保險問題 理性討論 佛系你問我答(5)新年快樂

想問下點解保險公司成日咁多咩獎乜獎同頒獎啲同埋返保險嘅係好忙？

都ok架

但缺點係綁死咗係個za bank個app入面，冇得獨立上網睇，因為人壽最重要都係價錢行先，本身都冇乜特別可以再比較

cigna 個靈活優越（普通房） 其實係咪都應該夠用？
我而家係半私家plan,諗緊換唔換普通房慳返啲保費去買危疾
但又怕做錯決定

有錯請指證

我想買一份20年term life，保障我中年突然瓜左老婆仔女既生活。

另外想買一份危疾俾自己，100萬左右夠，保自己老年。

平時普通住院就用公司份group medical。

小朋友就想自細幫佢買份危疾人壽單，供十幾年保成世果啲當送俾佢。

堅決唔轉whole life 唔買有儲蓄成份既保險，leverage 低。同埋我捱到60歲唔死都唔洗考慮留錢俾小朋友。

想問下上面呢堆單，如果跟評分揀，可能張張單唔同公司，咁咪好多公海agent 跟？定應該將就下個分，將所有單擺晒係一間公司？

揀join咩plan係咪用評分做參考都唔會死得太勁？

其實大人嘅話買半私家房會好啲

大房成日冇位，醫生好難安排到

因為以前父母年紀買落醫療保險嗰啲全部都係買大房plan，跟住冇買醫療保險嗰啲入私家醫院都係會住大房，變咗成班人係集中晒喺大房呢個區域變咗好搶手。

如果想攞房方面輕鬆啲上咗一級就少咗好多人同你爭，可以快啲安排到

唔係話大房plan 冇大房既話
如果安排上半私家房都照有得claim咩

有無得買去台灣或泰國既醫療保險？

呢個係講緊非自願性升級，例如要當日要入院醫院，淨係Offer到高一級嘅房，就可以問保險公司可唔可以住，咁應該就要等保險公司覆咗話可以咁先可以住既

因為好多時入醫院係要之前預訂嘅，醫生可以安排到嘅期咪會有快慢之分，例如大房係3個禮拜之後半私家房咪會係一個禮拜左右，時間上會快好多

而家中高端計劃嘅亞洲plan全部都可以去呢啲地方用到，亞洲包括到上面你講嘅兩個地方

唔洗全包，就單台灣/泰國？
係咪只能到當地買？

呢啲特定地方，應該就只有本土保險先會有，即係當地先有

喺香港就會特別少少，而家新嘅全部都係亞洲或者大中華地區，如果你只係買當地特定地方保險嘅話，當地買應該會係最好亦都會係最平嘅

呢個就有幾個原因嘅

第一個就係豬肉獎啦，令到你有榮譽感就會對呢一行會有loyalty，因為呢一行turnover rate係極高，要靠呢啲嘢去綁住員工個心，覺得威威豬咁樣

第二個就係攞嚟曬命或者曬馬用來做個人宣傳嘅招聘，即係俾人知我係呢行做得好掂，下面有唔知幾多個人，想做呢一行就可以跟我咁樣可以同我一樣咁發達。又或者有啲客見到咁搵得錢，咪會對自己更加有信心，都係當個人marketing去用

至於保險係咪好忙呢，呢個就睇你點樣安排既。多數就係第一季同埋第三季係最忙，第一季係要做年金生意多數人都係最後一刻先買就變咗要勁趕時間，第二季係傳統冇數嘅時間嚟嘅，個個忙完之後要放假跟住啲客又唔得閒，第三季就開始有起色要做生意了，第四季就大局已定一年嘅target基本上到就到，唔到嘅話12月都放假mode諗定去邊度玩就算。

同埋就好視乎你係做邊類型嘅單嘅，如果係醫療危疾呢啲比較多嘢跟係會比較忙既，因為好多上咗年紀都有病歷，來來回回都係要時間去處理。但若果係做國家隊或者係做儲蓄嗰班呢，就比較簡單小小嘅簽咗就係簽咗都冇乜特別跟進

同埋多數睇你會唔會有side business或者其他嘢要做，因為一日得24個鐘你放咗幾個鐘頭做保險就變咗做其他嘢嘅時間會少咗，咁呢個就要自己取捨返。我自己就屋企有d生意仔同埋一直都有keep住進修，而家都上緊Online course嚟緊八月開學，咁樣變咗時間都有啲緊張，嚟緊都要睇吓同時兼顧會唔會好吃力，已經脫離咗學校幾年好驚做唔到以前咁

唔該巴打，又學到嘢

隨着年紀大咗
覺得學習能力差咗好多 學得慢咗

真係有書要趁早讀

冇咩人脈，建唔建議入行
難3、4萬一個月難唔難？

*搵

想幫父母買份醫保，爸爸65，媽媽55 ，但見保費好費，有無話建議買乜好？自願醫保？高端？謝謝

醫療通漲導致保費加價都好狼死下
點做可以緩沖下咁

巴打點睇醫療融資

可以參考我#247

如果有人同你講醫療融資可以幫你供斷份醫保，我就可以肯定100%係呃你嘅，可以即刻調轉頭走

因為醫療保費係會加價嘅，跟住實現率你又要預有個折扣，咁又何來可以做到佢預計嘅供斷效果

頂多係叫做幫輕下你咁樣嘅啫，我都會建議若果你本身都冇其他地方儲錢嘅話可以嘗試放喺呢個位置，叫做有儲好過冇儲，但若果你本身其他地方已經幫你儲緊嘅話就冇乜呢個必要了

呢個大圍大家都係咁

大家都係應付緊呢個加價

有兩個方法可以處理到嘅，第一個就係揀個保費平啲嘅醫保，第二個就係努力搵多啲錢錢咁，就可以令你長遠嘅醫療保費開支都仲係處於你可支配收入嘅一定percent

同埋就開始做咗啲投資類別嘅嘢，進取嘅可以買下股票，保守嘅都做吓定期，咁起碼叫郁吓啲錢吖嘛

我睇咗#247
如果我個醫療暫時每個月$455供，咁儲蓄嗰個$4000，咁做唔做到個效果？定要個醫療再平啲先得？

咁公司醫保保唔保到半私家房

想請教下樓主
最近屋企人俾大貓RM說緊買份人壽保險
話供3年就唔駛再供 6年後可以開始拎到錢
最大吸引力係話 擺係呢份保單既錢就唔計個人資產 可以拎到長者津貼
想問下有冇伏? 同埋有冇咩要特別留意?

我唔知咩野房有咩野分別。
搵左間fwd .個保險佬sell 我買尊衛您。
佢叫我買0自付費。依我36歲既狀況，每年萬2左右
我應該買邊種自付費好。
bb 都推薦0自付費既尊為你


我講下自己狀況先

1.本身無公司保。傷風去睇普通門診都係自己俾錢
2.本身未買任何保險
3.bb 9月1日預產期。想同bb 一齊買

以我既狀況應該點買好