[少年監獄] 感受沙咀 六

肥衡係入面有冇打過j或者夢遺過
真心問

我都想知

Thank you sir 唔該同學，同sir 報:[有文味呀？]

終於live返 隔幾日先睇一次真係睇得好爽

1.(左班YA)未知
2.(右班YA)未知

3.(左班S)朱sir:近視帶眼鏡, 一副有家室的男人既感覺
4.(左班S)勁sir:帶左遮陽鏡既樣, 有著一股出去行既莫名霸氣同古惑feel，佢係唯一個著左懲教軍裝，而又可以著出古惑味道既阿sir
5.(右班S)戈sir：曾經因為同阿勇既恩怨而逗過衡仔，雖然嚴厲經常開憤怒mode，但被肥衡評價為真係關心學童。
6.(右班S)君實: 出名好人，找板好溫柔，成日覺得自己好靚仔

7.(左班J)大翼sir
8.(右班J)羅sir:都算係一個好爽朗,但又表現得嚴厲既阿sir
9.(右班J)音sir: 衡仔病左個陣好照顧佢(未找過衡仔數）

10.(左班校長)秋sir:沙咀殺手
11.(右班校長)子藍sir: 衡仔俾保安踢爆左個屎忽個陣，俾左跌打酒佢捽

12.(左班Recall)易sir
13.(右班Recall)虎sir: 成日俾衡仔話好似老虎咁惡

14.(左班PE)戴sir表情嚴肅,但睇得出,佢四十幾歲既面孔,蘊藏著二十幾歲的活力和精神,教PE 猛揸住蔡衡啲肚肥膏唔放
15.(右班PE)紅sir,帶著眼鏡,長袖藍色外套和長褲,但最顯眼的,應該都是他的光頭

16.(右班)楚sir:面容有些正正方方,唔帶眼鏡但隻眼好細,普通身形,幫手令呀勇同衡仔和好
17.(右班)子候sir:比較瘦,唔帶眼鏡但氣場有種冷酷的帥氣, 好cool ,好有男人味
18.(右班)子倫sir原諒左我啦...無找我數之餘.仲同我講左好多道理..

17同18係唔係同一人???

19.(右班)豐sir, 聽過培傑講過, 佢係右班少有既好sir之一, 但唔係成日返工

20.(左班)嚴sir:麻煩少少,因為佢既做法真係好鬼婆媽,有種小氣既感覺,更誇張既係, 佢真係有本小賬本隨身帶著, 記錄住我地邊個邊個差佢幾多體能數
21.(左班)輝sir:帶過一日，講過一句說話,沙咀，其實就係一個小型既社會.呢到乜野人都有, 個個都係到做戲, 扮演自己既角色,說話有些弦外之音, 好難參透.

22.保安志強sir
23.保安輝sir
24.洗衣期張sir: 斯文樣
25.探訪偉sir:話衡仔係一個喊包?!
26.廚房既龍sir好中意煮野食同好好人

又搬埋過黎先

live返
今日有無文架
thank you sir

咁都可以俾逆天既歪理撻到

文呀

文

2點

2點

出未

同sir報2點啦喎 想找數？

自從搬了上A座旁邊C座的上層後(J仔的樓上,簡稱C2室),

我發覺我自己係沙咀既生活,慢慢變得輕鬆

姐係話, 我覺得生活開始無咁巴

因為住左係C2到之後, 之前好多會變得巴既位, 都變得唔再咁巴

第一個重大既轉變係搬左上黎之後,早上Check我地毯既阿sir不再係戈sir.

由於我地S開始多人, 分左兩個倉, A1那邊有四個滿倉, 而C2呢到目前得我地五個人

所以戈sir作為爸爸,一定會留係A1坐鎮, 負責檢點A1的早上事務

至於君實sir, 則會上黎我地C2招呼我地五個

所以只要唔係太過分, 君實sir都會比我地五個二年班莫大的走棧,
就算找,都係偶爾故意刁難一下, 藉故笑住同你玩幾板
有陣時,早上check毯甚至係笑住黎Check, 比起在A1的時候, 開心了不少

live

至於第二個覺得輕鬆既原因, 大概係我入了洗衣吧

入左洗衣才一個星期多, 我已經覺得, 自己多左好多腦袋放空既時間, 可以諗野, 再也不像係大棚步操的時候, 精神時刻都在繃緊, 提防責罵.

而且可以每日係洗衣同武傑一路吹水(細細聲),一路燙衫, 就算殺到又好, 幫水位搬下野又好,差唔多全部地方加起來，至少輕鬆過大棚一半

大棚步緊操既時候, 我係到燙衫

大棚頂住太陽曬緊時候, 我同武傑可能仲吹緊水

甚至要去廁所既時候, 我都不用再擔心帶我地既阿sir收左廁所數才比我去

因為洗衣門口就有個廁所, 同張sir揼地舉手報完, 通常佢都會揚手比你去

因為中班既阿sir, 只是上班

日子開始變得清閒, 每天都苦不堪言既一年班日子, 原來已經隨著二年班呢個身份成了過去

日子清閒得讓我發覺, 原來我終於

習慣左呢到既生活

夜晚回到倉之後, 夜更阿sir宣佈靜坐開始

但我地C2既靜坐時間,其實唔一定要係靜坐時間

武傑已經打緊瞌睡, 我就舒服地挨係墻邊發呆,諸家威則同志豪細細聲吹水.

呢啲放肆既行為, 如果我係一年班, 我一定無想象過我夠膽做

不過我地之所以咁大膽,其實係因為我地C2有獨有既地理優勢

原因好簡單,上C2既果條樓梯至少都有二十來級,每個阿sir返工又係著同我地差唔多同款既黑皮皮鞋

所以阿sir上樓梯既聲音其實好應,

特別係寧靜既靜坐時間中, 阿sir上樓既聲響就好似鬧鐘咁, 無理由會聽唔到.

因此, 我地既懶態出曬黎

然後

撻

我地心頭一震,這是進入作戰狀態既信號

阿sir上緊黎

撻
撻
撻
.
.
.

漸漸上來的腳步聲, 提醒我地係時候歸位

我地重新坐正個姿勢係床邊, 預備做樣比夜更sir睇

撻

羅sir探頭,望了望倉內的我們

原來今晚係羅sir夜更

我地五人都無說話, 繼續望住前方繼續做戲, 扮無嘢，扮沈思

但係, 我就硬係覺得氣氛好怪異, 所以我偷偷雕左雕門口

一望, 不得了,我和羅sir眼光立即撞上,對望

但呢個都唔係最攞命,

最攞命既係羅sir佢仲要用一副似笑非笑既表情望住我, 一副好似想逗我笑出黎既樣

「噗哧」

屌... 仆街又中呢招