保險問題 理性討論 佛系你問我答(5)新年快樂

最近見到fwd 推左隻倍衛您 好似幾抵屌

本第group medical 都ok 仲有80%SMM cap250k，
諗緊尊衛/倍衛你，好似倍衛你既函蓋範圍多d 。
自己又對半私家無咩要求，想問係咪50k墊底 倍衛都夠造？

我都諗緊邊隻好，呢兩隻加埋bowtie靈活好似都可以諗
見大家保障內容差唔多但bowtie平啲咁
師兄你有冇睇過？

不過個底有group medical點解唔諗私家嘅高端plan

本身對半私家無咩要求，同埋感覺上現金保障多1，2 樣？ 仲要平d。 其實都心大心細緊… 尊衛您就半私家 老左貴2-3k 一年

Bowtie 無睇過 望下先

最近失眠，雖然好輕微，但睇症狀似自律神經失調，有機會要搵精神科醫生拎藥。

1. 本身買左份低保額嘅醫療保險，如果想再加保額係咪應該睇醫生前買？定呢啲病根本唔會影響我投保？
2. 如果會影響，我應該睇醫生前幾耐加保單？
3. 如果會影響，係咪醫療、危疾、意外、人壽都難買左？

精神科係最麻煩
一定要睇之前買保險，因為你所講既幾種保險，睇完精神科而確認真係有精神問題既話
你應該唔駛旨意再買到保險

買完應該最好等咗等候期先至去睇醫生會好啲
不過有啲醫保無等候期，但危疾就有

買高端啦
保埋癌症咪仲好，靈活呢啲保癌症會唔夠用

睇完精神科，成世醫危意壽都買唔到？失眠都咁大鑊

你唔知道睇完醫生,醫生會話你乜病
失眠可以勁多原因
抑鬱症 都有可能

為免到時奶野,最好買齊保險先去睇穩陣好多,唔好嫌麻煩

收到你，唔好介意我問多少少，其他人有意見都可以指點下

27歲，月入40k，35歲前應該會60k。兩老五十幾歲有返工有少量儲蓄少量保險。未來會同女朋友供樓，預自己每月會供25k，有機會生小朋友，女朋友搵唔算多。依家買左份每月供900嘅保險，包醫療、意外、危疾，保額上限係40萬。除咗上面講嘅失眠，我冇其他疾病

1. 建議保費同保額係幾多錢？我嘅目標係就算有事都好，都可以繼續供到層樓同養細路（雖然唔知生唔生）
2. 保費每月1500，保額60萬夠唔夠，定再加會穩陣啲

我明啊，我都落唔到手

尊衛你老咗真係貴唔少...所以個fd先叫我睇埋bow tie
就係見老咗之後嘅加幅冇其他plan咁大，保嘅內容又差唔多，好似都幾扺玩

因為林作單野 我先醒起我冇醫療保險
我06年果陣斷十字韌帶 + 半月板撕裂
過左17年了 年紀開始大 如果萬一我又有咩創傷就要手停口停 我需要一種可以令我睇到私家醫院 又唔介意我傷過嘅保險 有嗎

請問axa個醫保同危疾係唔係好難claim ？見冇乜人講 但係幾個月前上咗東張 同緊cigna 比較 計埋啲discount axa兩年等於cigna一年保費 但係補嘅嘢差唔多

出名最難就係藍色
有幾個醫生巴打都有分享不斷彈來彈去嘅經歷，同埋佢內部early claim 個定義係比一般公司長好多

你買佢係預咗claim唔到，你就唔會有心理落差
佢係所有嘢都好正，如果就咁睇個內容同埋保費，但係你再上網睇吓有大陸人寫埋網站鬧佢同埋新聞多到乜咁，我就真係寧願買其他更好選擇

