保險問題 理性討論 佛系你問我答(5)新年快樂

就係買邊隻都有八五折的

等我幫你睇睇先
供斷咗嗰啲就放喺度唔好郁啦，不過都要知道你買咗嘅係終身人壽(死咗係一賠幾嗰隻)定係儲蓄人壽(儲錢嗰一隻)先？

醫療部份嘅話若果你而家冇病冇痛嘅話，當然可以隨時轉換，我都係推薦性價比比較高嗰幾間李澤楷同c仔為主，而家可以加多隻加拿大太陽都唔錯嘅

咁至於危疾部份呢，咁主要都係要追三年保額為主嘅，你就可以考慮168同埋無限保既，價錢會比綠色平兩成，可以幫到你壓縮個保費，個保障內容亦都係市面上目前最好嗰幾間

至於意外保險方面呢，就好簡單嘅啫意大利有得上網買的，撳個掣就買得了，都係冇每一次個cap的

睇你自己想要邊一種嘅啫

有啲人鍾意保障黃金年紀就足夠嘅，亦都因為預算有限，咁就可以選擇定期為主，因為就可以用一個有限嘅價錢買到最大嘅保障去保障黃金年紀。但缺點就會係除咗單次形式嘅可以鎖定10年或者20年一樣保費外，其他都係每幾年/每年就會上升一次，去到臨近退休年紀就會比較難以接受既

若果終身危疾嘅話，基本上就係供斷為主同埋多重保障為主，但價錢亦都係最貴。可以保障至一百歲，多重危疾保障部份就睇計劃去到85/去到100都有的，基本上就係買咗之後就放喺度，若果用得着嘅時候就一筆過賠償，然後當復發又或者未醫得到就繼續再次賠償落去，主要係買呢一個保障。

咁最簡單用價錢做結論嘅話，40歲以上買終身危疾嘅話係好貴的唔係咁多個可以接受到，當真係因為家庭需要的話就可以用定期去做一個取替的。 但若果而家年紀都係比較細個嘅話終身危疾就會係比較容易入門嘅價錢

但你都需要留意終身危疾除咗綠色係有保證不加價條款外，其他公司都係有權隨時加價的，只不過係咁多年都冇加過，而唔係出面坊間個個講到係保證唔加價固定價錢咁樣，只不過係一加就全世界一齊咁解

只想提一提 藍色心電圖B記
60歲後貴得跨張

但上網買，之後claim的話係咪全部自己搞？自己擔心到時有啲位唔明無人可以問

你可以打電話問返佢CS都得，又或者自己處理晒都可以的

其實我已經整咗一個係俾人處理一啲網上購買計劃又或者係啲孤兒單嘅醫療計劃嘅免費協助處理，都係按照需要去搵合適價格嘅醫生，同埋有人幫手處理賠償文件上嘅整理呢d， 呢排都係忙得滯同埋仲要病鬼左所以先唔得閒搞，不過我已經喺自己個fb有講到嘅(不過都係未放條link)

單次定期危疾而家有邊隻係鎖定10/20年期 係好?

蘇仔/李澤楷 都係得同好的

行山銀行無再同昆士蘭合作

我經行山銀行買既昆士蘭家居保到左期後，係唔係自己去另一間保險公司買返家居保就ok?

唔使60歲之後

而家普通歲數都比正常貴好多

加拿大 VHIS SMM 30萬，有冇伏位？
配邊款高端VHIS 好？

呢隻冇乜特別啊，價錢都係屬於比較平嘅

可以配搭李澤楷既VPrime 應該會係性價比最高，因為佢呢隻會有冇索償折扣，同埋指定疾病豁免自付費

如果呢隻唔得嘅話，你先考慮自己買返同公司嘅港卓越，但係其實分開公司買嘅話賠償時候會比較好d的，唔使一間公司食晒咁多賠償，每間分擔少少嘅話咪鬆手啲

而家用vprime loading 高想轉
但c記高端自負額最高得50000
所以諗緊其他

C記應該係75,000喎

如果係你本身已經係有Loading嘅情況，你可以試埋加拿大睇吓個結果點樣先，因為若果你若果你基本計劃都係選擇佢，基本上佢個核保結果都係一樣的，咁即係就算你買咩計劃都好，如果佢要加你loading都係要加的，唔使就唔使的，咁呢個應該就會幫到你做決定的

揾到你tg係咪直接問你就得

安達d醫保如何？

係呀

Fb你可以搵搵 應該一搵就搵到

年金有咩推薦主要扣稅用
想50 歲開始有錢拎 每年供3-4 萬左右

唔好意思白紙想請教吓
最近想買份醫療保險 做過一輪功課
唔少人推介b記 Pink+ c記墊底5萬

墊底嗰份 係咪揀自願醫保就ok, 我見佢好多唔包，又冇分半私家/普通房等等，定係行內默認純粹比人當墊底費
定如果差唔多價錢 貴少少簡pink自己墊底兩皮唔使煩
同埋見佢一年都一千萬，使唔使買埋個戰勝癌

我冇公司醫療，三張幾冇入過廠都冇做過任何手術，家族譜都健康，純粹年紀大真係買份保險驚有咩意外

可能問得太白痴 先謝過

樓主想請教 初生嬰兒（over 15 days)如果買高端醫療（墊底50k) 同危疾，用煲呔係咪都應該正路？有無啲咩要留意下🙏🙏

你好，我最近先緊張呢個保險，咁就搵返得一份由出世買到而家既AXA 真智安心醫療保障 （標準），咁就發現應該唔係好夠 （今年32）

咁爬左文應該就想買Bowtie pink 半私家加Fwd 危疾

1.想問我應唔應該繼續供AXA果份？一份Bowtie 好似都cover到佢Axa?
2.fwd危疾 ，我見有自主揀二合一 /標準計劃，有無邊個推薦D?

3.有個弱智問題，咁發生事故係應該先打去客服叫佢建議去邊間醫院先？定入左公立醫院再打比佢地處理？因為有時驚 好突發客服又搵唔到人

唔該師兄

你呢個情況應該係要keep住份AXA先
用AXA嚟俾墊底費
到你之後claim bowtie pink半私家嘅時候 可以慳好多
大部分人都係咁樣夾住買，性價比最高

最簡單概念先 就係買咗pink就唔使買戰癌

反正你都買得pink, 不如索性直接買埋b記自願靈活好過
咁你pink嘅墊底就可以用份自願俾