保險問題 理性討論 佛系你問我答(5)新年快樂

假設我自己有病
但醫院未有紀錄
係米應該買自願醫保
跟住等佢一批 再去睇醫生？

Early Claim 問得好詳細

可能我搵果間冇agent
就算我覺得自己有病
係咪只要未有病歷就唔計

想請教下樓主，25歲買緊fwd vprime 16000自付費。
就黎續保，諗緊加唔加自付費去到5萬好。
雖然公司有醫療，但應該cover唔晒5萬。

因為本身冇咩病痛，家族都冇病史，好唔好趁後生慳返啲保費先，到五六十歲先再減返自付費？

你覺得冇用，要醫生診斷左你有病先係
你覺得自己係百萬富翁，咁你係唔係呀

如果想買一份醫療+危疾
又冇病冇痛
係咪就咁Bowtie就ok?

我而家會推薦三間嘅

一間就係意大利嘅意外，一個就係林作前公司嗰間，另外一個就係新世界嘅意外，前兩個都係可以上網買嘅，物理治療個冇每日上限，用個大額去計

你預係極限嚟嘅 其實點都要自己比一部份

就算係有smm 只不過係再分薄你要比嘅部份，唔使俾咁多咁解

MRI就唔太清楚
但係佢嘅腸胃鏡如果係用網絡醫生做嘅話，都係豁免自付費的

如果本身有份高端想買個底，咁你應該一係煲呔一係就佢母公司加拿大太陽，呢兩間應該係最平靚正去做

係呀

買靈活計劃好好多，標準真係純粹看門口

喺內地醫院用 我就未有經驗試過

因為當內地客有問題，廣東地區嘅話多數都係直接打部車落嚟香港睇

都係keep單，最好同埋做咗Pre approval 先

如果呢個歲數嘅話

危疾我覺得比較貴了，你可以睇情況加定期危疾，你可以睇睇個價錢再決定加幾多

我覺得人壽就可以加加既，始終價錢會平啲，雖然呢個歲數槓桿就會縮水，但係起碼真係如果唔好彩有咩事，都起碼多一筆錢比屋企人

醫療就齊啦，有咩事放低50000搞掂

大概就係咁樣了，睇價錢食飯就得

有冇個名

同埋而家張單嘅情況係點？供咗幾多年？現時現有金額，非保證部份金額派發如何，會唔會有個表可以睇一睇？

如果係好早期就已經停咗，就無謂再繼續落去了，因為都已經冇咗個累積效果。但若果係中期位置先停嘅，就可以視乎情況繼續落去

冇影響啊

因為broker係中介，客買嘅單都係屬於保險公司，中介執咗都好，你都係可以搵返保險公司處理同埋唔會影響咗張單，同埋跟進嘅broker如果掛咗另外一間公司，就可以轉換返個serving right 過去就可以無縫跟進了

如果用一個簡單例子就係，你買咗個單位，然後個地產舖出唔到糧比aa，都係唔會對你個單位價值/業權有影響，最多都係屬於勞資糾紛


利申 我前公司黎

Agent嘅話就會比較睇重續保率，一來續保有錢收，二來好多客第二年就cut佢會俾人問發生咩事嘅，同埋有啲公司獎金計算係有呢個因素會計算

純危疾，我會推薦蘇黎世同李澤楷，可以選擇10年或者20年均衡保費，即係咁多年一樣價錢，長買嘅話可以壓縮到個保費，比起一年一年加抵玩，同埋危疾上面包含嘅內容同條款都唔錯

至於人壽嘅話，我就會推薦李澤楷同埋香港太平洋，可以選擇20年均衡保費又或者40年，人壽都係一個長買一開始就揀嘅話會係平d嘅，同埋都係睇價錢選擇就可以

冇影響的，可以參考我上面幾個留言

如果你有兩份單你簽兩張transfers serving right就可以，三張就三份如此類推，佢掛咗個牌就可以隨時跟進，仲方便過同agent你要cut再重新買

我係全部cold call既walk in客

以前未入保險比較平台就全部都係自己Online嘅客人為主，都係以前答問題答得滿意就自然有客會主動上門了，跟住就都係referral咁

入保險比較平台就公司派客，都係客人walk in答問題然後簽都係咁樣了，有時有啲老細嘅朋友親戚咪都係要幫手處理埋

而家就都會做吓啲行家嘅referral business，因為有啲提供唔到特定公司嘅就會透過我地處理，同埋一啲non local客咁樣

不過都係從來冇試過需要自己搵客的，同埋冇主動做過warm call亦都冇必要做，多數都係主動叫我幫手入同買，都係朋友同埋以前中後勤同事為主，我自己就係主張冇必要都唔好做，我識咗10幾年嘅frd我比完意見佢之後都係叫佢再搵fd買，太熟嘅由細一齊長大嘅，我唔想比金錢影響咗關係，起碼跟我意見嘅就唔會係買得差先

係呀

呢間就平靚正的，如果冇病歷嘅話就可以選擇佢啊，若果有病歷嘅話就可以考慮其他唔同公司，咁就會比較容易入場了

靈活計劃搭50,000先會夠

標準最多都係15000 25,000 已經係好極限，仲要係預咗自己都要比一部份錢先得

咁你倒不如加多少少上靈活，就咁買標準計劃完全冇smm，若果係中小手術嘅話你要比嘅部份實在太多了

如果能力許可 越早開始越好的

因為如果唔係當有病歷之後買，就會有好多不保事項甚至買唔到了

最好就買個中高端計劃

Bu仔係貴既

而家係貴到呢，佢呢個嘅定位係高級

但係相對地佢而家個核保標準係比較低，有情緒病同埋糖尿病人都會比較容易買到，係佢做咗冇幾耐嘅限時核保調低

如果你有一份個人醫保 同一份正常公司醫保嘅話

可以選擇到50,000嘅

但若果你打算一份走天涯嘅話，15000 25000左右都係唔錯的，我自己就係揀15,000既

其實幾好㗎

睇你想唔想有個人幫你跟咋嘛，即係平時可以主動WhatsApp問問題又或者係處理其他唔同嘅，我自己都會鍾意自己跟進或者係可以上網處理晒嘅，所以我自己大部份嘅保險都係可以上網買到或者可以上網搞claim或者交錢改地址咁樣嘅

都係冇乜分別，只不過係有個agent你會預期佢會有一個醫療意見俾你，又或者係個表格可以點樣填寫咁樣，若果係以前父母個一輩對文件仲慘過叫佢擔泥嘅咁有個人梗係絕對好好多嘅。 因為佢上網就都係會assign 一個醫療服務專員俾你，協助你有咩問題需要填有咩要交咁樣，不過就係全程可以Online交處理咁樣，其實就比較啱我呢一種盡可能全部都可以Online交到form嘅，屋企部油墨printer印咁多野係勁麻煩

利申 我自己醫療係用c記的，都係可以上網自己搞