我當c記你覺得貴，咪一樣可以考慮吓加拿大太陽 李澤楷又或者係藍色十字架都係唔錯，價錢會平d保障內容都係差唔多好

要做多d功課多d Google 就可以避開好多陷阱

你而家仲需唔需要複診先？
最重要都係睇係完全康復同埋上一次複診日期，若果都係過咗好長時間，亦都證明係完全康復就問題不大嘅。

同埋意外保險最重要都係睇職業，如果係寫字樓工，再加埋唔需要擔擔抬抬，核保唔難過嘅。
但係就需要視乎核保嘅時候問及嘅問題會問你過去幾年有冇傷患記錄就需要申報，若果係真係咁多年呢就問題不大嘅。
同埋買到嘅話，只要唔係因為舊患原因/當揼骨去睇，係因為意外受傷唔同部位去睇，唔係佢不保事項嗰堆運動就一樣可以用到的

梗係有半私家房買半私家房嗰隻尊衛你

呢一隻係比小朋友用架，佢個賣點係包到八歲前顯然嘅先天性疾病，市場上得佢呢一隻自願醫保做到(另外一隻係佢嘅普通醫保全百萬)，咁兩隻房保費都係爭好少，就一定係買高級嘅房種會比較好

同埋有咩事上嚟攞房都容易好多，因為太多以前年代買落保險嗰啲全部開始老同埋病，咁佢哋全部都係用大房計劃為主，仲要未計冇買醫療保險嗰啲又係會係用大房，變咗長期爆好難攞到房，醫生好難安排到快期

A B plan咁樣配搭係可取嘅

即係先用咗份煲呔賠咗錢，剩低唔得嘅部份再隊落去李澤楷嗰度賠錢，咁樣就比較適合冇公司醫保/公司醫保極差嘅，變咗可以令到個墊底費接近唔需要比，缺點就係會比單獨買一份高端貴咗，但係點都係會比你買一份高端0墊平七折以上有多

至於另外一個做法就係一份高端走天涯，可以參考我第一頁Q&A，就係諗幾年先會有一次要做手術嘅機會，咁我留返舊錢係自己手或者係博自己唔會幾年來連續都要做手術。我當平均我慳返嘅錢係四年嘅保費，咁我只要每四年以上係冇做到手術我就贏，仲要呢個年期係會隨着我年紀上升不斷縮短，都係計會發生個風險嘅啫

藍色係咪傳說中計5年？
我屋企人買咗Cigxx 同 Zx 一年幾就入院都全部賠曬

你係咪私底下有搵過我
我就費事講到咁白，費事佢告我
傳說中就係五年嘅，呢單嘢我都係最近係最高級嘅同事口中/識人做藍色claim既求證過，一般其他公司就係兩年左右嘅，可以比對下個長度

因為有同事都想買佢，跟住最高級嗰位同事提點完之後就冇人想買了，係要有唔怕煩同預咗賠唔足嘅心態就得

C記不嬲爽手 所以我成日都係推薦嘅頭幾位
特別係公務員嗰班有折梗係要用咗佢
我自己都係用佢

至於下面嗰間你係講緊虛擬銀行嗰隻？
若果係嘅話，其實佢本身就係預咗有筆錢係做宣傳嚟賠錢，正常申報病歷 金額唔係太大，佢都會爽手當做宣傳，呢啲都係新興公司嘅優勢，因為啱啱收完funding有錢又要做宣傳，就會疏爽

每年都覆診 工作都唔需要勞動
只係唔排除日後運動會唔會再傷同一個位 你知啦 傷邊度唔係我決定

我見xig個意外好似幾抵 問咗物理治療嗰啲冇限額同細項 有醫生轉介就得 總之全年就最多賠你買咗嘅額 但好似冇乜人買呢間 唔知伏唔伏

唔該我想問下保險大學生program嘅logic係咩？
見有啲人唔係幾講得嘢都收🤔
係想食完佢哋人脈之後即棄？🤔
公司俾錢上線manager？🤔

公司冇醫療保險
想自己買份 睇左幾個post
見大多都係建議中高醫療 15000/20000墊底費
好過買 兩份（一份普通門診+ 一個中高醫療）
係咪咁樣理解？

如果我以家廿頭 買左普通門診
到三十幾左右轉中高醫療
係咪會好啲？