[少年監獄] 感受沙咀 六

btw久等了 出文先

肥衡係咪又想找數

係一個社會入面生存, 就點都避免唔到同人接觸

若然說話圓滑,風趣幽默,

又或者待人真誠,以禮相對

那麼相處的時候, 你點都會有一席之地,受到基本的尊重

如果你返工返學,做Project, 趕貨比老細,
咁你同你既團隊,一定會從中學識到咩係必要既團結

那麼放在沙咀呢？

其實亦一樣,呢到亦都需要一種團結,才會讓日子好過

有文啦

作為S Team的其中一員, 我地成個Team其實一早心知有數,
點衰都好, 都絕對要避免衰比自己Team的正副阿sir.

因為萬一影響到佢地返工既心情, 搞到佢地火滾, 其實姐係令到自己巴

因為爸爸媽媽發起火黎,真係唔係講笑, 輕則全部人找數,重則就要大找體能數

所以係戈sir 君實sir帶既日子, 我地大棚每人都會互相提點,補獲.費事惹到兩老對我們失望

Live

另外, 不要以為好人的阿sir,永遠都係好人

每個人,都有兩面

君實sir惡起上黎, 其實都好巴

我試過一次,

升上二年班之後既某日, 那日夜晚偷懶, 我累到唔想磨鞋,然後安慰自己聽日未必check鞋既

但點知第二日,平時無話點check鞋既君實sir居然話要check鞋

事後當然係衰左啦,

被潤左幾句之餘,君實sir還找了三下腳板

用既仲要係果把巨型木飯鏟

真係痛撚到呢..

印象中,那次應該係第一次被君實sir認真地找板

感受到的力度, 比戈sir的板仲要痛..唉

自此之後, 我便更加小心,日日磨鞋

怕痛, 又驚巴

那就要用心記住每個教訓

但幸好的是, 君實sir只會對兩種人惡,

一係一年班, 因為一年班係學習既階段,需要提點同嚴厲去令佢地記住

二係閪人, 因為佢地閪

因此佢對我地二年班,三年班其實都有好多走棧...

相對起動不動就大動肝火，繼而大找的戈sir

簡直係慈母般的存在

那麼戈sir呢?

作為我地S右班既爸爸, 佢簡直係我地一個又愛又恨既阿sir

愛的是他對我們的關心和鼓勵, 佢既訓話和問題, 永遠都像一盞明燈, 照出我地心中既黑暗

但更恨的是,佢中意用體能和找板,令我們自己去懷疑自己,質問自己,有無做錯.

當然過程係苦不堪言. 但受緊靶既我地,一早被催眠到認為自己無資格享受舒服

通常戈sir罰既原因,只有幾樣

破壞牌頭,屌極你都無改到既, 單罰一人

步操差, 體能差, 就會加操你,或者叫人夜晚幫你加操(比如我已係每日夜晚成常規地操了)

某個人衰一件大單野,就必定大找全部人

以上三條懲罰規律,

其實只要每個人都識做,
要避過好撚巴既大找或者處罰,著實不難

但有一樣特別既係,

如果因為某些原因,激到戈sir扎扎跳的話

以上三條規律戈sir可以立即無視,

然後命令就隨怒火般隨便,

想點罰,就點罰

罰既內容亦自然難受到不堪

就我所體會,

如果一個人一年班既時候,
有比心機學曬啲野,記住啲野的話,

之後要徹徹底底激嬲一個阿sir, 其實都有啲難度

不過

莊逆天, 就輕易做到了

連續衰左五日毯席, 步操又像個小兒麻痺, 就連打佢,找佢數, 反應都唔係乾脆既Thank you sir,而係哭哭喊喊既細路仔

戈sir既怒火在那天早上輕易地被引爆了,

同倉既高年班就連補獲都黎唔切補,戈sir便已經預告,



今個星期日大找



個情況,就好似我地S有人,

踩中左一個擺到明既陷阱,

一踩, 全部人連坐式遭殃



現在,

我地S正頂著頭頂熾熱的太陽, 圍著籃球場跑圈

「一 二 !」

「三 四 !」

眾人踩著拍子,分兩段一二和三四

齊心嗌出打數

「一 二 !」

「三 四 !」


「一 二 !」

「三 四 !」

.
.
.
.

「同sir 報 1 !」

「一 二 !」

「三 四 !」


「一 二 !」

「三 四 !」


「一 二 !」

「三 四 !」

.
.
.
.

「同sir 報 2 !」
.
.
.

前排的人叫著一二,

後排的人接著三四.

大概一百米一圈的籃球場

我坐底都要跑三百圈



一路跑, 一路嗌

一路喘氣, 一路望住明知沒有終點的前方



係沙咀入面, 汗水總會因為呢啲濕鳩既原因而揮灑

忍著熱浪, 跟著大隊, 時不時戈sir仲會傳來加快既催促

雖然跑圈, 大找,固然難受

但更加難受既, 係心入面, 我唔知因為啲咩要陪跑

我有錯嗎? 佢閪姐, 關我撚事啊?

