哈哈哈..」

大棚的我們立即哄堂大笑

阿偉更是指住阿大塊面黎笑,笑到佢面都黑埋

我亦都笑了笑,

竟然係夢遺?

事情開始變得有趣 ,哈哈

「哈哈..阿大你真係?..哈哈哈....」
勁sir都忍唔住,笑到猛咁拍枱道

「Yes sir....」
阿大難得露出委屈既一面, 低聲道

附近既笑聲仍然不斷,哈哈哈哈哈

笑到佢尷尬十分

「笑笑笑笑, 你地無試過咩笑..」
哈哈, 佢開始發脾氣了.

「都叫左你.哈哈哈.靜靜雞搵日落night嫁啦..哈哈哈哈哈.」

(監房地方, 打J叫"落night" )

「妖你仲...講 !」
「啊哈哈哈哈.咳咳哈哈哈哈!」
阿偉真係同阿大好Friend ,笑到毫不比面

「誒好啦好啦, 屌夢遺咋嘛, 無乜野既, 咁咪證明阿大無偷偷地落night 咯.哈哈」
勁sir說

「Sorry sir...」

「哈哈, 唔笑你住啦, 阿峰 ! 睇下有無條底褲比阿大換一換佢, 如果唔係既話, 等陣佢就要袋住成袋精去做PE嫁啦..哈哈哈哈..」
勁sir真係想象力豐富, 又好笑

不得不說, 此情此景, 阿大既夢遺事跡就好似中學既戀愛傳聞一樣, 一傳就傳到成個沙咀啲阿sir都知.

而阿大當然係繼續比啲阿sir當狗咁撚

佢換完褲, 上PE被戴sir潤

「操咁撚多你都仲射得出!? 我屌啊 !? 」
「Sorry sir...」

去食早飯時, 又被廚房sir撚

「哇, 好食好住wor呢到, 睇下你幾舒服, 咁都可以係呢到射得出, 我返咁耐工都係第一次聽.」
「Sorry sir...」

而回到洗衣後,張sir自然唔會放過佢

「哈我屌你啊...真係哈哈.醒目啲趁夜晚全部人訓著去落night 啊嘛,睇下,出事啦哈哈哈哈..屌你真係..」
張sir真係撚佢撚得幾盡下

「Sorry sir...」

「誒唔使Sorry sir啦, 果條被你射過玷污左既底環呢? 丟左佢, 唔要啦.費事全部人既底環都同你果條洗埋一齊.」

「Yes sir...」

當然, 並不只是得阿sir撚鳩佢

就連我地洗衣既其他人, 都去笑左佢幾句

特別係阿偉, 已經費事潤, 見到佢就笑出黎, 撚到阿大成朝都係到發脾氣

但剛才的只是左班的反應, 右班呢?

接更時, 戈sir和君實sir步入了飯堂, 然後勁sir搶住同戈,君實報呢單笑料

「哇, 唔撚係啊!? 趙氣榮你夢遺! ?」
戈sir誇張地放大聲量, 向成個飯堂既沙咀學童同右班阿sir發放呢個消息

哇哈哈哈哈哈

整個飯堂頓時傳出爆笑

我亦係第一次見到沙咀咁開心既情況！

金鋪真係有好戲睇了!

小二 !

一碟上好既花生唔該 !

但花生要下次先食了 訓吧 今晚無了

睇到硬晒你停左

呢個停頓點真係

睇到硬晒你停左

this

睇到硬晒你停左

this

is

屌

嘩！唔撚係阿！
好霸氣

呵呵 又玩野？

但花生要下次先食了 訓吧 今晚無了

想問你地啲衫, 褲, 襪, 底褲係唔係有名? 定係次次洗完就大dout亂著?