保險問題理性討論佛系你問我答(5)新年快樂

數到三

1001 回覆

33 Like 12 Dislike

平靜無痛 2023-10-01 15:52:13

Kx11 2023-10-01 19:57:25

香港買嘅醫保、危疾同人壽，去到英國保唔保？
Thanks!

平靜無痛 2023-10-02 00:12:29

危疾同人壽就regardless of location嘅
醫保我諗應該要睇地區

平靜無痛 2023-10-02 00:15:12

到底點解d保險agent broker下下都要打電話先肯講plan，真係個個都得閒聽電話咩

想揾個肯black and white寫清楚嘅人都咁難

講曬自身背景都報唔到價，都唔知班agent broker點做嘢

我想和你厚厚的 2023-10-02 01:02:21

黑框毒絲 2023-10-02 01:21:45

你好第一次係呢度問野

小弟宜家做左幾年野開始有返啲錢
想幫父母買自願醫保佢哋本身係冇任何保險既
而且小病都係會去政府所以主要係為左應付大病
暫時睇左f記既倍衛你同尊衛你
想知兩個有咩分別
或者會唔會有其他建議？

謝謝

黑框毒絲 2023-10-02 01:23:03

補返父母已年過60

平靜無痛 2023-10-02 10:30:27

Product夠好，又有興趣嘅自然有得開單，市場經濟咁驚競爭就唔好做自僱人士，去考ACO未得

平靜無痛 2023-10-02 17:10:19

倍係大方，尊係半私家

歌浠森先生 2023-10-04 05:25:13

明白睇黎想出返份都要望清楚先

數到三 2023-10-04 05:32:50

呢個係營銷策略來

講一半唔講一半，另外一半電話講就係令到你都有所投入，就唔係一邊單方面輸出，營銷上面就會比較容易成功同埋做到交流

同埋基本上就係睇情況為主，基本上除非你係clean case又或者係簡單情況，如果唔係基本上都係三言兩語講唔清，例如最近有個case係講緊爸爸有三高問題嘅，咁都要知道度數病發日期現在情況邊間醫院做跟進，因為若果正常人list左呢堆嘢出嚟呢，以我經驗九成係冇人會答嘅，除非係ready buyer

基本上係吸引營銷五個Stage入面，二同埋三呢個階段嘅，所以若果問題唔涉及私隱嘅話隨時歡迎喺個post度問，見到就會答

數到三 2023-10-04 05:43:08

所以你會見到而家市面上嘅資訊係越來越多，亦都係越嚟越公開透明，用醫保做例子嘅話基本上所有價錢條款等等全部都可以網上面搵到

就算係危疾嘅話，你都可以上保險比較平台睇到個大概價錢，全部資訊都係公開透明化，過多幾年應該就會有機會做到你上面講嘅內容

不過如果你係講緊Facebook IG例如咩留言PM send俾你，都係純粹攞嚟做引流為主，都叫做係提供一半內容，另外一半就係留返比真係有心想知嘅人自然就會問到

保險嘅世界其實好簡單，絕對冇大家講到咁複雜，因為真正複雜嗰part大部份人都係冇機會去面對

數到三 2023-10-04 05:45:34

你講緊兩舊幾水嗰個？

我自己有折扣價錢嘅情況下入手咗，如果配弱雞嘅公司醫療用嘅話我覺得都唔錯，因為例如我本身公司爆嗰個網絡醫生係冇抗生素嘅

，但係用呢個計劃整出嚟210蚊嘅係可以有抗生素，咁公司負擔咗兩舊水，都淨係俾$10雞咁就有一個高質啲嘅藥可以食

定係其實你係講緊另外一個門診？

數到三 2023-10-04 05:47:05

冇衝突的

睇你想用邊一份為主，基本上有公司咪用公司先，之後先用自己野

又或者睇吓個金額公司嗰個夠唔夠食，一開始就唔夠食嘅話若果個人嗰份一份搞得掂，咁咪直接用自己嗰份先

呢個都係睇餸食飯類別

數到三 2023-10-04 05:48:20

受薪協助處理賠償嘅

例如你本身都冇乜特別醫生嘅，咪幫你做醫療轉介同埋提醒你有啲咩要拎咁樣囉，跟住見你漏咗咪提醒你叫你交返之類，叫做多個人協助

數到三 2023-10-04 06:08:09

真係唔好意思，我終於得閒可以覆返你了

首先，第一條問題誠實申報，基本上入職檢查呢啲都係要寫入去嘅，因為呢啲都係屬於檢測類別，然後你就揀返合適嘅格仔tick返就可以，然後你咪喺後面補充說明講返做咗咩類型檢查結果如何幾時做咁樣就可以㗎啦，基本上冇異常結果嘅話都係睇吓就算，但呢個都係屬於重點都係要報的

同埋李澤楷個問卷係有得寫個喎，咪就係做過檢查然後結果正常，然後後面寫返做過咩就可以

另外第二條危疾部份，價錢部份你上面兩間同一個保額同一個供款年期，平佢兩成以上，仲要保障內容好過佢，都唔知買佢來做乜

如果佢係推薦買最新嗰隻可以加一成保費保障埋父母或者小朋友都還好，起碼若果父母有病歷好難買到危疾嘅話你本身歲數比較細，就可以用一個好平嘅價錢提供到兩成你嘅保額比父母保障癌症中風心臟病，呢個我就覺得係比較特別嘅。

