[少年監獄] 感受沙咀 六

但,呢到始終係沙咀

係一個聚集左犯事青年既少年監獄

管得嚴既規矩

惡起上黎唔會當你係人既阿sir

所以,我邊敢隨便做野

更何況, 我本身就唔係暴躁既人

於是這些埋怨和怒火

我只能屈在心中

忍一忍,風平浪靜...是吧..







不過

並不是每一個人, 都好似我咁

可以隨便容忍呢啲不公的事情,發生在自己身上

尤其係,係出面行開古惑既其他囚友

「1 2 3 4 5 6 ,2 2 3 4 5 6 ,3 2 3 4 5 6………...」

連綿不斷既打數, 瘋狂滴下既汗水

緊繃的肌肉和受難般既神情

過程好痛苦

明知無得抖都又好想抖既感受,欲哭無淚

至於其他阿sir,
則在有遮陽既空地內避著太陽, J仔們正歡樂地和阿sir打著康樂棋

一旁的李主任甚至叫了一個J仔幫佢按摩肩膀, 望落甚是寫意

在李主任旁邊的,則是一邊督促我們既戈sir和君實sir

我們捱著壓力, 心懷不甘,隨著打數,起起落落

大口大口地呼吸, 不斷將手掌,腳掌,抬高，放下，抬高，放下

為我們在外犯的錯, 付出著代價



呼呼呼呼...



「同sir 報 1 !」



呼呼呼呼...


「同sir 報 2 !」


呼呼呼呼...


呼呼呼呼呼呼呼...


呼
.
.
.

那天早上的大找, 好不容易結束了

我們著住濕曬既PE衫和底褲, 坐在飯堂內等接更

每個人,都攰到七彩

每一次既應機和動作, 都讓身體攰到想抗拒

好累

大找完既我地

真的好累

無論係心,定身

左班的勁sir接更後,知道我地岩岩大找完, 都幫我地屌左莊逆天幾句

「又係你啊莊逆天? 又累到大棚大找啊? 你份人知唔知醜嫁?」

「Sorry sir....」

屌,問黎都曬氣, 佢一定唔知啦

隨後, 我地跟著勁sir回到A1

便接著開始剪頭髮既環節

由於係左班帶,好多細節勁sir都信任我地,唔會好似右班的戈sir般乜都管曬

所以有種比較隨便既風氣,係左班盛行.

因為大家都有共識, 如果係左班想輕鬆的話, 就要識做
乜都自動波, 乜都自動自覺

所以剪完頭髮之後既流程, 我地其實鬆動好多

勁sir放心地交曬比我地自動波

剪完頭髮, 沖完身, 換完衫, 寫完信,

勁sir發話其他完事既人,

自己返A1倉餅住先,乖乖地坐地下等食飯

「Yes sir !」

先剪完頭髮的人, 已經回來A1

先剪完的我們,疲態已經出曬黎

我和其他人盤膝而坐, 捱著墻壁,想瞌一瞌睡

其他大膽的高年班則入了其他人的倉房,肆意走動,當自己阿sir般檢查人地既毯席, 說起笑來

大家

都累了

然後,在等待既途中

又一個人入了A1內

莊逆天

「哇呢個咪食左一個檸檬都未升班既莊逆天! ?你就犀利啦, 日日諗住上訴, 諗住唔使捱就閪冧曬啲嘢, 完全唔撚理我地, 你就玩多啲啦蛤, 慢慢比心機.」

牌板既阿峰, 立即笑住潤左佢一句, 但係人都聽得出佢話中有骨.有火

「係咯, 次次搏衰都有你份」
武傑亦都加把嘴道

「咪就係 ,你到底衰夠未啊?次撚次都因為你搞到我地大找, 我屌你啊 ? 」
終於, 二年班既黃子藍忍唔住, 行左去莊逆天到推左佢一下

「咁..咁都唔關我事嫁..我都唔想嫁..」
莊逆天開始心慌, 一邊後退,退入了倉內

「下? 咁都唔關你事? 你面皮再厚啲啊! 到宜家都未撚做人..又被你搏衰啦, 做得咁辛苦又唔見你做埋我地果份! ? 」
大棚既怨氣,隨住佢果句讓人火大的說話爆發

個仆街頓時被S幾個人圍在房內,各式既粗口, 又推又撞

我則在房外 ,冷眼地看著這一切.