一股委屈又不甘的心情,在每人心中萌生

不過,更加讓人激氣既係,

呢股心情, 反而莊逆天無

在我們全部人都被逼陪罰,一起面對大找奔跑時

佢既奔跑竟然係面露可憐, 一啲都無打算裝作堅強面對

Thank you sir

喂, 大佬,宜家係你陀衰大棚wor, 你唔打起精神,堅強帶頭跑都算啦, 仲要係咁既閪樣?

我係心中屌左句


跑過他的時候,我望向他

佢仍然

係果副扮傻的眼神,

一副好似不知道今天大找原因的神情

甚至, 連道歉都無

因此跑過既高年班們,自然不斷對他冷言冷語,微微跑過撞佢一野既又有

細聲屌佢既又有, 話返倉之後搞鳩佢既都有

有人仲時不時對住佢叫「Thank you sir 唔該同學加快 !」
語氣中不帶一絲尊重, 因為閪人只配承受埋怨

「一 二 !」

「三 四 !」


「一 二 !」

「三 四 !」

「同sir 報 13 !」

「一 二 !」

「三 四 !」


「一 二 !」

「三 四 !」

「同sir 報 同sir 報 !」
.
.
.
.
大找繼續, 每個人都想解脫, 每個人都在隊伍內私下屌個廢材

但我, 無加入其中.

唔係話我唔憎佢, 我都想屌埋一份

只不過我覺得,就算我宜家屌,都屌遲左.

跑都跑緊啦,不如諗下辦法幫佢改善下,無咁閪好過

如果唔係,有得呢次大找,實有下一次大找

我同逆天旁邊的子健調位,然後靠近佢說了說話

「喂, 你到底仲有啲咩係唔識嫁? 次次戈sir或者君實sir當更你都搞到佢地火滾, 咁落去我地每個大衛day都要因為你大找wor , 喂你有無聽我講野?」

啊屌啊, 佢居然扮睇我唔到唔望住我

「下? 但係唔關我事嫁喎, 又唔係我罰你地 , 點解係我錯先,係戈sir罰你地嫁...」
佢微微愕然，道

「呃....」
佢又講得錯唔曬既,
的確, 呢到連坐式既懲罰方式先係最巴既牌頭

但係

「但係, 你又唔係唔知阿sir佢地一嬲就會燒成個大棚, 就算唔係你罰我地, 但你都係間接搞到我地要大找喎. 其實你做好啲唔得咩? 你落山到宜家, 有無認真做好過?」

終於等到喇

「但我都無錯...」

「屌, 呢個都唔係對錯既問題, 係你有無改善到啊 ! 你啲毯席步操, 同一個月前既你有無分別? 你有無努力過啊?」

「呃....」

終於,

這次到逆天猶疑了, 看來他終於發覺問題了吧

誰知

「但我係無辜嫁喎, 點解要受曬呢到啲嘢先?」

哇我屌....

我終於有啲明白,武傑同阿壯成日掛係口邊既"著撚左"係咩意思

因為我宜家真係著著地

「咁你無辜又關唔關我地事? 坐冤獄咁難為你, 你咪繼續上訴咯, 你宜家都上緊啦, 但係你猛咁衰呢樣,又唔改呢樣, 獲獲整到大棚大找, 又算對得住我地? 你有無講過對唔住 ! ? 你有無當過你自己係S, 為大棚著想過?」
我語帶些少怒氣道

「但...真係唔關我事既喎...就算我改左, 你地都要繼續受嫁.點解係要針對我..」
佢呢番說話, 講到佢好似唔係S既人, 置身事外一般

我聽完之後,

真係當堂著撚曬

「唉咁屌你老母慢撚慢繼續唔好改啦 ! 」

我憤然拋開佢加速向前面跑

心中怒罵
屌佢老母真係講極都唔撚化

抵佢被阿sir針對,抵佢被其他人針住黎搞

仲好意思,問返我點解,點解, 點解

呢到邊有咁多個點解呀! ?

我夠知啲牌頭係阿sir定出黎嫁啦,

我夠知啲牌頭係無謂同埋巴啦

我夠知呢到既好多野都係蠻不講理嫁啦

但係你唔可以就住個遊戲規則黎玩咩!?

你唔撚玩姐 ! 但唔代表我地唔玩嫁嘛 !

無錯, 係啲阿sir錯啊,佢地係唔啱啊,

但係 !.............

但係 ……….

我係心入面一路屌佢,一路跑

但諗耐左之後,終於發覺,

原來我始終都答不上那條問題







點解,




要屈服係無道理既規則（牌頭）之下?

「一 二 !」

「三 四 !」



因為我無權無勢嗎?


「一 二 !」

「三 四 !」


因為我們S無團結到嗎? 其實團結一心反抗少少的話, 應該都可以申訴到啲不公嫁



「一 二 !」

「三 四 !」



定係因為我地無膽?


「一 二 !」

「三 四 !」


個個都自私自利,為求早走,明哲保身,所以全部人都選擇了屈服


「一 二 !」

「三 四 !」


而對於那些不屈服的人, 我地就處處刁難, 逼得他們都要屈服埋一份,日子才好過


「一 二 !」

「三 四 !」



但這樣一來,這不是變成我們不對了嗎 ?


「一 二 !」

「三 四 !」


這樣，真的對嗎？