但若果唔係嘅，我直接係諗自己就OK嘅，咁你直接上面兩間就可以㗎啦，危疾最緊要都係睇價錢同埋個保額為主，然後先至開始睇個內容部份，因為若果市場上面最好嗰個就一定係加拿大太陽嘅危疾3號仔，得佢可以包到糖尿病病變引起嘅疾病，但同一時間都係市場幾乎最貴

然後定期危疾部份，我睇你背景呢就唔係本身收入有限去限制budget嗰隻，咁我就會建議你都係有一份終身嘅危疾做個底，然後你想節省保費嘅就再配搭定期危疾去做咁樣就可以壓縮到個保費同一時間又有個多重賠償嘅做個底。定期危疾部份我就會建議用一份單次賠償為主嘅，然後揀一個可以鎖定10年甚至20年一樣保費嘅，呢個係攞嚟幫手做個槓桿倍大咗第一次中招賠償得到嘅錢，因為第一次應該係最緊張同埋預鬆少少會好啲，咁呢個就可以做到壓縮個保費嘅同時保障額都會夠。

至於四份個定位呢，終身危疾基本上呢兩間就各自係有一半嘅fans，鍾意保證現金價值就168，鍾意無限次保障就無限保，真係好分明嘅差距，若果真係好難抉擇我會建議各買一半就算。

定期危疾部份，上面嗰兩隻其實都唔屬於同類型產品嘅對比，因為意大利嘅定期危疾基本上你拎走咗佢要keep住冇得供斷同埋越嚟越貴之外，基本上成個產品內容係同佢嘅終身危疾一模一樣，呢個最主要係保障年輕嘅時候中招，然後唔需要交保費保障去到100歲。至於煲呔仔，就係一隻比較傳統嘅定期危疾只不過係有多重賠償嘅條款係入面咁解，都係第一次中招咩都得，然後第二三次就只可以係癌症中風心臟病等等，但個缺點其實係個保費都貴咗，我自己就選擇咗單次嗰隻然後鎖定未來10年一樣保費咁樣，如果唔係你每年加價一次其實個壓力去到老咗，但係未退休嘅時候其實係好大壓力。

如果你有問題就繼續喺呢度講啦，我會繼續答返

數到三 2023-10-04 06:16:54

基本上係一個供得斷一個供唔斷

其他內容基本上係一模一樣，除咗係冇得退保拎返錢之外，保障內容上係一模一樣的

你冇睇錯，都係一樣有中咗嚴重危疾之後豁免往後保費，同一時間提供無限次保障落去

只不過你中間要考慮嘅地方係你係諗住長買定係去到退休年紀前就會cut，因為如果你買超過35定唔記得40年呢基本上兩個交出去嘅保費係已經相等的，但去到後期個保費就變咗開始難以負擔就唔會令到你有意欲繼續keep落去，但終身部份就因為咁多年做咗個均衡保費變咗拉返平衡老咗都唔會話特別覺得辛苦

其實我覺得兩個係相輔相成，本身budget唔夠嘅咪可以兩個混合去做，最緊要係保額足夠，若果不值係嚴重不足，咁直接買一份定期好過。保額就三年人工左右就OK啦，或者直接係用100做base ，拉返開衫年即係平均三萬零蚊一個月到，都足夠應付一個香港正常白領嘅日常開支又唔會話需要降低生活水準咁樣

不過其實最重要都係有一份醫療，強烈建議你一定係要買咗一份醫療你先好諗危疾，如果唔係有大鑊嘢你一定搞唔掂，個先後次序唔可以俾人洗腦一定係要按照醫療>危疾>人壽咁去諗就可以

數到三 2023-10-04 06:23:41

兩者分別係前者係普通房後者係半私家房
若果正常自己買嘅話，我就會建議買尊為你為主，因為半私家容易令到醫生安排到房間俾你，唔需要喺大房要等房等好耐咁樣，個體驗係爭好遠嘅

但若果你係諗住幫兩老兩位去買嘅話想盡可能壓縮保費嘅，咁就可以考慮買大房嗰一款，因為你需要考慮需要幫父母長期供款，所以要考慮會唔會供款供得吃力辛苦呢啲，咁呢啲就需要去諗係咪需要犧牲個質素上面嘅考量，即係都可以接受到等耐少少又或者房間冇咁容易安排呢個問題，同埋大房始終係冇半私家咁舒服嘅，感受上面來講係會自在好多。

至於父母嘅話呢，呢兩隻都係可以考慮的，同埋可以選擇高自付費，一來壓縮保費，二來若果係大鑊嘢嘅話，符合佢指定嘅疾病就可以豁免自付費，咁呢個都係叫做幫你慳到

另外一隻若果你想諗多個嘅話，加拿大太陽既港無憂同埋港卓越你都可以睇睇，對老人家會比較友好

一拳超人打爆波 2023-10-04 13:06:40

其實經agent 索賠同自己交form 索賠
其實有冇分別，有冇收少左錢

一拳超人打爆波 2023-10-04 13:15:05