哼, 活該

然後

過份的事要來了

我見到一旁的陳智渲一野飛埋去, 係佢後面兜左佢羅柚一腳

佢頓時叫痛
「喂..踢咩野啊..」

佢略為委屈又帶著不滿既語氣, 更加激起了其他人的怒火

「打你咪打你咯! 使撚你批准啊屌你老母 ! 」
說罷,倉內開始有人對莊逆天動手

雖然話就話打, 其實也只不過係幾拳的事

但就我所見, 武傑同子藍都打左唔少拳落佢既肚上.
而且力度偏猛, 逆天既表情亦顯示那幾拳係幾痛

阿sir制裁唔到你既

就我地黎制裁你

「你再講啊! 你再講啊 !打你就認啦! 冚家剷 ! 咁多爹係到扮可憐, 你繼續扮唔關你事啊 !」

被圍既果個人, 固然可憐

但佢的確係抵死....

佢係抵撚死

雖然我在心中痛罵佢,不過我不打算動手

或者, 冷眼看著佢被囚友這樣對待, 就是我的報復吧

不過..

我心中呢股躍動..

係咩回事呢⋯⋯

我居然會對佢於心不忍?
.
.
.
我真係奇怪...明明我好憎佢，但我居然都會可憐佢

欺凌既畫面, 繼續播放

望著他們拳打腳踢, 逆天既挨打身姿...

我開始走去勸開他們..

一邊用「喂..唔好再打啦! 再打勁sir過黎..」

一邊推開他們

其他一些高年班和一年班亦都幫忙散開人群.

「我警告你啊! 你試下再有下次!? 你睇下我搞唔搞鳩你 !?」
武傑和子藍他們都放下狠話, 對著縮在墻角的莊逆天怒罵

「..........」
佢一言不發,抱著頭

「走啦走啦..唔好再講, 佢唔會明嫁啦..」
我推開著他們, 留下逆天佢一個在倉內....

只是...剛才那幕...我怎麼覺得似曾相識呢...

一場短暫鬧劇過後....值日官殺到

由於勁sir同果個值日官好friend, 所以檯面上既檢閱功夫就此免了

值日官走入來A1, 和勁sir對坐,開心地開始吹水

隨後, 準備開飯,

我們帶著疲累, 操去飯堂

食完晚飯再回到倉

這麼累,又無辜的一天, 終於要落幕了

我大趴在床上

























「喂...全部人聽住」
勁sir面色凝重地在倉內對著我們發話

又咩事啊...我好想快啲返倉訓啊..

但一向中意玩野既勁sir竟然如此認真, 想必一定係發生左啲事

我立即用眼神掃視了環境, 到底係邊到衰?

誰知我一望, A1內並無異況.但人數卻少了一個

莊逆天去左邊呢?

「全部人同我踎低.」
一句簡單, 要將我地當狗睇既命令，讓我們微微吃驚

我們立即死狗,照做

「頭先莊逆天同值日官報左啲嘢.」

我屌

我地立即明白發生咩事, 佢居然去左報串

「話有人打佢...好啦, 人，我就知邊個嫁啦，數亦都找硬嫁啦, 你地比左個咁大譚嘢我搞, 我下次唔會再對你地走棧, 不過呢啲係後話..我宜家只係想知一樣野.」

氣氛凝重到好像一個冰箱, 恐懼包圍著我們, 我們慌到打緊震

「到底係邊個有份打佢既.自己出黎招左佢..」

我望向其餘S眾人.

仆街

我肯定頭先得我一個無打咋wor

加速

肥衡你唔係又依啲位停下話

莊逆天呢d人真係最仆街，又自己閪，又累人累物，又唔知衰，自已蝕底又要揸正黎做，睇故都覺得嬲

唔好停住啦，求你

㩒爛個f5喇

喺到停

真係估唔到坐監都可以咁緊張刺激

啲停頓位可唔可以唔好咁閪啊

停？打埋肥衡

出埋佢啦唔夠喉呀